പാറൂ എഴുതുന്നു - ആര്‍ക്കൊക്കെയോ വേണ്ടി

ഞാനും എന്റെ ഏട്ടനും.

2009-07-17T05:47:00.000-07:00

പോസ്റ്റ് ചെയ്തു കഴിഞ്ഞാണ് ഞാന്‍ കാണുന്നത് ടൈറ്റില്‍ ഇല്ലെന്നു സോറി..ഞാനും എന്റെ ഏട്ടനും വായിക്കുവാന്‍ ഇവിടെ ക്ലിക്കുമൊ പ്ലീസ്‌ ..

ഞാനും എന്റെ ഏട്ടനും

2009-07-17T01:35:00.000-07:00

എഴുതുന്ന എല്ലാ പോസ്റ്റിലും ഉള്ള ഒരു വില്ലന്‍ കഥാപാത്രം ആയിട്ടാണ് എല്ലാവര്ക്കും മുന്നില്‍ ഏട്ടനെ ഞാന്‍ അവതരിപ്പിച്ചിരിക്കുന്നത് . ഏട്ടന്‍ എപ്പോളും എന്റെ ജീവിതത്തില്‍ ഒരു വില്ലന്‍ തന്നെ ആണ് . ഞാന്‍ എന്റെ സഹോദരങ്ങളില്‍ എല്ലാവരിലും ഏറ്റവും അധികം ഇഷ്ടപ്പെടുകയും സ്നേഹിക്കുകയും ചെയ്യുന്ന വില്ലന്‍.

ഏട്ടന്‍ എന്റെ നേരെ മൂത്ത ആളാണ്.. എട്ടു വര്‍ഷത്തോളം വീട്ടിലെ ഇളയ സന്താനം ആയി വാണു സുഖിച്ചു കഴിയുന്ന ടൈമില്‍ ആണ് ഞാന്‍ ഉണ്ടാകുന്നത്.. സ്വാഭാവികം ആയും ഒരു സ്ഥാന നഷ്ടം ഉണ്ടായി. പെട്ടന്ന് എല്ലാവരുടെയും മുന്നില്‍ ഞാന്‍ ചെറിയ കുട്ടിയും ഏട്ടന്‍ മുതിര്ന്ന കുട്ടിയും ആയി.എല്ലാരുടെയും ശ്രദ്ധ എന്നിലേക്ക്‌ ആയി.

ബാക്കി സഹോദരങ്ങള്‍ കാട്ടാതിരുന്ന ദു:ഖം അമ്മ ഏട്ടനില്‍ കണ്ടു. അങ്ങനെ ഒരു ദു:ഖം ഏട്ടന് ഉണ്ടാകാതിരിക്കാന്‍ അമ്മ എന്നെ വളര്‍ത്തുന്ന ജോലി ഏട്ടനെ ഏല്പിച്ചു. എപ്പോളും ന്റെ എല്ലാ കാര്യങ്ങളും ഏട്ടന്‍ ചെയ്തു തുടങ്ങി. എന്നെ കണ്ണ് എഴുതിക്കുന്നതും പൌഡര്‍ ഇടിക്കുന്നതും എല്ലാം ഏട്ടന്റെ ജോലി . അങ്ങനെ ഏട്ടന്‍ എല്ലാരെക്കാളും അധികം എന്നെ സ്നേഹിക്കാന്‍ തുടങ്ങി. ഞാന്‍ കരയുന്ന ശബ്ദം എവിടെ നിന്നെകിലും കേട്ടാല്‍ ആദ്യം ഓടി എത്തുന്നത് എന്റെ ഈ ഏട്ടന്‍ ആയിരിക്കും. അങ്ങനെ എവിടെ നിന്നോ ഏട്ടന് എന്റെ എല്ലാ കാര്യങ്ങളിലും അച്ഛനും അമ്മയും പോലും കാണിക്കാത്ത ഒരു അധികാരം ഉണ്ടായി.

എനിക്ക് ഒരു അസുഖം വന്നാല്‍ എല്ലാവരെക്കാളും അധികം ദുഖിക്കുന്നത് ഏട്ടന്‍ ആണ്. രാത്രിയില്‍ ഒക്കെ ഇടക്ക് ഏട്ടന്‍ എണീറ്റ്‌ വന്നു നോക്കും. എനിക്ക് രണ്ടു മൂന്നു വയസു ആയപ്പോള്‍ ഏട്ടന്‍ എന്നെ ഏട്ടെന്റെ കൂടെ കിടത്തി ഉറക്കണം . ഞാന്‍ അമ്മേടെ കൂടെ അല്ലാതെ കിടക്കില്ല. അമ്മ എന്നെ ഉറക്കിയിട്ട് ഏട്ടനെ വിളിച്ചു എന്റെ കൂടെ കിടത്തും . ഉറങ്ങി കിടക്കുന്ന എന്നെ നോക്കി ഞാന്‍ എപ്പോ ഉണരും എന്ന ആലോചന കാരണം മിക്കപ്പോളും ഏട്ടന്‍ ഉറങ്ങില്ല. കണ്ണ് വലിച്ചു തുറന്നു പിടിച്ചിരിക്കും .. ഇങ്ങനെ ഒക്കെ ചെയ്തു തരുന്ന ഈ ഏട്ടനെ എനിക്ക് കുഞ്ഞിലെ ഇഷ്ടം അല്ല . എനിക്ക് അമ്മ തന്നെ വേണം . ഉറങ്ങി എണീക്കുമ്പോ അമ്മയെ കണ്ടില്ലെങ്കില്‍ ഞാന്‍ കരയും.

പിന്നെ എപ്പോളോ ഒരു പ്രായത്തിന്റെ അന്തരം ഞങ്ങള്‍ക്കിടയില്‍ ഉണ്ടായി . അങ്ങനെ പതിയെ പതിയെ ഏട്ടനും ബാക്കി ഏല്ലാവരും ഒരു ഗ്രൂപ്പും ഞാന്‍ മാത്രം അച്ഛന്റെയും അമ്മേടേം ഗ്രൂപ്പും. അതായത് ഒരു ന്യൂസ് റിപ്പോര്‍ട്ടര്‍ . അവരുടെ കൂടെ നടന്നു അവര്‍ക്കിടയിലെ രഹസ്യങ്ങള്‍് ചോര്‍ത്തല്‍. അവര്‍ക്ക് ഭയങ്കര പാര.

പിന്നെ കുറച്ചു കൂടി വലുതായപ്പോള്‍ ചുണ്ടങ്ങ കൊടുത്തു വഴുതനങ്ങ വാങ്ങുന്ന സ്വഭാവം ആയി. എല്ലാവരോടും പോയി പോര് കുത്തും.ആദ്യത്തെ അടി തുടങ്ങുന്നത് ഞാന്‍ ആയിരിക്കും.അടി കൊടുത്തിട്ട് ഏട്ടന് നന്നായി ഏറ്റു എന്ന് ഉറപ്പു വരുത്തിയ ശേഷം ഞാന്‍ ഒച്ചയില്‍ കിടന്നു നിലവിളിക്കും . കരച്ചില്‍ കേട്ടു അമ്മ എത്തുമ്പോള്‍് കാണുന്നത് എന്നെ തല്ലാന്‍ കൈ ഓങ്ങി നില്ക്കുന്ന ഏട്ടന്‍.. പിന്നെ എന്തെങ്കിലും വേണോ? അമ്മയുടെ കയ്യില്‍ നിന്നും ഏട്ടന് ബാക്കി കിട്ടും. അമ്മ എന്നെ എടുത്തു കൊണ്ടു പോകുമ്പോള്‍ അമ്മേടെ തോളിലിരുന്നു ഏട്ടനെ ഒച്ച വെക്കാതെ ചിരിച്ചു കാട്ടും. അങ്ങനെ നിരപരാധി ആയ ഏട്ടന് എപ്പോളും ശകാരം. പിന്നെ ഏട്ടനും ഞാനും ആയുള്ള വഴക്കുകള്‍ക്ക് ആരും സാക്ഷികള്‍ ഉണ്ടാകില്ല. ആരും അതിന് മുതിരാറില്ല. സാക്ഷി പറയ്യാന്‍ വന്നാല്‍ ഞാന്‍ കരഞ്ഞു അവരെ കൂടി പ്രതി കൂട്ടില്‍ നിര്‍ത്തും. പിന്നെ അമ്മ ആയിരിക്കില്ല ശിക്ഷാവിധി നടപ്പാക്കുന്നത്. അച്ഛന്‍ വന്നാല്‍ എല്ലാവര്ക്കും കിട്ടും. ചിലപ്പോള്‍ ഏട്ടന്‍ ഞാന്‍ കാറുന്നതിനു മുന്നേ ഒരെണ്ണം തരും അങ്ങനെ ഉള്ളപ്പോള്‍ ഞാന്‍ കരയാതെ ആരെയം കാണാതെ മുങ്ങും. പക്ഷെ എന്നെ തല്ലാനുള്ള ചാന്‍സ് ഏട്ടന് കിട്ടുക പ്രയാസം ആണ്.

ഇങ്ങനെ ഒക്കെ ആണെങ്കിലും വലിയ റിസ്ക്‌ ഉള്ള കാര്യങ്ങള്‍ ചെയ്യുമ്പോ ഏട്ടന് ഒരു കൈ സഹായം ഞാന്‍ മത്രം ആണ്.അതായതു ഏട്ടന് പേര്‍സണല്‍ ആയി എന്തെങ്കിലും കള്ളത്തരം ചെയ്യണമെങ്കില്‍ ഏട്ടന്‍ അത് എന്നെ മത്രമേ അറിയിക്കൂ. ഞാന്‍ അത് രഹസ്യം ആയി തന്നെ സൂക്ഷിക്കും. എനിക്ക് ഒരു പാര വരുന്നതു വരെ.

അങ്ങനെ ഇരിക്കെ ഓണത്തിന്റെ ഒരു അവധി ദിവസം ഏട്ടന്റെ കൂടെ പഠിക്കുന്ന മനോജേട്ടന്‍ (പേരു ഒര്‍ജിനല്‍ അല്ല)ഏട്ടനേ അവിടെ അപ്പുറത്തുള്ള കുളത്തില്‍ നീന്തല്‍ പഠിക്കുവാന്‍ വിളിച്ചു. പക്ഷെ അച്ഛന്‍ അറിഞ്ഞാല്‍ അത് ഭയങ്കര പ്രശനം ആണ് അച്ചന് ചില കൂട്ട് കെട്ടുകള്‍ ഇഷ്ടം അല്ല .അതില്‍ ഒന്നാണ് ഈ മനോജേട്ടന്‍ . പത്താം ക്ലാസ്സ്‌ എത്തിയപ്പോലേക്ക് പത്ത് പതിനഞ്ചു തവണ ഒളിച്ചോടിയ മഹാന്‍ ആണ് ഈ മനോജേട്ടന്‍.ഒളിച്ചോടി പോയ മനോജേട്ടനെ കണ്ടു പിടിക്കാന്‍ അച്ഛനും കുറെ ഓടിയിട്ടൂളളതാണ് . അതുകൊണ്ട് അച്ഛന്റെ അനുവാദത്തോടെ നീന്തല്‍ പഠിത്തം നടക്കില്ല. അച്ഛന്‍ ഇല്ലാത്ത സമയത്തു വേണം പോകാന്‍.

ഏട്ടന്‍ എന്നോട് വിവരം പറഞ്ഞു. അച്ചന് ആ അടുത്തെങ്ങാന്‍ ലോങ്ങ്‌ ട്രിപ്പ്‌ ഉണ്ടോ എന്നറിയണം. അതായതു മനോജേട്ടന്‍ പറഞ്ഞതു വെച്ചു ഒരു അഞ്ചു മണിക്കൂര്‍ നന്നായി ശ്രമിച്ചാല്‍ നീന്തല്‍ പഠിക്കാം എന്നാണ്. അഞ്ചു മണിക്കൂര്‍ നേരം അച്ഛന്‍ വീട്ടില്‍ നിന്നു മാറി നില്‍ക്കണം. അച്ഛന്‍ അഞ്ചു മണിക്കൂര്‍ നേരം വീട്ടില്‍ നിന്നു മാറിനില്‍്ക്കുമോ എന്ന് ഡയറക്റ്റ് ചോദിയ്ക്കാന്‍ ആകെ മനക്കരുത്ത് ഉള്ളത് എനിക്ക് മാത്രമാണ് . വേറെ ഏത് മക്കള്‍ പോയി അച്ഛനോട് ഈ ചോദ്യം ചോദിച്ചാലും അച്ചന് സംശയം മണക്കും .
"എന്റെ അച്ഛന്‍ ആരാ മോന്‍?"

രണ്ടാം ക്ലാസ്സില്‍ പഠിക്കുന്ന എനിക്ക് അച്ഛന്‍ അഞ്ചു മണിക്കൂര്‍ മാറി നിന്നിട്ട് ഒരു പ്രയോജനവും ഇല്ല. അത് കൊണ്ടു ഈ ചോദ്യം അച്ഛനോട് ചോദിക്കാന്‍് എന്നെ ഏല്‍പ്പിച്ചു. ഏട്ടന്‍ തന്നെ ചോദ്യം പറഞ്ഞു തന്നു അച്ഛന്‍ ഈ ആഴ്ച ദൂരെ എവിടെ എങ്കിലും പോകുമോ ? പോകുമ്പോ എന്നെ കൊണ്ടു പോകുമോ? . ഈ ചോദ്യത്തില്‍ എന്തായാലും ഒരു സംശയവും അച്ചന് തോന്നില്ല . കാരണം അച്ഛന്‍ എവിടെ പോയാലും എന്നെ കൊണ്ടു പോകുമോ എന്ന് ഞാന്‍ ചോദിക്കുന്നതാണ് .

അന്ന് രാത്രി അച്ഛന്‍ അത്താഴം കഴിഞ്ഞു ഉമ്മറത്ത്‌ ചാര് കസേരയില്‍ ഇരുന്നു കാറ്റു കൊള്ളുന്ന നേരം ഏട്ടന്‍ അച്ഛന്റെ അടുത്തേക്ക് എന്നെ വിട്ടു . സാധാരണ ഈ സമയത്ത് ഞാനും അച്ഛന്റെ കൂടെ ആ ചാര് കസേരയില്‍ ഇരിക്കും. ഞാന്‍ ഉമ്മറത്ത്‌ എത്തിയപ്പോ അച്ഛന്‍ എന്നെ വിളിച്ചു മടിയിലിരുത്തി പതിവു പോലെ. ഈ സമയം അച്ഛനും എനിക്കും മാത്രം ഉള്ളതാണ് . അച്ഛനോട് എനിക്ക് വലിയ വലിയ സംശയങ്ങള്‍ ചോദിക്കാനും അച്ഛന്റെ കുട്ടികാലത്തെ കഥ പറഞ്ഞു തരാനും അച്ഛന്റെ മീശയില്‍ പിടിച്ചു വെള്ള കളറില്‍ ഉള്ളത് പറിച്ചെടുക്കനും അറബിക്കഥയിലെ രാജാ കുമാരന്‍ പറന്നു പോയ കഥ പറയാനും മാത്രം ഉള്ള സമയം . ഏട്ടന്‍ വാതിലിന്റെ പുറകില്‍ ഞങ്ങളുടെ സംഭാഷണം കെട്ട് ചെവി കൂര്‍പ്പിച്ചു നിന്നു. ഇടക്ക് അവസരം നോക്കി ഞാന്‍ അച്ഛനോട് ഏട്ടന്‍ പറഞ്ഞ ചോദ്യം ചോദിച്ചു. അച്ഛന്‍ അടുത്ത ദിവസം തന്നെ ഏതോ ഒരു വസ്തു നോക്കാന്‍ അമ്മാവന്റെ കൂടെ പോകുന്നുണ്ട്. ഒത്തിരി ദൂരെ ആണ് പോകുന്നത്. രാവിലെ പത്തു ഒക്കെ ആകുമ്പോ പോയി രാത്രി ഇരുട്ടിയിട്ടേ തിരിചെത്തു .
അത് കൊണ്ടു എന്നെ കൊണ്ടു പോകാന്‍ പറ്റത്തില്ല .

വിവരം അറിഞ്ഞു ഞാന്‍ സൂത്രതില്‍ അച്ഛന്റെ അടുത്ത് നിന്നു വലിഞ്ഞു. ഏട്ടന്റെ അടുത്തേക്ക് ഓടി. പുറകു വശത്തെ തിണ്ണയില്‍ ഞങ്ങളെ കണ്ട ചേച്ചി ചോദിച്ചു എന്താ രണ്ടു കൂടി പാതിരയ്ക്ക് തല്ലു കൂടാന്‍ വേണ്ടി നില്‍ക്കുകയാനോന്നു .ഞങ്ങള്‍ ഒന്നും മിണ്ടാതെ നേരം വെളുക്കാന്‍ വേണ്ടി പ്രാര്‍ത്ഥിച്ചു പോയി കിടന്നു. ഏട്ടന്‍ നീന്തല്‍ പഠിക്കാന്‍ പോകുമ്പോ എന്നെ കൂടി കൊണ്ടു പോകാം എന്ന് പറഞ്ഞ വാക്കിലാണ് ഞാന്‍ മയങ്ങി ഇരിക്കുന്നത്. അങ്ങനെ അച്ഛന്‍ പോയ പുറകെ ഏട്ടന്‍ എന്നെയും കൂട്ടി കുളത്തിന്റെ അങ്ങോട്ട് വന്നു. മനോജേട്ടനും അവിടെ ഉണ്ട്. നല്ല ആഴം ഉള്ള കുളം ആണ്. നീന്തല്‍ അറിയാവുന്ന ആരും കൂടെ ഇല്ല താനും ,അതുകൊണ്ട് ഏട്ടന്റെ കയ്യില്‍ ഒരു കയര്‍ ഉണ്ട്. അത് ഏട്ടന്റെ വയറില്‍ കെട്ടി അതിന്റെ തുമ്പ് എന്നെ ഏല്പിച്ചു. ഏട്ടന്‍ മുങ്ങി എന്ന് പറയുമ്പോ പൊക്കാന്‍് വേണ്ടി ആണ് എന്നെ കയറു തന്നു നിര്‍ത്തിയിരിക്കുന്നത്.. ഏട്ടന്‍ മുങ്ങി എന്ന് പറയുമ്പോളും ഏട്ടന്‍ മുങ്ങി എന്ന് എനിക്ക് തോന്നുമ്പോഴും ഒക്കെ ഞാന്‍ കയറില്‍ പിടിച്ചു പൊക്കി കൊണ്ടിരുന്നു.

പക്ഷെ പോയ വഴിക്ക് ബ്രോകെര്‍ക്ക് എന്തോ അസൌകര്യം . അത് കാരണം അച്ഛന്‍ തിരിച്ചു വീട്ടിലേക്ക് വന്നു.ഞങ്ങളെ കുറെ നേരം കാണാതായപ്പോള്‍ , ഞങ്ങളെ അന്വേഷിച്ചു . അമ്മ പറഞ്ഞു ഒരു കയറും ആയി രണ്ടും കൂടി പോണത് കണ്ടു എന്ന്. അച്ഛന്‍ ഒന്നും പറയാതെ അവിടെ കണ്ട ഏതോ ഒരു മരത്തിന്റെ നല്ലൊരു കൊമ്പ് ഒടിച്ചു കൊണ്ടു ഞങ്ങളെ അന്വേഷിച്ചു വന്നു. മുങ്ങി കൊണ്ടിരിക്കുന്ന ഏട്ടനെ പൊക്കുന്ന ഞാന്‍ അച്ഛന്റെ വരവ് കണ്ടു. കയര്‍ അവിടെ ഇട്ടിട്ടു "അയ്യോ അച്ഛന്‍ വന്നെ" എന്ന് കൂവി ജീവനും കൊണ്ടു ഓടി.

അച്ഛന്‍ വന്നു ഏട്ടന്റെ കയറില്‍ പിടിച്ചു പൊക്കി കരക്ക്‌ കേറ്റി. പിന്നെ കയ്യില്‍ ഇരുന്ന വടിക്ക് നല്ലത് വീട് വരെ കൊടുത്തു കൊണ്ടു വന്നു. വീട്ടില്‍ എത്തിയപ്പോള്‍ ഞാന്‍ വീണ്ടും അമ്മമെടെ മുറിയില്‍ കയറി. അച്ഛന്‍ വന്നു എന്നെ വിളിച്ചു എനിക്കും തന്നു മൂന്നു നാല് പിട . പിടിച്ചിരുന്ന കയറു എറിഞ്ഞിട്ടു ഓടിയതിനാണ് എനിക്ക് കിട്ടിയത്.
ഏട്ടന് ആകെ സങ്കടം ആയി . ഏട്ടന്‍ വീട്ടില്‍ വരാതെ നേരെ പുറകിലത്തെ തൊടിയില്‍ പോയി കിടന്നു . അച്ഛന്‍ കുറച്ചു കഴിഞ്ഞു അമ്മയോട് ഏട്ടന്‍ എവിടെ എന്ന് അന്വേഷിച്ചു. അപ്പുറത്തെ തൊടിയില്‍ ഇരിപ്പുണ്ട് ,അവന്റെ തുട പൊട്ടി എന്നാ തോന്നണത് ഇങ്ങനെ ആണോ മക്കളെ തല്ലണത് . അമ്മേടെ വക ചോദ്യം . അച്ഛന്‍ ഒന്നും മിണ്ടാതെ അവിടെ ഇരുന്ന എണ്ണ കുപ്പിയും ആയി പറമ്പിലേക്ക്‌ പോയി. പുറകെ ഞാനും പോയി. അച്ഛന്‍ ഏട്ടന് തല്ലുകൊണ്ട ഭാഗത്തെല്ലാം എണ്ണ തൂത്ത് തടവി, ഉപ്പിട്ട ചൂടു വെള്ളത്തില്‍ കാലും കഴുകി കൊടുത്തു. (അതാണ്‌ ഞങ്ങളുടെ അച്ഛന്‍ -എന്റെ ചക്കര അച്ഛന്‍ ).

പിറ്റേന്ന് രാവിലെ അച്ഛന്‍ ഏട്ടനേയും കൊണ്ടു നീന്തല്‍ പഠിപ്പിക്കാന്‍ പോയി. രണ്ടു ദിവസം കൊണ്ടു ഏട്ടന്‍ നീന്തല്‍ പഠിച്ചു.

എന്റെ ബി സ് സി കഥകള്‍ - രണ്ടാം ഭാഗം

2009-07-01T13:43:00.000-07:00

എന്റെ ബി സ് സി കഥകള്‍ രണ്ടാം ഭാഗം വയിക്കുആന്‍ ക്ലിക്ക് ഹിയര്‍ പ്ലീസ്‌

അന്തരീക്ഷം അശുഭലക്ഷണം

2009-07-01T00:00:00.000-07:00

അന്ന് കോളേജില്‍ സീറ്റ് ഉറപ്പിച്ചു വീട്ടില്‍ എത്തിയിട്ട് കോളേജില്‍ പോകുന്ന വഴികളെക്കുറിച്ച് ചിന്തിച്ചു . ആദ്യത്തെ ഒരാഴ്ച എന്തായാലും അച്ഛന്‍ കൊണ്ടു വന്നു ആക്കും. പിന്നെ വേണമെങ്കില്‍ ബാക്കി ഉള്ള മൂന്നു വര്ഷവും അച്ഛന്‍ തന്നെ കൊണ്ടു വന്നാക്കുകയും വിളിക്കാന്‍ വരുകയും ചെയ്യും. പക്ഷെ ആരേലും കണ്ടാല്‍ അയ്യേ നാണക്കേടല്ലേ?ട്യുഷന്‍ കഴിഞ്ഞു ഞാന്‍ ലേറ്റ് ആയി വരുമ്പോ അച്ഛന്‍ വിളിക്കാന്‍ വരുന്നതിനു തന്നെ ഫ്രണ്ട്സ് കളിയാക്കി കൊന്നു. ഇനിയും അതിനൊരവസരം ഉണ്ടാക്കരുത് .

കോളേജില്‍ പോകാന്‍ മൂന്നു വഴികള്‍ ഉണ്ട് . അതില്‍ ഏറ്റവും ഷോര്‍ട്ട് ആയ വഴിയില്‍ കൂടി പോയാല്‍ ടാറിട്ട റോഡ്‌ കാണാതെ കോളേജില്‍ എത്താം. മറ്റു രണ്ടു വഴികള്‍ അല്പം കൂടുതല്‍ ആണ്. ചുറ്റി തിരിഞ്ഞു പോകേണ്ടി വരും. എന്തായാലും ഷോര്‍ട്ട് ആയ വഴി തന്നെ തിരഞ്ഞെടുത്തു. ഒരു അഞ്ചോ ആറോ വീട്ടുകാരുടെ തൊടികള്‍ (എല്ലാ വീട്ടുകാര്‍ക്കും കാണു ഒരു പത്ത് പതിനന്ജു ഏക്കര്‍ നിലം- ) മാത്രം കടന്നാല്‍ കോളേജ്‌ എത്തും. പോകുന്ന വഴി നല്ല ഭംഗി ഉള്ള നെല്‍പാടങ്ങളും കനാലും കൈ തോടുകളും ഓഹോ എന്ത് രസം!!!!.

ഇനി ഈ തൊടികളെ വിശദീകരിക്കാം .

അച്ഛന്റെ തൊടി കഴിഞ്ഞാല്‍ തെക്കേടത്തെ തൊടി അത് കഴിഞ്ഞാല്‍ തൈപറമ്പിലെ തൊടി ,പിന്നെ മീനനിവാസ്‌ കാരുടെ, ഭീതംബാരന്‍ മാഷിന്റെ പിന്നെ നെല്പാടവും കനാലും കൈ തോടും .. പിന്നെ ഒരു ചെറിയ കുന്നു അവിടെ മുഴുവന്‍ തെരുവ കാടാണ്. തെരുവകാട്ടില്‍ നിന്നു നേരെ ഇറങ്ങിയാല്‍ കോളേജിന്റെ കോമ്പൌണ്ട്.

ഈ കോളെജിനു ഒരു പ്രത്യേകത ഉണ്ട് മൂന്നു വഴികളില്‍ ഏത് തിരഞ്ഞെടുത്താലും കുന്നു കേറണം. അതില്‍ ഏറ്റവും ചെറിയ കുന്നു ഈ തെരുവകാട് വഴി വരുമ്പോള്‍ ഉള്ളതാണ് എന്ന് ഞാന്‍ വഴിയേ മനസിലാക്കി . അത് കൊണ്ടു ഈ വഴി എന്തായാലും സെലക്ട്‌ ചെയ്യണം .പിന്നെ ഈ വഴി പോന്നാല്‍ ഞാന്‍ ഈ കോളേജില്‍ ഉള്ള വിവരം ഒരു മാതിരി പെട്ട ആളുകള്‍ ഒന്നും അറിയില്ലാ. ഞാന്‍ വല്ല വിദേശ പഠനത്തിനും പോയെന്ന് ഓര്‍ത്തു എന്റെ അഭ്യുതയകാംഷികള്‍ ആശ്വസിച്ചു കൊള്ളട്ടെ. അടുത്തുള്ള രണ്ടു കൂട്ടുകാര്‍ എന്റെ സീനിയര്‍ ബാച്ചില്‍ ഉണ്ട് അവര്‍ കൂടി വന്നിട്ട് ഈ വഴികളില്‍ കൂടി പോകാം .ആ വഴി തന്നെ പോകാന്‍ യാതൊരു വിധത്തിലും അച്ഛനും അമ്മയും സമ്മതിക്കില്ല. മഴക്കാലത്ത് ഒത്തിരി പാമ്പുകള്‍ ഒക്കെ തോടിന്റെ വരമ്പില്‍ കാണും. വല്ലതും പറ്റിയാല്‍ ആരും കാണുക കൂടി ഇല്ല .

കോളേജില്‍ ക്ലാസ്സ്‌ തുടങ്ങുന്ന ദിവസം ഏട്ടന്‍ വീട്ടില്‍ ഉണ്ട് . അച്ഛന്‍ എന്നെ കൊണ്ടു ചെന്നാക്കാന്‍ തയ്യാര്‍ ആകും നേരം ഏട്ടന്‍ പറഞ്ഞു ഞാന്‍ കൊണ്ടു ചെന്നാക്കാം .കോളേജ്‌ ഒന്നു കണ്ടിരിക്കാമല്ലോ? ഈ .....ശ്വരാ.... ഈ ഏട്ടന്‍ എന്നെ കൊണ്ടേ പോകൂ...

ഏട്ടന്‍ കോളേജില്‍ കൊണ്ടു ചെന്നാക്കി. ആദ്യ ദിവസം ക്ലാസ്സ് ഉണ്ടാകില്ല .ഏട്ടന്‍ ഓഫീസിന്റെ അവിടെ വെയിറ്റ് ചെയ്യാം എന്ന് പറഞ്ഞു .

ജോയിന്‍ ചെയ്യാന്‍ വേണ്ടി ചെന്ന റൂമിന്റെ മുന്നില്‍ ചെന്നപ്പോള്‍ ആരോ പറഞ്ഞു മുകളിലെ ക്ലാസ്സുകളിലേക്ക് പോയ്ക്കോളാന്‍ . ഇനി എന്ത് മുകളിലോട്ട് പോകാന്‍ ഇപ്പൊ തന്നെ ഭൂമിയുടെ നെറുകയില്‍ ആണ് നില്ക്കുന്നത്. ഇനിയും മുകളിലേക്ക് പോകാനോ ? ഞാന്‍ എന്ത് ചെയ്യും എന്നോര്‍ത്ത് നില്ക്കുന്നത് കണ്ടു ഏട്ടന്‍ എന്റെ അടുത്ത് വന്നു.

"എന്താ?"

"ഏട്ടാ ക്ലാസ്സ് റൂം ഇവിടെ അല്ല മുകളിലാണെന്നു.."

"ഇതു പിന്നെ എന്താ?"

"ഓഫീസ് റൂമുകള്‍ ആണ്.. "

"കൊള്ളാം എന്നാ എന്റെ മോള്‍ വേഗം മുകളിലേക്ക് പൊക്കോ.. "

"ഏട്ടന്‍ മേലെ വരെ ഒന്നു കൂടെ വരുമോ? ഏത് വഴിയാ പോകേണ്ടത് എന്നറിയില്ല "

"വാ എന്തായാലും കുഞ്ഞനുജത്തിയുടെ കോളേജ്‌ കാണാമല്ലോ?"

ഞങ്ങള്‍ വീണ്ടും കുറച്ചു കൂടി കുന്നു കേറി ഒരു പതിനെട്ടാം പടിയും കണ്ടു കോളേജില്‍ എത്തി. കോളേജ്‌ കണ്ടു ഞാന്‍ നടുങ്ങി. അസ്ബെട്ടോസ് ഷീറ്റ് കൊണ്ടു ഉണ്ടാകിയ ഒരു പഴയ ഷെഡ്‌ പോലെ ഉള്ള കെട്ടിടം. ക്ലാസ്സ്‌ റൂമുകള്‍ വെറും സ്ക്രീന്‍ വെച്ചു തിരിച്ചിരിക്കുന്നു. പക്ഷെ നടുക്കം ഏട്ടനെ കാട്ടാന്‍ പറ്റില്ല. "വലിയ മഹാന്‍മാരെല്ലാം ഇടി മിന്നലിന്റെ വെട്ടത്തും മിന്നാമിനുങ്ങിന്റെ വെളിച്ചത്തിലും ഒക്കെ പഠിച്ചത് മനസ്സില്‍ വിചാരിച്ചു" വളരെ കൂള്‍ ആയി ആരോടോ ഫസ്റ്റ് ബി എസ്‌ സി ക്ലാസ്സ്‌ ചോദിച്ചു . ആരോ കാട്ടി തന്നു . ക്ലാസ്സ്‌ റൂമിന്റെ മുന്നില്‍ എന്നെ ആക്കിയിട്ടു ഏട്ടന്‍ താഴോട്ട് പോയി.

ക്ലാസ്സില്‍ കേറി ഞാന്‍ ബാക്ക് ബെഞ്ചില്‍ പോയിരുന്നു.(സോറി ആകെ രണ്ടു റോ ബെന്ജും ഡെസ്ക്കും ആണ് ക്ലാസ്സില്‍ ഉള്ളത്) . ക്ലാസ്സില്‍ ഉള്ള കുട്ടികള്‍ എന്നെ ഏതോ ഒരു അന്യഗ്രഹ ജീവിയെ പോലെ നോക്കുന്നു. കരയണോ? അതോ ചിരിക്കണോ? ആകെ തല കറങ്ങുന്ന അവസ്ഥ. ആരോടും ഒന്നും മിണ്ടാതെ ഞാന്‍ അവിടെ ഇരുന്നു.
അല്പം കഴിഞ്ഞു ഒരു സര്‍ ക്ലാസ്സില്‍ വന്നു ടൈം ടേബിള്‍ തന്നു. പേരുകള്‍ ചോദിച്ചു.
എന്നോടും ചോദിച്ചു ഞാന്‍ പേരു പറഞ്ഞു
" പാര്‍വതി കുറുപ്പ്"
താനാണോ പാര്‍വതി. താഴെ എത്തുമ്പോള്‍ ഫിസിക്സ്‌ ഡിപാര്‍്ട്ട്മെന്ടില്‍് ചെന്നു ഹെഡ് ഓഫ് ദി ഡിപാര്‍്ടുമെന്ടിനെ കാണാന്‍ പറഞ്ഞിട്ടുണ്ട്.

ഈശ്വരാ വന്നു കെറി ഇല്ല അതിന് മുന്നേ പ്രശ്നങ്ങളോ?
കുറച്ചു കുശലന്വേഷണങ്ങള്ക്ക് ശേഷം ക്ലാസ്സ്‌ വിട്ടു. നാളെ മുതല്‍ റെഗുലര്‍ ക്ലാസ്സ്‌ ഉണ്ടാകും എന്ന് പറഞ്ഞു .

ഞാന്‍ പുറത്തിറങ്ങിയപ്പോള്‍ ക്ലാസ്സില്‍ വന്ന സര്‍ ദാ എന്നെ നോക്കി നില്ക്കുന്നു. ഞാന്‍ സാറിന്റെ കൂടെ ഡിപാര്‍്ട്ട്മെന്ടില്‍് ചെന്നു. അവിടെ ചെന്നപ്പോള്‍ കണ്ട കാഴ്ച ഏട്ടനും H O Dയും കൂടി ചിരിച്ചു കളിക്കുന്നതാണ്.
ഈ ചെറു പ്രായത്തില്‍എന്തൊക്കെ പരീഷണങ്ങള്‍?

"പാര്‍വതിടെ കാര്യത്തില്‍ ഒന്നും പേടിക്കണ്ട . ഞാന്‍ എല്ലാ വിധ ശ്രദ്ധയും കൊടുത്തോളാം. വീട്ടില്‍ എപ്പോളും നിങ്ങളുടെ ശ്രദ്ധ വേണം . ആളെ കണ്ടല്ലോ ഇനി ഞാന്‍ മുഖം മറക്കില്ലാ"

ഞാന്‍ കൂടുതല്‍ ഒന്നും പറയുന്നതിന് മുന്പേ ഏട്ടന്‍ ബൈ പറഞ്ഞു അവിടെ നിന്നു ഇറങ്ങി. നേരെ ഓഫീസ് റൂമില്‍ ചെന്നു അവിടെ ഇരിക്കുന്ന ആളുടെ അടുത്ത് ചെന്നു .

"മോളെ മാത്രം ആണ് എനിക്ക് പരിചയം ഇല്ലാത്തതു. മോളെ കാട്ടി തന്നത് നന്നായി.. ഇനി എല്ലാ കാര്യങ്ങളും നോക്കാന്‍ ഞങ്ങള്‍ ഉണ്ടല്ലോ? "
ഈശ്വരാ വീടിന്റെ മുറ്റത്തു ഉള്ള കോളേജില്‍ എന്നെ നോക്കാന്‍ ഇത്ര അധികം ആളുകളോ? "

ഞങ്ങള്‍ അവിടെ നിന്നു ഇറങ്ങി ക്യാന്റീനില്‍ ചെന്നു .(വീട്ടില്‍ നിന്നു ഭക്ഷണം കഴിചിറങ്ങിയതല്ലേ ഉള്ളു . ഇനി ഇപ്പൊ എന്ത് കഴിക്കാനാണ് പോലും. )
അവിടെ ചെന്നു ഏട്ടന്‍
"വാസുവേട്ടാ ഇതാട്ടോ നമ്മുടെ കുട്ടി നോക്കി കൊള്ളണേ? "
"അയ്യോ പാറൂട്ടിക്കു വാസു ഏട്ടനെ മനസിലായോ? "
ഒന്ന് ചിരിച്ചു കാണിച്ചു യാത്ര പറഞ്ഞു അവിടെ നിന്നു ഇറങ്ങി. ലോകത്തുള്ള എല്ലാവര്ക്കും എന്നെ പരിചയപെടുത്തി കൊടുത്തിട്ടു ഞങ്ങള്‍ വീട്ടില്‍ എത്തി. (മൊത്തം ഷോക്ക്‌ , പഴയ കോളേജ്‌ എത്ര ഭേദം. മുഴുവന്‍ പരിചയക്കാരുടെ ഇടയ്ക്ക് ഇനി എങ്ങനെ ജീവിക്കാന്‍.")
വീട്ടില്‍ എത്തിയ വഴി ഏട്ടന്‍ പരിചയക്കാരുടെ ലിസ്റ്റ് ഒക്കെ അച്ഛനെ കേള്‍പ്പിച്ചു. ഏട്ടന്റെ പ്രിയ സുഹ്രത്തിന്റെ അച്ഛന്‍ ആണ് H O D . പിന്നെ ഓഫീസില്‍ ഉള്ളത് അച്ഛന്റെ വകയില്‍ ഉള്ള ഒരു അമ്മാവന്റെ വകയില്‍ ഉള്ള മുത്തശ്ചന്റ്റെ വകയില്‍ ഉള്ള ഒരു അനന്തരവളെ കല്യാണം കഴിച്ച വരന്‍.

പിന്നെ അവിടെ ക്യാന്റീന്‍ നടത്തുന്നത് ഞങ്ങളുടെ വീടിന്റെ അടുത്ത് ചായക്കട നടത്തി കൊണ്ടിരുന്ന വാസു ഏട്ടനും കുടുംബവും. അവര്‍ പണ്ടു വെള്ളം കൊണ്ടു പോയിക്കൊണ്ടിരുന്നത് വീട്ടില്‍ നിന്നാണ്. ആ പരിചയം. എന്തൊരു കഷ്ടം.

ഞാന്‍ ഇനി എന്തിന് ആ കോളേജില്‍ പോകണം ?

എന്റെ ബീ എസ് സി കഥകള്‍ വായിക്കുവാന്‍

2009-06-18T03:20:00.000-07:00

എന്റെ ബീ എസ് സി കഥകള്‍ വായിക്കുവാന്‍ ഇതു വഴി വരിക...

എന്റെ ബി എസ് സി കഥകള്‍ - ഒന്നാം ഭാഗം

2009-06-18T01:10:00.000-07:00

പി ഡി സി കഥ നല്ല ഒരു ഷോക്കോടെ അവസാനിച്ചു. പിന്നെടങ്ങോട് എന്ത് ചെയ്യണം എന്ന ഒരു അവസ്ഥ സംജാതമായി . ഒരു ഓപ്ഷന്‍ ഉണ്ടായിരുന്നത് ഒരു വര്ഷം വേസ്റ്റ് ചെയ്തു ,മാത്സിന്റെ പേപ്പര്‍ ക്യാന്‍സല്‍ ചെയ്തു ഒന്നുകൂടി എഴുതുക.ആ കൂടെ ഒരു ലോങ്ങ്‌ ടേം കോച്ചിംഗ് ക്ലാസ്സില്‍ ചേര്‍ന്നു വീണ്ടും എന്ട്രന്‍സ് എഴുതുക. എന്റെ കൂടെ പഠിച്ചവരില്‍ പലരും ഈ പണിക്കു പോകുന്നുണ്ട്. വീട്ടില്‍ എല്ലാവര്ക്കും ഈ ആശയത്തില്‍ എന്തോ ഇത്തിരി താത്പര്യം കൂടുതലും ഉണ്ട്. അത് വേറെ ഒന്നും കൊണ്ടല്ല എന്റെ എന്ട്രന്സിന്റെ റാങ്ക് കണ്ടു കണ്ണ് തള്ളി പോയതിന്റെ ഇന്ട്രെസ്റ്റ്‌ ആണ്.

( ഒരു തവണ ചക്കയിട്ട്‌ മുയല് ചത്തു എന്നോര്‍ത്ത് അടുത്ത തവണ ചക്ക ഇട്ടാല്‍ മുയലിനെ കിട്ടുമോ?) . അതുകൊണ്ട് എന്ട്രന്‍സ് എഴുതി ഒരു ഭാഗ്യ പരീഷണം എന്തായാലും വേണ്ടെന്നു ഞാന്‍ മനസ്സില്‍ തീരുമാനിച്ചു. എങ്ങനെയോ ഞാന്‍ ആ മാറ്റര്‍ വീട്ടില്‍ അവതരിപ്പിച്ചു അച്ഛനും അമ്മയ്ക്കും എന്റെ അഭിപ്രായത്തോട് ഒരു എതിര്‍പ്പും പറഞ്ഞില്ലാ.

പക്ഷെ വീട്ടില്‍ ഉള്ള എല്ലാവരും എനിക്കെതിരെ തിരിഞ്ഞു. എന്തിനു ആമാസം ഉണ്ടായ ചേച്ചിടെ കുഞ്ഞു പോലും എന്നെ കണ്ടാല്‍ കരഞ്ഞു അവന്റെ എതിര്‍പ്പും പ്രകടിപ്പിച്ചു. അച്ഛന്‍ എല്ലാ മക്കളെയും ഒരു ബോര്‍ഡ്‌ മീറ്റിങ്ങിനു വിളിച്ചു . കൂടുതല്‍ അഭിപ്രായം ആരെക്കൊണ്ടു പറയിക്കാതെ അച്ഛന്‍ തീരുമാനം എടുത്തു

" അവളുടെ ഭാവി അവളുടെ ഇഷ്ടത്തിന് വിടുക".

കൊള്ളാം നല്ല തീരുമാനം ഞാന്‍ മനസ്സില്‍ സന്തോഷിച്ചു. പക്ഷെ അടുത്ത ചോദ്യം വന്നു ഏട്ടന്റെ വക...

"അച്ഛാ കൊച്ചു കൊച്ചാ അവളെന്തു തീരുമാനം എടുക്കാന്‍" (ഏട്ടെന്റെ വക )

ഈശ്വര ഞാന്‍ കൊച്ചു കൊച്ചായത് എപ്പോളാണാവോ പോലും . ഇന്നു കൂടി ഏട്ടന്‍ രണ്ടു തവണ പറഞ്ഞതാ കെട്ടിച്ചു വിടാന്‍ പ്രായം ആയിട്ടും കുഞ്ഞു പുള്ള കളിച്ചു നടക്കുകയാണെന്ന് . ഇപ്പൊ താ ഇങ്ങനെ പറയുന്നു. എങ്ങനെ വാക്കു മാറ്റി പറയുന്ന മനുഷ്യന്മാരുണ്ടോ?

"നിന്റെ ഭാവി തീരുമാനം എന്താണാവോ?"

"ഐ ഓ എനിക്കങ്ങനെ ഒന്നും ഇല്ല? ,മാത്സ്‌ ഒന്നുകൂടി എഴുതി ,എന്ട്രന്‍സ് കോച്ചിംഗ് പോയി ഒരു വര്ഷം വേസ്റ്റ് ചെയ്യാന്‍ ഒന്ന് ഇഷ്ടം അല്ല ഏട്ടാ " വളരെ വിനയത്തോട് കൂടി പറഞ്ഞു

("ഒന്നാം ക്ലാസ്സില്‍ രണ്ടു വര്ഷം ഇരുന്നതിന്റെ ക്ഷീണം ഇവര്‍ക്കരിയില്ലല്ലോ? ഇനിയും ഒരു വര്ഷം കൂടി കളഞ്ഞാല്‍ ഈശ്വര ചിന്തിക്കാന്‍ കൂടി വയ്യാ"

"നീ എന്തിനു ചേരാനാണ് തീരുമാനിച്ചിരിക്കുന്നത് ?"

"ഡിഗ്രിക്ക് "

"അതെനിക്ക് മനസിലായി എന്ത് ഡിഗ്രിക്ക് ആണെന്നാ നിന്നോട് ചോദിച്ചത്?"

ബി സ്‌ സി , ബി കോം ,ബി എ ഏത് പറയണം ..

"ബി സ്‌ സി "

"നീ എന്ത് ആളെ കളിപ്പിക്കുകയാ ? തറുതല പറയണത് നോക്ക് ഡിഗ്രി , ബി സ്‌ സി , അതൊക്കെ ഞങ്ങള്‍ക്ക് അറിയാം .. നിനക്ക് ഏത് സബ്ജെക്ട് മെയിന്‍ ആയി എടുക്കാന്‍ ആണ് താത്പര്യം അതാണ്‌ ചോദിക്കുന്നത്? "

" ഫിസിക്സ്‌ , കെമിസ്ട്രി , മാത്സ്‌ ഏത് വേണമെങ്കിലും ?"

" അച്ഛാ ഇനി ഇവളോട്‌ ഞാന്‍ സംസാരിച്ചാല്‍ ശെരിയാവില്ല , തര്‍ക്കുത്തരം അല്ലാതെ ഒന്നും വരുന്നില്ല. "

ഏട്ടന്‍ എണീറ്റ് പൊയി.

"എന്തിനാ എന്റെ പാറു നീ അവനെ ദേഷ്യം പിടിപ്പിക്കുന്നത് , അവനു നിന്നോടുള്ള സ്നേഹം കൊണ്ടാ അവന്‍ ചോദിക്കുന്നത് അവനെ വെറുതെ വിഷമിപ്പിക്കണോ?" അമ്മേടെ വക

"അമ്മെ ഞാന്‍ ഏത് സബ്ജെക്ട് മെയിന്‍ എടുക്കണം എന്ന് എനിക്ക്‌ ഒരു ഉറപ്പില്ല, മത്സിനു മാര്‍ക്ക്‌ കുറവാ അത് കൊണ്ട് ഫിസിക്സ്‌ മെയിന്‍ എടുക്കാന ഇഷ്ടം , ഞാന്‍ ഫിസിക്സ്‌ എടുത്തോട്ടെ മെയിന്‍ ആയീ "

ഏട്ടന്‍ എന്റെ തീരുമാനം കേട്ട് വീണ്ടും അകത്തേക്ക് വന്നു

"നിനക്ക് മാത്സ്‌ മെയിന്‍ എടുക്കണം എന്നുണ്ടോ? ഉണ്ടെങ്കില്‍ നല്ല കോളേജില്‍ ഞാന്‍ നിനക്ക് എങ്ങനെ എങ്കിലും അഡ്മിഷന്‍ ശെരിയാക്കാം . അതോര്‍ത്തു നീ വിഷമിക്കണ്ട.. നിനക്ക് ഏത് കോളേജില്‍ പോകാനാണ് ഇഷ്ടം. പഴയ കോളേജില്‍ തന്നെ മതിയോ ? അവിടെ ആണെങ്കില്‍ മാത്സിനു തരാം എന്ന് നിന്റെ മാത്സ്‌ H O ഡി പറഞ്ഞു. "

"എനിക്കാ കോളേജില്‍ പോകേണ്ട ?"

"പിന്നെ"

"ഞാന്‍ ഇവിടെ അടുത്തുള്ള കോളേജിലാണ് പോണത് , എനിക്ക് പഠിക്കാന്‍ ഒത്തിരി വലിയ കൊളെജോന്നും വേണ്ടാ , എനിക്ക് ട്രാവല്‍ ചെയ്യാന്‍ പറ്റില്ല ,ഈ കോളേജില്‍ ആണെങ്കില്‍ നടന്നു പോകാനുള്ള ദൂരമേ ഉള്ളു. പിന്നെ പഴയ കോളേജില്‍ പോയാല്‍ എന്റെ കൂട്ടുകാരൊക്കെ എന്ട്രന്‍സ് എഴുതി എന്ജിനീരിങ്ങിനു പോയി. അത് കൊണ്ട് അവിടെ പോകാന്‍ പറ്റില്ല..എനിക്ക് ആരെയും ഫേസ് ചെയ്യാന്‍ പറ്റില്ല "

"ഇവള്‍ക്ക് അഹങ്കാരം ആണ് . ഇനി ഇവളോട്‌ ഒരു കാര്യവും പറയാന്‍ എനിക്ക് താത്പര്യം ഇല്ല. ഇവളായി ഇവളുടെ പാടായി. ഇനി അച്ഛനും അമ്മയും ഇവളുടെ കാര്യം പറഞ്ഞു എന്നെ ശല്യം ചെയ്യണ്ട. ഇത് ഒരു നടക്കു പോകില്ലാ.. "

ഏട്ടന്‍ മുകളിലെ മുറിയില്‍ പോയി വാതില്‍ കൊട്ടി അടക്കുന്ന ശബ്ദം കേട്ടതിനു ശേഷം മാത്രമാണ് താഴെ നിലയില്‍ അച്ഛന്‍ വാ തുറന്നത്.

"നീ ശരിക്കും ആലോചിച്ചു പറഞ്ഞതാണോ നിനക്ക് ഈ കോളേജില്‍ പോയാല്‍ മതിയെന്ന്"

"അതെ അച്ഛാ "

"ഈ കോളേജില്‍ പോകുന്നതിനോട് എനിക്ക് യാതൊരു വിധ എതിര്‍പ്പും ഇല്ല ,പക്ഷെ അവിടെ എപ്പോളും സമരം ഒക്കെ ആണ് പഴയ കോളേജിലെ പോലെ ഒരു അന്തരീക്ഷം അല്ല ഇത് . അത് ആദ്യമേ മനസിലാക്കണം. പഠിക്കാന്‍ ആരുടെയം ഫോര്സിന്ഗ് ഉണ്ടാകില്ല , അതെല്ലാം മോള്‍ക്ക്‌ തന്നെ ഉണ്ടാകണം. ട്യുഷനോക്കെ വിടാം എന്ന് വിചാരിച്ചാല്‍ അതും നടക്കില്ല .എവിടെ കോളേജില്‍ ചേര്‍ന്ന് ടൌണില്‍ ട്യുഷന് പോകുന്നതൊന്നും എളുപ്പം അല്ല. ഉത്തരവാദിത്വം മുഴുവന്‍ എന്റെ മോള് തന്നെ ഏല്‍ക്കേണ്ടി വരും . മോള്‍ എല്ലാം ആലോചിക്കണം "

"അച്ഛാ എല്ലാം എനിക്കറിയാം , ഞാന്‍ ഈ കോളേജില്‍ തന്നെ പൊയ്ക്കോളാം. പഠിക്കുന്ന കാര്യം ഞാന്‍ അച്ഛന് ഉറപ്പു തരാം. "

സംഭാഷണം നിര്‍ത്തി ഞാന്‍ മുറിയില്‍ പോയ്യി അച്ഛന്‍ പറഞ്ഞതെല്ലാം ഒരു നൂറു വട്ടം ആലോചിച്ചു.എന്തായാലും പഴയ കോളേജില്‍ ഓടിയത് പോലെ ഓടേണ്ടി വരില്ല അത് തന്നെ സമാധാനം .കഷ്ടി ഒരു കിലോ മീറ്റര്‍ അത്രയേ ഉള്ളു കോളെജിലേക്ക്. ഒരു ധൈര്യത്തിന് രണ്ടു കോളേജില്‍ അപ്ലിക്കേഷന്‍ കൊടുത്തു ,അടുത്തുള്ള കോളേജില്‍ നിന്ന് ഒരു ഷുവര്‍ കാര്‍ഡ്‌ വന്നു അതുകൊണ്ട് മറ്റേ കോളേജില്‍ ഇന്റര്‍വ്യൂ അറ്റന്‍ഡ് ചെയ്യാനേ പോയില്ല. വീടിന്റെ അടുത്തുള്ള കോളേജ്‌ ആണെങ്കിലും ഞാന്‍ ഇതുവരെ ആ കോളേജില്‍ പോയിട്ടില്ല.. ബസിലൊക്കെ പോകുമ്പോള്‍ ഒരു കുന്നിന്റെ മുകളില്‍ നല്ല ഭംഗിയോടെ ഈ കോളേജ്‌ കണ്ടിട്ടുണ്ട് . വളരെ സന്തോഷത്തോടെ അച്ഛനും ഞാനും കോളേജില്‍ പോയി ഇന്റര്‍വ്യൂ അറ്റന്‍ഡ് ചെയ്തു .

അവിടെ ഇരുന്ന ഒരു സാര്‍ ദയനീയമായി ചോദിച്ചു

"വേറെ ഏതെങ്കിലും കോളേജില്‍ "

അച്ഛന്‍ എന്നെ നോക്കി . ഞാന്‍ അച്ഛനെയും .

"വേറെ കോളേജില്‍ ഒന്നും അപ്ലിക്കേഷന്‍ കൊടുത്തിട്ടില്ല " ഞാന്‍ പറഞ്ഞു.

" താന്‍ പഠിച്ചിരുന്ന കോളേജില്‍ പോലും "

"ഇല്ല"

"ഓള്‍ ദി ബെസ്റ്റ്"

"താങ്ക്‌ യു സര്‍"

പോരുന്ന വഴി അച്ഛന്‍ ചോദിച്ചു

"മറ്റേ കോളേജില്‍ ഇന്റര്‍വ്യൂ ജസ്റ്റ്‌ ഒന്നു അറ്റന്‍ഡ് ചെയ്യമയിരുന്നല്ലേ മോളെ?"

ഞാന്‍ മറുപടി ഒന്നും പറഞ്ഞില്ല .. അങ്ങനെ ഞാന്‍ ബി സ്‌ സി ഫിസിക്സ്‌ മെയിന്‍ ആയി എടുത്തു മാത്സ്‌ ആന്‍ഡ്‌ കെമിസ്ട്രി കൂടെ സൈഡ് ഡിഷ്‌ .ഒരു കൈ നോക്കാന്‍ തീരുമാനിച്ചു ഞാന്‍ വീട്ടിലേക്കു പോന്നു.. (ഇവിടുത്തെ ഞെട്ടിക്കുന്ന സംഭവങ്ങള്‍ അടുത്ത പോസ്റ്റില്‍) .

ആരാണ് തെറ്റ് ചെയ്തത് - ആരാണ് തെറ്റ് ചെയ്യിക്കുന്നത്

2009-04-16T01:09:00.000-07:00

കഴിഞ്ഞ ദിവസം അമ്മ വീട്ടില്‍ നിന്നും വിളിച്ചു. എന്നും പറയുന്ന പതിവു സംഭാഷണത്തിന് ശേഷം അമ്മ പറഞ്ഞു. "തെക്കേടത്തെ ഉണ്ണിക്കു വിവാഹ മോചനം കിട്ടി. വലിയ പുകിലൊന്നും ഇല്ലാതെ കാര്യങ്ങള്‍ തീര്നു . ഉണ്ണി ഇന്നലെ വന്നിരുന്നു. വലിയ സങ്കടം ഉണ്ട് അവന്. എന്നാ പറയാനാ അതിന്റെ യോഗം. ഒന്നലോചിക്കുമ്പോ ഒരു സമാധാനം ഉണ്ട് ആ കുട്ടിടെ കൂടെ ജീവിക്കുന്നതിലും ഭേദം ആണല്ലോ?" .

ഞാന്‍ ഫോണ്‍ കട്ട് ചെയ്തിട്ട് ആ ദിവസം മുഴുവന്‍ ഉണ്ണി ഏട്ടനെ കുറിച്ചാലോചിച്ചു .

ഏട്ടന്റെ ഉറ്റ സുഹൃത്താണ് .ചെറുപ്പം മുതലേ ഉള്ള പരിചയം. അതുകൊണ്ട് എന്റെ ഏട്ടന്റെ സ്ഥാനത്ത് തന്നെയാണ് ഞാന്‍ ഉണ്ണി ഏട്ടനെ കാണുന്നത് .രണ്ടു സഹോദരിമാരുണ്ട് . സന്തുഷ്ടമായ കുടുംബം . ബി എസ് ഉം എം എസ് ഉം . റാങ്കില്‍ പാസ് ആയി ഇരുപത്തി ആറാം വയസില്‍ കേന്ദ്ര ഗോവെര്‍മെന്റ്റ് ജോലിയും കിട്ടി . എല്ലാവരും മക്കള്‍ക്ക്‌ മാതൃക ആയി ചൂണ്ടി കാട്ടുന്നത് ഉണ്ണി ഏട്ടനെ ആണ്. എന്തൊക്കെ ഉണ്ടെന്‍കിലും ഒരു അഹന്കാരവും ഇല്ല . യാതൊരു വിധ ദുശീലങ്ങളും ഇല്ല . വീട്ടില്‍ വന്നാല്‍ അവിടുത്തെ അങ്കിളിന്‍റെ കൂടെ പറമ്പില്‍ പണിയാന്‍ ഇറങ്ങും. അമ്മായിടെ കൂടെ അടുക്കളയില്‍ സഹായിക്കും .എന്ന് വേണ്ട പെങ്ങന്മാര്‍ക്കു പോലും മാതൃകാ.

ഉണ്ണി ഏട്ടന്റെ പെങ്ങന്മാരുടെ കല്യാണത്തിന് ശേഷം ആണ് ഏട്ടന് പെണ്ണിനെ ആലോചിച്ചത്. ഏട്ടനെ കാണാന്‍ നല്ല പെഴ്സനാലിട്ടി ഉണ്ട് .അത് കൊണ്ടു തന്നെ ആര്‍ക്കും ഇഷ്ടപെടും എന്ന് പറഞ്ഞു ഞങ്ങള്‍ എല്ലാം പണ്ടു കളിയാക്കുമായിരുന്നു . ഏട്ടന് വലിയ ഡിമാന്ഡ്സ് ഒന്നും ഇല്ലാ.

അങ്ങനെ മാട്രിമൊനിയലുകളില്‍് പരസ്യം ചെയ്തു . ഒരുപാടു കാള്‍സ് വന്നു. ഏട്ടന്‍ കുറെ പൊയ് കണ്ടു. അതിനിടയില്‍ ഏട്ടന്റെ ജോലിസ്ഥലത്ത്തിനു അടുത്ത് വര്‍ക്ക് ചെയ്യുന്ന ഒരു IT കാരിയും ആയി ഏട്ടന്റെ കല്യാണം ഫിക്സ് ചെയ്തു .കല്യാണത്തിനും എന്ഗെജുമെന്ടിനുമ് ഇടയില്‍ മൂന്നു മാസ സമയവും ഉണ്ടായിരുന്നു. രണ്ടു പേരും ഫോണില്‍ ദിവസവും വിളിക്കും .അതികം പരിചയം ഇല്ലെങ്കിലും സംസാരിച്ചു അവര്‍ നല്ല കൂട്ടായി .

കല്യാണത്തിനു രണ്ടു ദിവസം മാത്രം ബാക്കി ഉള്ളപ്പോള്‍ ഏട്ടനോട് ഏതോ ഒരുത്തന്‍ വിളിച്ചു ഏട്ടന്‍ കെട്ടാന്‍ പോകുന്ന പെണ്‍കുട്ടിയുടെ ഫ്രണ്ട് ആണ്. വിവാഹത്തിനു ശേഷം അവരുടെ റിലേഷന്‍ തുടരാന്‍ പറ്റുമോ എന്ന് ചോദിച്ചു? ഏട്ടന്‍ ആകെ ഞെട്ടി ആ പെണ്‍കുട്ടിയെ വിളിച്ചു . അവള്‍ പറഞ്ഞു ആരോ പറ്റിക്കാന്‍ വിളിച്ചതാണ് . അവള്ക്ക് അങ്ങനെ ഒന്നും ഇല്ലാ. അങ്ങനെ ആരെയും അറിയുക കൂടി ഇല്ലാ . ഈ കല്യാണം നടന്നില്ലേല്‍ അവള്‍ ആത്മഹത്യ ചെയ്യും . അങ്ങനെ എല്ലാം അവള്‍ പറഞ്ഞപ്പോള്‍ ഏട്ടന് വിഷമമായി .ഏട്ടന്‍ അത് ഒക്കെ മറന്നു അവളെ കല്യാണവും കഴിച്ചു.

പക്ഷെ കല്യാണം കഴിഞ്ഞു വീട്ടില്‍ വന്നതോടെ പെണ്‍കുട്ടിയുടെ വിധം മാറി. ഫോണ്‍ വിളിച്ചത് അവളുടെ കാമുകന്‍ ആണെന്നും കെട്ടാന്‍ പോകുന്ന ചെറുക്കനു അവനെ പരിചയപെടുത്താന്‍ വേണ്ടി ആണ് അന്ന് അവള്‍ അവന് ഏട്ടന്റെ നമ്പര്‍ കൊടുത്തു അവനെ കൊണ്ടു വിളിപ്പിച്ചതെനും അവള്‍ ഏട്ടനോട് പറഞ്ഞു.

ഏട്ടന് താങ്ങാവുന്നതിലും അപ്പുറത്തായിരുന്നു അവളുടെ വെളിപ്പെടുത്തലുകള്‍ . പക്ഷെ വീട്ടില്‍ ആരോടും ഇതൊന്നും അറിയിക്കാന്‍ ഏട്ടന് താത്പര്യം ഇല്ലായിരുന്നു. അവള്‍ ആ പഴയ ബന്ധം മറന്നു ജീവിക്കാന്‍ തയ്യാര്‍ ആയാല്‍ ഒരു പക്ഷെ മാതാപിതാക്കളും സഹോദരങ്ങളും എല്ലാം ഭാര്യയെ മറ്റൊരു കണ്ണുകൊണ്ട് നോക്കിയാലോ എന്ന ചിന്തയും പിന്നെ സ്വന്തം ഭാര്യയെ ആരുടെ മുന്‍പിലും ചെറുതാക്കരുത് എന്ന വലിയ മനസും കാരണം ഏട്ടന്‍ ആ കുട്ടിയുടെ കൂടെ ജീവിക്കാന്‍ തുടങ്ങി.

പക്ഷെ ദിവസങ്ങള്‍ കഴിയും തോറും ഏട്ടനെ അവള്‍ വെറുപ്പിക്കാനുള്ള ശ്രമങ്ങള്‍ തുടങ്ങി . ഏട്ടന് വീട്ടിലും നാട്ടിലും കൂട്ടുകാര്‍ക്കും ഒക്കെ ഇടയില്‍ ഉള്ള ഇമേജ് , ഏട്ടന്‍ ജീവിതത്തിനു കൊടുക്കുന്ന മൂല്യം എല്ലാം മനസിലാക്കി , അതോരോന്നായി ഇല്ലാതാക്കാനുള്ള ശ്രമങ്ങള്‍ ആയി അടുത്തത്. കല്യാണം കഴിഞ്ഞു ഒരു മാസം ആയിട്ടും അവള്‍ ചെയ്തതൊന്നും വീട്ടില്‍ പറയുന്നില്ല , ഈ രീതിയില്‍ പോയാല്‍ അവളുടെ പ്ലാന്‍സ് എല്ലാം പൊളിയും എന്ന് കണ്ടു ഏട്ടനെ പറ്റി അങ്കിളിനോടും അമ്മായിയോടും നാതൂന്മാരോടും എല്ലാം കുറ്റങ്ങള്‍ പറയാന്‍ തുടങ്ങി.

ഇതു അവസരം ആയി കണ്ടു ആ പെണ്‍കുട്ടിയുടെ പെരെന്റ്സും പെണ്‍കുട്ടിയും കൂടി നാട്ടുകാരെയും വീട്ടുകാരെയും വിളിച്ചു കൂട്ടി ഏട്ടന്‍ അവളെ നോക്കുന്നില്ല അവളുടെ കാര്യങ്ങള്‍ ഒന്നും നടത്തുന്നില്ല.എന്ന് വേണ്ട എല്ലാ കുറ്റങ്ങളും ചുമത്തി .

അവസാനം ഏട്ടനെ എല്ലാരും കുറ്റവാളിയെ പോലെ നോക്കി . അങ്കിളും അമ്മായിയും പെങ്ങന്മാരും എല്ലാം ഏട്ടനെ കുറ്റപെടുത്തി. എല്ലാം കൈ വിട്ടു പൊയ് എന്ന് കണ്ട നിമിഷം ഏട്ടന്‍ എല്ലാവരോടും നടന്നത് പറഞ്ഞു .

പക്ഷെ അപ്പോള്‍ എല്ലാവരും ഏട്ടനെ വീണ്ടും കുറ്റപെടുത്താന്‍ തുടങ്ങി . കല്യാണത്തിനു മുന്പ് ഏട്ടന്‍ അവള്ക്ക് കാമുകന്‍ ഉണ്ടെന്നു അറിഞ്ഞിട്ടു ഒളിപ്പിച്ചു വെച്ചു. കല്യാണം കഴിഞ്ഞു അവള്‍ അത് സമ്മതിച്ചിട്ടും എത്രയും ഒക്കെ കാട്ടി കൂട്ടിയിട്ടും ഏട്ടന്‍ ആരെയും അറിയിച്ചില്ല . അങ്ങനെ ഓരോന്നും ആയി. കുറ്റാരോപനങ്ങള്‍ക്ക് നടുവില്‍ ഏട്ടന്‍ ഒറ്റപെട്ടു.

മോളുടെ കഥ നാട്ടുകാര്‍ അറിഞ്ഞപ്പോള്‍ അവളെ വീട്ടില്‍ നിന്നും അവളുടെ വീട്ടുകാര്‍ കൊണ്ടു പൊയ്. നാട്ടുകാരോടും കണ്ടവരോടും ഒക്കെ അവര്‍ പറഞ്ഞതു ചെക്കന് സംശയ രോഗം ആണ് . ഇടയ്ക്ക് ആക്രമണ വാസന തുടങ്ങിയപ്പോള്‍ മോളെ കൊലക്ക് കൊടുക്കാതിരിക്കാന്‍ തിരിച്ചു കൊണ്ടു വന്നതാ‌. പ്രശനം തീര്നല്ലോ ? "കുറ്റക്കാരന്‍" ഒന്നു അറിയാതെ അവളെ കെട്ടിയ ഏട്ടന്‍.

ഏറ്റവും വലിയ സത്യം പെണ്‍കുട്ടിയുടെ വീട്ടുകാര്‍ക്ക് മോളുടെ ബന്ധം നേരത്തെ അറിയാം എന്നുള്ളതാണ്. അന്യ ജാതിക്കാരനും അന്യ സംസ്ഥാനക്കാരനും ആയ ഒരുത്തനെ മോള് കല്യാണം കഴിച്ചാല്‍ ആത്മഹത്യ ചെയ്യും എന്ന ഭീഷണി ആണ് അവളുടെ മാതാ പിതാക്കള്‍ മുഴക്കിയത് .

പിന്നെ കൂടെ ഒരു സോല്യുഷനും ഒരു കല്യാണം നടന്നു ആ ബന്ധം വേര്‍പെടുത്തിയാല്‍ നിനക്കു ഇഷ്ടമുല്ലവന്റെ കൂടെ ജീവിച്ചോ. നാട്ടുകാരും ബന്ധുക്കളും ഒന്നും പറയില്ല കാരണം രണ്ടാം കെട്ടുകാരിക്ക് നാട്ടില്‍ നിന്നും ജാതിയില്‍ നിന്നും നല്ല ബന്ധം വന്നില്ല. അത് കൊണ്ടു കെട്ടിയതാണെന്ന് പറയാം .

"സൊ സിമ്പിള്‍ ".

... "ആരാണ് ഇവിടെ തെറ്റ് ചെയ്യുന്നത്? "

"എന്തിനാണ് അറിഞ്ഞു കൊണ്ടു ഒരു പാവത്തിനെ ബാലിയടാക്കുന്നത്? "

അവരുടെ മോളെ സ്വീകരിക്കാന്‍ അവളുടെ പഴയ കാമുകന്‍ ഉണ്ട് . പക്ഷെ ഇനി ഈ മനുഷ്യന് എങ്ങനെ ഒരു നല്ല ബന്ധം വരും?

സുന്ദരനും സുമുഖനും സമ്പന്നനും (എം എസ് - എം ബി എ -കേന്ദ്ര ഗെവെര്മെന്ട് ജോലി ) ആയ യുവാവ്. (27/ 175cm ). സുന്ദരികളായ യുവതികളുടെ മാതാപിതാക്കളില്‍ നിന്നും വിവാഹാലോചനകള്‍ ക്ഷണിക്കുന്നു.
ഫോണ്‍ നമ്പര്‍ : 096429678111

ഇങ്ങനെ ഒരു പരസ്യം നമ്മുടെ പത്രങ്ങളില്‍ ഇട്ടാല്‍ മിനിമം ഒരു പത്തിരുനൂറു കാള്‍ എങ്കിലും നമുക്കു പ്രതീഷിക്കാം.

പക്ഷെ
തന്റെതല്ലാത്ത കാരണത്താല്‍ വിവാഹ മോചനം നേടിയ സുന്ദരനും സുമുഖനും സമ്പന്നനും (എം എസ് - എം ബി എ -കേന്ദ്ര ഗെവെര്മെന്ട് ജോലി ) ആയ യുവാവ്. (27/ 175cm ). സുന്ദരികളായ യുവതികളുടെ മാതാപിതാക്കളില്‍ നിന്നും വിവാഹാലോചനകള്‍ ക്ഷണിക്കുന്നു.
ഫോണ്‍ നമ്പര്‍ : 096429678111
.

ഈ പ്രോപോസലിനു എത്ര മറുപടി വരും.

ആദ്യ വിവാഹത്തിനു വേണ്ടി നമ്മുടെ മോള്ക്കോ സഹോദരിക്കോ അല്ല നമുക്കു വേണ്ടി തന്നെ ഈ ആലോചന ഒന്നു നോക്കാം എന്ന് നമ്മളില്‍ ആരെങ്കിലും വിചാരിക്കുമോ?

ആരുടെ തെറ്റ് കാരണം ഇങ്ങനെ ഒക്കെ സംഭവിക്കുന്നു?
മാതാപിതാക്കന്മാര്‍ക്ക് അല്ലെ ഇതിന്റെ ഭൂരി ഭാഗം ഉത്തരവാദിത്തവും . മക്കള്‍ കൈ വിട്ടു പോയതിനു ശേഷം ആത്മെത്ത്യ ഭീഷണിയും സമൂഹത്തിലെ സ്ഥാന നഷ്ടവും പിന്നെ പ്രസ്ടീജിന്റെ പ്രോബ്ലാവും ഇമേജിന്റെ പ്രോബ്ലെമ്സും എല്ലാം കൂടി കൂട്ടി മക്കളെ മറ്റൊരു വിവാഹത്തിനു നിര്‍ബന്ധിക്കുക. അതിന് ശേഷം മകളുടെ ജീവിതത്തില്‍ സംഭാവിക്കുന്ന എല്ലാ പ്രശ്നങ്ങള്‍ക്കും ഉത്തരവാദിത്തം ഒന്നും അറിയാതെ മോളെ കെട്ടിയ ചെക്കനെ ഏല്‍പ്പിക്കുക.
കൊള്ളാം . "അച്ഛന്‍ അമ്മമാരെ നിങ്ങള്ക്ക് അഭിനന്ദനം" .

വിവാഹത്തിനു ശേഷം ഉണ്ടാകുന്ന 100 കേസുകളില്‍ 95 ഇലും സ്ത്രീകളുടെ കണ്ണീരിന്റെ കഥ ഉണ്ട്. അത് കൊണ്ടു തന്നെ ന്യായം അവരുടെ ഭാഗത്താണ് . അവര്ക്കു സമൂഹത്തില്‍ സംരക്ഷണം വേണം . സമ്മതിക്കുന്നു. പക്ഷെ ഈ കാരണത്താല്‍ തന്നെ ഒരു 5% ബാക്കി കേസുകളില്‍ വിധി നിരപരാധി ആയ പുരുഷന്മാര്‍ക്ക് എതിരെ വരുന്നു ?.
എന്തുകൊണ്ട്?

നൂറു പവന്റെ സ്വര്‍ണാഭരണങ്ങള്‍ മാത്രം കൊണ്ടുവന്ന ഉണ്ണി ഏട്ടന്റെ ഭാര്യ വിവാഹ മോചനം നേടി പോയപ്പോള്‍ നേടിയത് പത്ത് ലക്ഷം രൂപ നഷ്ടപരിഹാരം .

ഒത്തു തീര്‍പ്പിന് വച്ച ഉടമ്പടി ആണ് ഇതു.പെണ്‍കുട്ടിയുടെ വീട്ടുകാര്‍ ചോദിച്ചത് ഇരുപതു ലക്ഷം ആണ് . ആരെല്ലാമോ ഇടപെട്ട് ഇരുപതു ലക്ഷം പത്ത് ലക്ഷം ആക്കി . അല്ലെങ്കില്‍ ഒരു പക്ഷെ ഉണ്ണി ഏട്ടനും അങ്കിളും അമ്മായിയും അഴി എണ്ണുന്നത് കാണേണ്ടി വന്നേനെ.

കാരണം കാശു പറഞ്ഞതു കൊടുതില്ലെന്കില്‍ ഭര്‍തൃ ഗ്രഹത്തിലെ പീഢനത്തിനു പെണ്‍കുട്ടിയും വീട്ടുകാരും കേസ് കൊടുക്കും . കേസും കൂട്ടവും ആയി പോയാല്‍ ഏട്ടന്റെ ജോലി പോകും. പിന്നെ വയസായ അച്ഛനേം അമ്മേനേം കെട്ടിച്ചു വിട്ട പെങ്ങാന്‍മാരെ വരെ കോടതി കെറ്റേണ്ടി വരും. അങ്ങനെ ആ പെണ്‍കുട്ടിയെ വിവാഹം ചെയ്തു എന്ന തെറ്റിന് പത്തുലക്ഷം നഷ്ട പരിഹാരം. പിന്നെ സ്വന്തം ജീവിതം ബലി .

ഇനി ആ പെണ്‍കുട്ടിയുടെ മാതാ പിതാക്കന്മാര്‍ക്ക് എളുപ്പം ആയി കാമുകന്‍ വന്നില്ലെന്കിലും മറ്റൊരു വിവാഹലോച്ചനക്ക് പത്ത് ലക്ഷവും നൂറുപവനും കൊടുക്കാം. ആ വിവാഹവും വിജയിചില്ലെന്കില്‍ അവിടെ നിന്നും നഷ്ട പരിഹാരം വാങ്ങാം.

നല്ല ബിസ്സിനസ്സ്

നിങ്ങളുടെ പ്രതികരണം എഴുതാന്‍ മറക്കരുത്.

പിഴച്ച കണക്കു കൂട്ടലുകള്‍ .....തുടര്‍ച്ച(3)

2009-03-17T23:22:00.000-07:00

വീണ്ടും പറഞ്ഞു നിറുത്തിയ അങ്ങോട്ടേക്ക് തന്നെ പോകാം ... പുതിയ അന്തരീക്ഷത്തില് എനിക്ക് പഠിക്കാന്‍ പോയിട്ടു ശ്വാസം വിടാന്‍ പോലും സമയം ഇല്ല.. ഞായറാഴ്ചകളില്‍ മാത്രം ആണ് ട്യുഷന്‍ ഇല്ലാത്തത് .. പക്ഷെ എനിക്ക് അന്ന് എന്ട്രന്‍സ് കോച്ചിങും ഉണ്ട്.. അത് രാവിലെ എട്ടു തൊട്ടു വൈകുന്നേരം അഞ്ചു മണി വരെ ആണ് .. മൊത്തത്തില്‍ പറഞ്ഞാല്‍ ഞാന്‍ നെട്ടോട്ടമാണ്..പി സി സാറിന്റെ അടുത്ത് പോയില്ല എന്നെ ഉള്ളു കോച്ചിങും ഒരുവഴിക്കു നടക്കുന്നുണ്ടായിരുന്നു...... കോച്ചിങ് ക്ലാസ്സില്‍ ചെന്നാലും അവസ്ഥ മോശമല്ല.അവിടെ ടെസ്റ്റൊട് ടെസ്റ്റ് ... എല്ലാ മാര്‍ക്ക് ലിസ്റ്റും അവര്‍ വീട്ടിലേക്ക് അയച്ചുകൊടുത്തു കൊണ്ടേ ഇരുന്നു....

എനിക്ക് വളരെ നല്ല മാര്‍ക്കുകള്‍ കിട്ടിയതുകൊണ്ട് എന്റെ അച്ഛന്‍ ഒരു മടിയും കൂടാതെ ഒപ്പ് ഇട്ടു കൊണ്ടേ ഇരുന്നു... അന്‍പതില്‍ ഒന്നു രണ്ടു മൂന്നു ദൈവം സഹായിച്ചു അതിന് മുകളില്‍ ഒരു മാര്‍ക്കും എനിക്ക് കിട്ടീയില്ല ... ചിലപ്പോള്‍ നെഗറ്റീവ് മാര്‍ക്കും കിട്ടിയിരുന്നു... കറക്കി കുത്തലുകള്‍ കൂടിയപ്പോള്‍...

അങ്ങനെ നെഗറ്റീവ് മാര്‍ക്കും ബൈനറി ഡിജിറ്റ്സും ആയി ഞായറാഴ്ചകള്‍ കടന്നു പൊയി...

കറക്കി കുത്തലുകാര്‍ക്കുള്ള ശിക്ഷ വളരെ വലുതാണ് .. ഓള്‍ കേരള പ്രവേശന പരീക്ഷക്ക്‌ ഒരു തെറ്റിന് "-.25" മാര്‍ക്ക് ആണ് കുറച്ചിരുന്നത് .. പക്ഷെ കോച്ചിങ് സെന്ററില്‍ കുറച്ചത് -1 മാര്‍ക്ക്.. അതുകൊണ്ട് ഒരിക്കല്‍ എനിക്ക് -40 മാര്‍ക്ക് കിട്ടി .. അന്ന് അച്ചന് ഭയങ്കര സന്തോഷം.. അച്ഛന്‍ അമ്മയോട് പറഞ്ഞു മോള് മെച്ചപ്പെട്ടു വരുന്നുണ്ട്.. ഞാന്‍ ഒന്നു ചിരിച്ചു കാണിച്ചിട്ട് തടി തപ്പി.. കാരണം അച്ഛന്‍ 40നു മുന്നിലെ നെഗറ്റീവ് ചിഹ്നം കണ്ടില്ല..
പിന്നീട് അങ്ങോട്ട് നടന്ന എല്ലാ എക്സാമുകള്‍്ക്കും ഞാന്‍ ഇതു ഒരു ശീലം ആക്കി .. അതുകൊണ്ട് എനിക്ക് അന്ന് മുതല്‍ പിന്നിട് ഉള്ള എല്ലാ പരീഷകള്‍ക്കും നല്ല മാര്‍ക്ക് കിട്ടി . 35 നു താഴെ എനിക്ക് പിന്നീടൊരിക്കലും മാര്‍ക്ക് കിട്ടിയില്ല.. മുന്നിലെ ആ നെഗറ്റീവ് സൈന്‍ എന്നും മാഞ്ഞു തന്നെ കിടന്നു.. ചേട്ടന്‍ വരുന്നതു വരെ ...

ആ സമയത്തു ചേട്ടന്‍ ലീവില്‍ കുറച്ചു നാളത്തെക്ക് വീട്ടില്‍ വന്നു..അച്ഛനും അമ്മയും എനിക്ക് കോച്ചിങ് ക്ലാസ്സില്‍ കിട്ടുന്ന നല്ല മാര്‍ക്കുകളെ കുറിച്ചു അഭിമാന പുരസ്കരം പറഞ്ഞു കൊണ്ടേ ഇരുന്നു.. ഏട്ടനും സന്തോഷം .. ഏട്ടന്‍ വന്നെങ്കിലും എന്റെ ഓട്ടം കാരണം നേരെ ഒന്നു കാണാനോ മിണ്ടാനോ പറ്റിയിട്ടില്ല.. രാത്രിയില്‍ കുറച്ചു നേരം.. കൂടി പോയാല്‍ ഒരു അഞ്ചു മിനിട്ട് അതില്‍് കൂടുതല്‍ സമയം ഏട്ടന്ടെ അടുത്ത് കിട്ടില്ല.. രാവിലെ ഏട്ടന്‍ ഉണരുന്നതിനു മുന്പേ ഞാന്‍ ഓട്ടം തുടങ്ങും..

ഞാന്‍ കോളേജില്‍് പോയ ദിവസം പോസ്റ്റ്മാന്‍ കോച്ചിങ് സെന്ററിലെ മാര്‍ക്ക് ലിസ്റ്റ് അച്ചന് കൊടുത്തു. അച്ഛന്‍ പറഞ്ഞു മോനേ കണ്ടൊ ഈ പ്രാവശ്യവും നാല്‍പ്പതു മാര്‍ക്ക് തന്നെ ഉണ്ട് .. പാവം അത്രമേല്‍ കഷ്ടപെടുന്നുണ്ട് എന്നെല്ലാം .. ഏട്ടനു സന്തോഷമായി മാര്‍ക്ക് ലിസ്റ്റ് വാങ്ങി നോക്കി എന്നിട്ട് രണ്ടു ചാട്ടം .. എന്ത് നാല്‍പ്പതു മാര്‍ക്കോ?! അച്ചാ!!!! മോള്‍ക്ക്‌ മാര്‍ക്ക് പൂജ്യത്തിലും വളരെ താഴയാ എന്ന് പറഞ്ഞു ഉറഞ്ഞു തുള്ളി.. എല്ലാരും കൂടി കൊന്ജിച്ചു തലയില്‍ കേറ്റിക്കോ എന്നെല്ലാം പറഞ്ഞു വീട് തലേം കുത്തി നിറുത്തി .. ഏട്ടന് പണ്ടേ വെളിച്ചപാട് തുള്ളണതു പോലെ തുള്ളാന്‍ അറിയാം എന്ന് എല്ലാരും പറയുമായിരുന്നു...

അന്നും ഞാന്‍ ഒന്നും അറിയാതെ ഏഴേ മുക്കാലിന് ബസിറങ്ങി .. അച്ഛന്‍ എന്നത്തെം പോലെ എന്നെ നോക്കി നില്‍ക്കുന്നുണ്ടായിരുന്നു .. പോകുന്ന വഴിക്ക് അച്ഛന്‍ ഒരു പായ്ക്കറ്റ് പപ്പട വട വാങ്ങി തന്നു..ആ പപ്പട വടയില്‍ ഞാന്‍ എന്തോ പന്തികേട്‌ മണത്തു .. ഞാന്‍ അതും കഴിച്ചു കൊണ്ടു അച്ഛന്റെ ഒപ്പം നടന്നു.. സാധാരണ അച്ഛനും അമ്മയും തമ്മില്‍ യുദ്ധം പൊട്ടി പുറപെടുമ്പോളോ അല്ലെങ്കില്‍ യുദ്ധം പൊട്ടി പുറപ്പെടാന്‍ സാധ്യത ഉള്ളപ്പോള്‍ ആണ് അച്ചന്‍ പപ്പട വടയോ ബ്രെഡോ അല്ലെങ്കില്‍ അത് പോലത്തെ എന്തെങ്കിലും വാങ്ങാറ് .. അല്ലെങ്കില്‍ അമ്മ എല്ലാം ഉണ്ടാക്കി തരും ഞങ്ങള്ക്ക് .. അമ്മക്ക് അത്രയ്ക്ക് കൈ പുണ്യം ആണെന്ന് അച്ഛന് അറിയാം.. എന്തായാലും അടുക്കളയില്‍ അമ്മ കര്‍ഫ്യു പ്രഖ്യാപിച്ചിട്ടുണ്ട് അത് ഉറപ്പാ..അച്ഛന്റെ മൗനം അതും വിളിച്ചു പറഞ്ഞു.. എന്തായാലും ഞാന്‍ പോയി സന്ധി സംഭാഷണം നടത്താം .. ഇന്ത്യയും പാക്കിസ്ഥാനും തമ്മിലുള്ള പ്രശ്നത്തില്‍ അമേരിക്ക ഇടപെടില്ലേ . ... വേണ്ടി വന്നാല്‍ ഇന്ത്യക്ക് വേണ്ടി അമേരിക്ക പാക്കിസ്ഥാനില്‍ രണ്ടു ബോംബും ഇട്ടു തരില്ലേ ? വേണ്ടി വന്നാല്‍ കോണ്ടോലീസാ റൈസ്ഇനെ വരെ ഇന്ത്യയിലേക്ക്‌ വിടില്ലേ ? അപ്പൊ പിന്നെ ഞാന്‍ ഇടപെടുന്നതില്‍ ഒരു തെറ്റും ഇല്ലല്ലോ? അതുകൊണ്ട് പപ്പട വട കടിച്ചു തിന്നും കൊണ്ടു സന്ധി സംഭാഷണം എങ്ങനെ തുടങ്ങണം എന്ന് ആലോചിച്ചു നടന്നു..

വീട്ടില്‍ കയറിയപ്പോള്‍ ആകെ ഒരു മ്ലാനത ... ആരും മിണ്ടുന്നില്ലാ... ഏറെക്കുറെ പിണറായി വിജയനും അച്ചുമാമയും കൂടി പ്രകാശ് കാരാട്ടിന്റെ അടുത്ത് ഇരിക്കുമ്പോള്‍ ഉള്ള ഒരു ഭാവം.. ഞാന്‍ ചുറ്റും കണ്ണോടിച്ചു ആരും ഒന്നും മിണ്ടുന്നില്ല.. .. പ്രശ്നം രൂഷമാണ് ... ഒരു പാര്ട്ടി സമ്മേളനം നടന്ന അവസ്ഥാ.. അതോ കണ്ണൂരോ കൂത്ത്പറമ്പിലോ എന്തെങ്കിലും അക്രമം? .ഏട്ടന്റെ മുഖം കണ്ടപ്പോള്‍ ഒരു രമേഷ് ചെന്നിത്തല ടച്ച്‌..എന്തിനേയും ശക്തമായി വിമര്‍ശിക്കാനുള്ള ഭാവം..

ഏട്ടന് അകത്തേക്ക് കേറി പോയി ഒരു കവര്‍ എടുത്തു കൊണ്ടു വന്നു .. കവറിന്റെ പുറത്തെ സീല്‍ കണ്ടപ്പോള്‍ നല്ല പരിചയം .. ഏട്ടന്‍ കവര്‍ തുറന്നു ..അതില്‍ എഴുതി യിരിക്കുന്ന മാര്‍ക്ക് വായിക്കാന്‍ പറഞ്ഞു .. ഞാന്‍ വായിച്ചു.. അന്‍പതില്‍ നാല്‍പ്പതു....എന്ത്? ഏട്ടന്‍ ഒന്നു നീട്ടി മൂളി . ....അല്ല അന്‍പതില്‍ മൈനസ് നാപ്പതു...എല്ലാവരും കൂടി കേള്‍ക്കാന്‍ വേണ്ടി പറയുവാ ഈ മോള് ഈ പോക്ക് പോയാല്‍ ശെരിയാവില്ല..ആരെയും പേടി ഇല്ലാത്തതിന്ടെയാണ് ഈ കാട്ടി കൂട്ടുന്നതൊക്കെ... എത്ര നാളായി നിനക്കു അന്‍പതില്‍ അമ്പതു കിട്ടാന്‍ തുടങ്ങിയിട്ട്.. etc etc etc... എന്ന് വേണ്ടാ പിന്നെയും എന്തെല്ലാമോ

ഞാന്‍ ആരായി ഇപ്പോള്‍?? ഇറാഖില്‍ ബോംബ് ഇടാന്‍ പോയ ബുഷിന്റെ അവസ്ഥ... പിന്നീട് എന്നെ എല്ലാവരും മാറി മാറി കൈകാര്യം ചെയ്തു ... അത് ഞാന്‍ വിവരിക്കേണ്ട കാര്യം ഇല്ലല്ലോ?
ചുരുക്കം പറഞ്ഞാല്‍ വീട്ടിലെ അവസ്ഥയും പ്രക്ഷുബ്ധം ആയി.... അമ്മസ്ഥിരം സ്റ്റൈല്‍ കണ്ണീര്‍ .. അച്ഛന്‍ മൗനം (അച്ഛന്‍ ദേഷ്യം ഒത്തിരി കൂടുതല്‍ വരുമ്പോള്‍ എപ്പോളും സംയമനം പാലിക്കുന്ന ഒരാളാണ്.. ) ഏട്ടന്‍ ഏതോ ബാധ കൂടിയത് പോലെ എന്നെ നിര്‍ത്തി പൊരിച്ചും കൊണ്ടിരുന്നു.. ..

അന്ന് ആരും ഒന്നും കഴിച്ചില്ല..എല്ലാവരും നേരത്തെ കിടന്നു .. ഞാനും കിടന്നു ക്ഷീണം മൂലം വേഗം ഉറങ്ങി.. രാത്രിയില്‍ ആരോ തട്ടി വിളിച്ചു ഞാന്‍ ഞെട്ടി എണീറ്റു.. അമ്മ ഒരു ഗ്ലാസ് പാല് കാച്ചിയതും ആയിട്ടാണ് വന്നിരിക്കുന്നത്.. എന്റെ മോള് ഒന്നും കഴിച്ചില്ലല്ലോ എന്ന് പറഞ്ഞു അത് എനിക്ക് തന്നു.. ഞാന്‍ പാല്‍ കുടിച്ചു ... അന്ന് അമ്മ എന്റെ കൂടെ തന്നെ കിടന്നു...

പിറ്റേന്ന് രാവിലെ ഞാന്‍ പോകുന്നതിനു മുന്പേ ഏട്ടന്‍ അടുത്ത ഡോസ് തരാന്‍ ആയി നേരത്തെ എഴുന്നേറ്റു വന്നു.. പക്ഷെ അമ്മ ആരെയും കൊണ്ടും ഒന്നും പറയിച്ചില്ല.. നഴ്സറി മുതലേ എന്നെ സംരക്ഷിക്കുന്ന ആ കൈകള്‍ എപ്പോളും എന്റെ കൂടെ തന്നെയുണ്ട്‌ ... എനിക്കും കണ്ണീര്‍ വന്നു ...
..

പിഴച്ച കണക്കു കൂട്ടലുകള്‍...തുടര്‍ച്ച(2)

2009-03-14T21:38:00.000-07:00

ട്യുഷന്‍ അവസാനിച്ച കഥ ഞാന്‍ എഴുതിയല്ലോ? പക്ഷെ ആ കഥകള്‍ അവിടം കൊണ്ടൊന്നും തീരുന്നില്ലാ ..... അന്ന് വൈകുന്നേരം സാറ് വീട്ടിലേക്ക് വിളിച്ചു അച്ഛനോട് എന്നെ പിറ്റേന്ന് മുതല്‍ വീണ്ടും ട്യുഷന് വിടണമെന്ന് പറഞ്ഞു .. കാരണം ഞാന്‍ പോയാല്‍ പുള്ളിക്ക് അതുപോലെ ഒരു നല്ല പണിയാണ് കിട്ടാന്‍ പോകുന്നത് ... എന്നെ അച്ഛന്‍ കൊണ്ടുപോയ കഥ പറഞ്ഞു എന്റെ അതെ അനുഭവം ഉള്ള പലരും ആ സ്ഥലം ഉപേക്ഷിച്ചു പോകുന്നതിനെ പറ്റി ചിന്തിച്ചൂ തുടങ്ങിയത് ആ കാലമാടന്‍ സാറു മണത്തു അറിഞ്ഞു അത്രയേ ഉള്ളു.. അയാളുടെ കഞ്ഞിയില്‍ പാറ്റചാടാതിരിക്കാന്‍ വേണ്ടി അച്ഛനോട് ഒരു മാപ്പും പറഞ്ഞു എന്നെ വീണ്ടും ക്ഷണിച്ചു ..

അച്ചന് അത്ര താത്പര്യം ഒന്നും ഉണ്ടായിരുന്നില്ല തിരിച്ചു അങ്ങേരുടെ അടുത്ത്തെക്ക് വിടാന്‍ ... കാരണം അവര്‍ തമ്മില്ലുള്ള സംഭാഷണം ഞാന്‍ കേട്ടില്ലല്ലോ? എന്റെ അച്ഛന്‍ ആരാ മോന്‍ നല്ല ഡോസ് കൊടുത്തിട്ടുണ്ടാകും.. സാറ് ആള് മോശമാണോ? പുള്ളിയും കൊടുത്തിട്ടുണ്ടാകും തിരിച്ചും..പക്ഷെ മറ്റൊരു ട്യുഷന്‍ സ്ഥലം കണ്ടു പിടിക്കുക അത്ര എളുപ്പവും അല്ല.. അതുകൊണ്ട് വീണ്ടും ഞാന്‍ ആ ക്ലാസ്സില്‍ തന്നെ പോയി തുടങ്ങി..
പക്ഷെ പിന്നീട് ഞാന്‍ എത്ര ലേറ്റ് ആയാലും അങ്ങേരു എന്നെ ക്ലാസ്സില്‍ കയറ്റും.. ആദ്യം വന്ന കുട്ടിയുടെ നോട്ട് വാങ്ങി എഴുതാനുള്ള പെര്മിഷന്‍് തന്നു... പിന്നെ ഞാന്‍ എന്ത് ചെയ്യാന്‍..
അന്ന് വരെ പാര്‍്വതി കുറുപ്പ് എന്ന് നീട്ടി വിളിച്ചിരുന്ന അദ്ദേഹം എന്നെ മോളെ പാര്‍വതി എന്ന് വിളിക്കാന്‍ തുടങ്ങി.. "അടി തെറ്റിയാലും അടികിട്ടിയാലും ആന വീഴും "....
അപ്പം അച്ഛന്‍ നന്നായി കൊടുത്ത ലെക്ഷണം ഉണ്ട്.....കിട്ടട്ടങ്ങനെ കിട്ടട്ടെ...

കഴിഞ്ഞ പോസ്റ്റില്‍ ഞാന്‍ കോളേജിനടുത്തുള്ള ട്യുഷന്‍ സെന്റര്‍ എന്ന് എഴുതിയിരുന്നല്ലോ?
ആ ട്യുഷന്‍ സെന്ററിന്റെ കഥ പറയാം..

സത്യത്തില്‍ ഇതു ഒരു ട്യുഷന്‍ സെന്റെര്‍ അല്ല...ഞാന്‍ പഠിക്കുന്ന കോളേജില്‍ നേരത്തെ പഠിപ്പിച്ചു കൊണ്ടിരുന്ന അദ്യാപകര്‍ റിടയര്‍ ചെയ്തപ്പോ നേരം പോക്കിന് തുടങ്ങിയ പണി ആണ് ഈ ട്യുഷന്‍ പഠിപ്പീര്.. കോളേജിന്റെ അടുത്ത് വീടുള്ള ഇവര്‍ മൂന്നു പേരുണ്ട് .. മൂന്നു പേരും നല്ല കൂട്ടുകാര്‍ ... ഒരാള്‍ ഗണിതശാസ്ത്രം (പണ്ടു ഈ കോളേജിനെയും അതിലെ വിദ്യാര്‍ത്ഥികളെയും വിരല്‍ തുമ്പില്‍ നിര്‍ത്തിയ പ്രിന്‍സി ആയിരുന്നു ) റിട്ടയര്‍ ആയിട്ടും സ്വഭാവത്തിന് മാറ്റം വരാതായപ്പോള്‍ ഭാര്യയെ പഠിപ്പിക്കാന്‍ ചെന്നു .. പക്ഷെ പുണ്യം ചെയ്ത ആ ഭാര്യ ഉപദേശിച്ചു കൊടുത്ത കുബുദ്ധിയാണ് ഈ ട്യുഷന്‍ പരിപാടി...

അദ്ദേഹം ആയിട്ട് ബാക്കി രണ്ടുപേരെയും കൂടി ഉപദേശിച്ചു ... ബാക്കിരണ്ട് പേരും തീരെ മോശക്കാര്‍ അല്ലാ.. ഒരാള്‍ ഫിസിക്സ് ഡിപാര്ട്ടൂമെന്റ്റിന്റ്റെ മേധാവിയും മറ്റേയാള്‍ കെമസ്ട്രി ഡിപാര്ട്ടൂമെന്റ്റിന്റ്റെ മേധാവിയും ആണ് (ex മേധാവികള്‍) .. പത്ത് മുപ്പതു കൊല്ലത്തില്‍ കൂടുതല്‍ അധ്യാപക ജീവിത്തത്തില്‍ കഴിഞ്ഞ ഇവര്ക്ക് പേരു ഉയര്‍ത്താന്‍ വേണ്ടി വേറെ ഒന്നും ചെയ്യണ്ടാ.. ഇവര്‍ ട്യുഷന്‍ എടുക്കുന്ന വിവരം അറിഞ്ഞപ്പൊളേ അങ്ങോട്ടേക്ക് കുട്ടികളുടെ ഒഴുക്കായിരുന്നു.. ബാക്കി എല്ലാ ട്യുഷന്‍ സ്ഥലങ്ങളിലും ആയിരം രൂപ ഒരു വിഷയത്തിന് വാങ്ങിയപ്പോള്‍ ഇവിടെ ഒരുവിഷയത്ത്തിനു രണ്ടായിരത്തി അഞ്ഞൂറ് രൂപ ആണ് ഫീസ്‌. . ആ സമയത്ത് പി സി തോമസറിന്റെ അടുത്ത് എന്ട്രന്‍സ് കൊച്ചിന്ഗിനു അയ്യായിരത്തി അഞ്ഞൂറ് രൂപ ആയിരുന്നു..പക്ഷെ മാതാപിത്ക്കള്‍ ഫീസ് നോക്കാതെ അങ്ങോടെക്ക് കുട്ടികളെ വിട്ടു.. പിള്ളേര് പഠിക്കട്ടെ .. അത്രയേ അവര്‍ ചിന്തിച്ചോളൂ..
മരുപ്പച്ച എന്ന് കേട്ടിട്ടില്ലേ? ആക്ച്വലി അതാണ് സംഭവം .....റിട്ടേര്ഡ് പ്രൊഫസര്‍ മാരുടെ അടുത്താണ് കൊച്ചു ട്യുഷന് പോകണതെങ്കില്‍ പിന്നെ എല്ലാം ആയി എന്നാണ് എല്ലാരുടേം ചിന്താ.. എവിടെയാ ട്യുഷന്‍ന്നു ചോദിച്ചാല്‍ നമുക്കും ഇത്തിരി അഹങ്കാരം ആണു പറയുമ്പോള്‍..

ഒരിക്കലും ഞാന്‍ അവര്‍ എടുക്കുന്ന ക്ലാസുകള്‍ ചീത്ത ആണെന്ന് പറയില്ലാ..നല്ല ക്ലാസുകള്‍ ... ഏതു പൊട്ടനും മനസിലാകുന്ന രീതിയില്‍ ഉള്ള ക്ലാസുകള്‍..

ഇനി വീണ്ടും ഫലിതങളിലേക്ക് തന്നെ വരാം..
ഞായര്‍ ആഴ്ച ഒഴിച്ച് ബാക്കി എല്ലാ ദിവസവും ട്യുഷന്‍ ഉണ്ട്.. രാവിലെ എന്നും 6 മണിക്ക് പോകുന്ന കാര്യം പറഞ്ഞല്ലോ... ഇനി സായാഹ്നംങളിലെ യാത്ര വിവരണം

4ആകുമ്പോള്‍ കോളേജിലെ ക്ലാസ്സ് തീരും പിന്നെ പാതാള ഭൈരവന്റെ വീട്ടിലേക്ക് ഓട്ടം ആണ്...
4.15നു ആണ് അവിടെ ക്ലാസ്സ് സ്റ്റാര്‍ട്ട് ചെയ്യുന്നത്.. പാതാള ഭൈരവന്‍ എന്ന് കേട്ടു ഞെട്ടണ്ട .. കണ്ടാല്‍ നമ്മുടെ ഇന്നസെന്റ് ഇല്ലേ അങ്ങേരെ പോലെ ഇരിക്കും.. തൃശൂര്‍ ആണ് മൂലകുടുംബതിന്റെ കുറ്റി.ഈ കോളേജില്‍ ജോലി കിട്ടിയപ്പോള്‍ സാര്‍ കുറ്റി പാലക്കാടേക്ക് മാറ്റി കുത്തി. ഒരു അഞ്ചടി പൊക്കം കാണും.അകെലെനിന്നു നോക്കിയാല്‍ തല ഒരു നല്ല മരുഭൂമിയാണ് .. പക്ഷെ അടുത്തെത്തുമ്പോള്‍ മനസിലാകും നമുക്കു തെറ്റിയതാണെന്ന്. മരുഭൂമിയില്‍ നെല്‍കൃഷി ഇറക്കിയപോലെ അങ്ങിങ്ങു കറുത്ത കളറില്‍ എന്തോ ഒരു സാധനം ആ ഊഷര ഭൂമിയില്‍ ഉണ്ട് ....അതിനെ മുടി എന്നൊക്കെ വിളിക്കാന്‍ പറ്റുമോ ആവോ? ഉണങ്ങിയ വൈക്കോല്‍ എന്ന് പറയാം അല്ലാതെ എന്താ?
ആ സാര്‍ എല്ലാ കുട്ടികളും വരാന്‍ വേണ്ടി 4.20 വരെ കാക്കും.പിന്നീട് അന്നത്തെ കുശലാന്വേഷണങ്ങള്‍ നടത്തും . എനിട്ടെ ക്ലാസ്സ് തുടങ്ങൂ.പിന്നെ തലേദിവസം എന്തെങ്കിലും എക്സാം നടത്തിയിട്ടുണ്ടെങ്കില്‍ അതിന്റെ കേടു തീര്‍ത്തു പേപ്പര്‍ തരും .

അദേഹം വളരെ നല്ല മനുഷ്യന്‍ ആണ്. ഒരിക്കലും വീട്ടിലേക്ക് വിളിക്കില്ല പേപ്പര്‍ തരുന്ന കൂടത്തില്‍ ഒരു കുറിപ്പും കൂടി തരും. നമുക്കുള്ളത് അല്ല അച്ഛനുള്ള പാര്‍സല്‍ ആണ്
TO MR.ചന്ദ്ര ശേഖര കുറുപ്പ്
മൈ നമ്പര്‍ ഇസ് 00467787889 കാള്‍ മി അറ്റ്‌ 9.10pm .

സമയത്തില്‍ മാറ്റം വരരുതു. അത് സാര്‍ ഒരിക്കലും ഇഷ്ടപെടുന്ന ഒരു കാര്യം അല്ല.നമ്മുക്ക് മാര്‍ക്ക് കുറഞ്ഞാല്‍ അദേഹം നമ്മള്‍ കുട്ടികളെ ഒരിക്കലും നേരെ നോക്കി ചീത്ത പറയില്ല.വെറുതെ അന്നത്തെ ക്ലാസ്സിനിടയില്‍ ചോദിക്കും
"അല്ല പാര്‍വതി താന്‍ ഏതു സ്കൂളിലാ പഠിച്ചതെന്നാ പറഞ്ഞതു ?"
ഞാന്‍ സ്കൂളിന്റെ പേരു പറയും .
"ഹൊ ഞാന്‍ മറന്നു "
"തനിക്ക് രസതന്ത്രത്തിനുsslcക്ക് എത്ര ആയിരുന്നു മാര്‍ക്ക്?"
ഞാന്‍. . 48.
"നൂറിലോ? അന്പതിലോ? "
അന്‍പതില്‍..
"ശെരിയാണല്ലോ ഞാന്‍ മറന്നു"..

"താന്‍ നോട്ട് എഴുതി തീര്‍ക്ക് "..
ഞാന്‍ നോട്ട് എഴുതാന്‍ തിരിയുമ്പോള്‍ സാര്‍ വീണ്ടും ചോദിക്കും
"അല്ല അവിടെ sslc പരീക്ഷയുടെ ചെക്കിന്ഗ് ഒക്കെ എങ്ങനെയാ നല്ല സ്ട്രിക്ട് ആണോ?"
അതെ..
"അല്ല തന്റെ പേപ്പറുകള്‍ കുറെ ഞാനും കാണുന്നതല്ലേ? അതുകൊണ്ട് ചോദിച്ചതാ...താന്‍ നോട്ട് എഴുതിക്കോ ".

വീണ്ടും ഞാന്‍ എഴുതാന്‍ തിരിയുംപോളെക്കും സാറ് വീണ്ടും
"അല്ല സത്യം പറ ആര തനിക്ക് വേണ്ടി sslc പരീക്ഷ എഴുതിയത്.?"
ഞാന്‍ അതിന് ഒന്നും പറയില്ല . ഒന്നു ചിരിച്ചു കാണിക്കും .

എനിക്കുള്ളത് ഇത്രയുമേ ഉള്ളു.. ഇനി ഉള്ളത് അച്ഛനാണ് .എന്റെ അച്ഛന്‍ നല്ല യോഗം ഉള്ള ആള്‍ ആണ്.
ഞാന്‍ വീട്ടില്‍ എത്തുമ്പോള്‍ അച്ഛനുള്ള കുറിപ്പ് കൊടുക്കും .ആ നമ്പര്‍ അച്ഛന്‍ ഫോണില്‍ കുത്തും .പിന്നെ അങ്ങേത്തലക്കല്‍ നിന്നു ആവശ്യത്തിനു കിട്ടിക്കോളും .അച്ഛന്‍ അങ്ങോടോന്നും പറയുന്നതു ഞാന്‍ കേട്ടിട്ടില്ല. ഫോണ്‍ കട്ട് ചെയ്യാന്‍ നേരത്ത് അച്ഛന്‍ പറയും അപ്പൊ ശെരി സാറേ ഇനി എന്നാണ് പരീക്ഷ ഉള്ളത് അതിന്റെ പേപ്പര്‍ കിട്ടിമ്പോള്‍ തീര്‍ച്ച ആയും ഞാന്‍ വിളിച്ചേക്കാം . സാറും ആയുള്ള സംഭാഷണത്തെ പറ്റി ഒരു വാക്കും അച്ഛന്‍ എന്നോട് പറയാറില്ല . പറഞ്ഞിട്ട് കാര്യം ഇല്ലെന്നു അച്ഛനറിയാം . എന്റെ ചക്കര അച്ഛന്‍ .

6.,15 വരെ ആണ് ട്യുഷന്‍ സമയം.. സാറിന്റെ വീട്ടില്‍ നിന്നു ബസ്സ് സ്റ്റോപിലേക്ക് ഏതാണ്ട് 10 മിനിറ്റു ഓടണം.. ബസ് സ്റ്റോപ്പില്‍ ചെന്നു പ്രൈവറ്റ് ബസ് പിടിച്ചു കെ എസ് ആര്‍ ടി സി സ്റ്റാന്‍ഡില്‍ എത്തുമ്പോള്‍ 6.30nte ബസ്സ് എന്നെ കത്ത് നില്‍ക്കുന്നുണ്ടാകില്ല.. പിന്നെ 7 ആകുന്നതു വരെ അവിടെ സ്റ്റാന്‍ഡില്‍ നിക്കണം... 7nte ബസ് എപ്പോളും 7.15ne പുറപ്പെടൂ .. അവസാന ട്രിപ്പ്‌ ആയതുകൊണ്ട് അങ്ങനെ ആണ്.. ഞാന്‍ എന്റെ സ്റ്റോപ്പില്‍ എത്തുമ്പോള്‍ ഏകദേശം 7.45 ആയിട്ടുണ്ടാകും .. അച്ഛന്‍ എന്നെ നോക്കി ബസ്സ് സ്റ്റോപ്പില്‍ നില്ക്കും .. വീട്ടില്‍ എത്തുമ്പോള്‍ 8.15 .. എല്ലാവര് അത്താഴത്തിനു ഇരിക്കുമ്പോള്‍ ഞാന്‍ വൈകുന്നേരത്തെ ചായയും ചോറും ഒരുമിച്ചു കഴിക്കും.. അല്ലാതെ എന്തു ചെയ്യാന്‍.. ഇവെനിന്ഗ് ബാച്ചിലെ കുട്ടികളുടെ എല്ലാം വീട് അവിടെ അടുത്ത് തന്നെ ആണ് .. അതുകൊണ്ട് എല്ലാവര്‍ക്കും വേഗം വീട്ടില്‍ എത്താം.. പക്ഷെ എനിക്ക് മാത്രം ഈ പണി..

കുളിയും കഴിഞ്ഞു അത്താഴവും കഴിഞ്ഞു നോക്കുമ്പോള്‍ സമയം 10 ആയിട്ടുണ്ടാകും..
10nu പഠിക്കാന്‍ ഇരിക്കും അത് മാത്രമെ ഓര്‍മ കാണൂ.. ഇടയ്ക്ക് എപ്പോളെങ്കിലും അമ്മ വന്നു എന്റെ മോളെ ഇരുന്നു ഉറങ്ങാതെ കടന്നുറങ്ങാന്‍ പറയും .. അപ്പൊ പാതി ബോധത്ത്ല്‍് കട്ടില്‍ കിടന്നുറങ്ങും..5nu അലാറം വെച്ചു കിടക്കും .. പിന്നെ ആരെങ്കിലും വന്നു ഓഫ് ചെയ്തു ചീത്ത വിളിക്കുമ്പോള്‍ എഴുന്നേല്‍ക്കും,., പിന്നെ രാവിലെ പോകാനുള്ള ഓട്ടം സ്റ്റാര്‍ട്ട് ചെയ്യും.. സത്യം പറഞ്ഞാല്‍ പഠനം ഗോവിന്ദാ... ഉറക്കം ഗോവിന്ദാ... ഭാവി ഗോവിന്ദാ...
...

പിഴച്ച കണക്കു കൂട്ടലുകള്‍ _ഭാഗം (1)

2009-03-11T22:46:00.000-07:00

അഗ്രി ഗേറ്റുകളില്‍ വരാത്ത എന്റെ പഴയ പോസ്റ്റുകള്‍ ഞാന്‍ രീപോസ്റ്റു ചെയ്യുകയാണ്.. ചുമ്മാ ഒരു രസത്തിന് .. വായിക്കത്തവര്‍ക്ക് വേണ്ടി..

അങ്ങനെ പാറു പുതിയ കോളേജില്‍ എത്തി ..... നുറ്റീഇരുപതില്‍് കൂടുതല്‍ കുട്ടികള്‍ ഉള്ള ഒരു ക്ലാസ്സ് ആയിരുന്നുഅത്...
ആ ക്ലാസ്സില്‍ പതിനെട്ടു പെണ്‍കുട്ടികളും ബാക്കി ആണ്‍കുട്ടികളും ആയിരുന്നു.. ഫസ്റ്റ്ഗ്രൂപ്പ് ക്ലാസ്സില്‍ എല്ലാം ഇതാണ്അവസ്ഥ.. ഗണിതശാസ്ത്രത്തോട്‌ അത്രമേല്‍ അഭിനിവേശം ഇല്ലാത്ത ആരും ഇങ്ങോട്ട് വരില്ല.. ഇന്നത്തെപതിനൊന്നും പന്ത്രണ്ടും ക്ലാസ്സ് അല്ല ഞാനീ പറയണത്.. പ്രീ ഡിഗ്രി നിലവിലുള്ള കാലം ആണ്.... നേരെ തിരിച്ചുസെക്കന്റ് ഗ്രൂപ്പില്‍ പോയാല്‍ മൂന്നോ നാലോ ആണ്‍കുട്ടികളും ബാക്കി പെണ്‍കുട്ടികളും ആയിരിക്കും..

നേരത്തെ ഞാന്‍ പഠിച്ച സ്കൂളില്‍ നിന്നും തികച്ചും വ്യത്യസ്തം ആയ അവസ്ഥ.. എന്റെ ക്ലാസ്സില്‍ എല്ലാവരും 10th ലെ
വെക്കഷന് തന്നെ എന്ട്രന്‍സ് കോച്ചിങ്ങിന് ചേര്ന്നു ... ആദ്യദിവസമെ ക്ലാസ്സില്‍ വന്നത് എടുത്താല്‍ പോങ്ങില്ലാത്തകെട്ട് പുസ്തകങ്ങളും ആയി ആണ്..

ആരോട് പറയാന്‍.. പത്തിലെ മാര്‍ക്ക് വെച്ച് നോക്കുമ്പോള്‍ ക്ലാസ്സില്‍ ഉള്ള കുട്ടികളില്‍ വലിയ കുഴപ്പം ഇല്ലാത്ത മാര്‍ക്ക് പാറുവിനുണ്ട്... പക്ഷെ പാറുവിനു എന്ട്രന്‍സ് കോച്ചിംഗ്ഓ അതുകൂട്ടു യാതൊരു അലമ്പ് പരിപടിയേം പറ്റിഅറിയത്തുകൂടി ഇല്ലാത്ത കാലം... പക്ഷെ പുതിയ കോളേജില്‍ എന്തായാലും തന്നത്താന്‍ ഇരുന്നുള്ള പഠിപ്പ്നടക്കില്ലെന്ന് ബോധ്യമായി ... വീട്ടില്‍ വിവരം അറിയിച്ചപോള്‍ കോളേജിന്റെ അടുത്ത് തന്നെ ഉള്ള ഒരു ട്യൂഷന്‍സെന്റെറില്‍ ട്യൂഷന് ചേര്ത്തു.. പിന്നെ അച്ഛന്‍ അടുത്ത വണ്ടി പിടിച്ചു എന്ട്രന്‍സ് കോച്ചിംഗ് കൊടുക്കുന്ന ഏറ്റവുംപ്രമുഖസ്ഥലത്തെക്കു എന്നോകൊണ്ട് പറന്നു.. ദൈവാനുഗ്രഹം അല്ലാതെ എന്ത് പറയാന്‍ അവിടുത്തെ സീറ്റ് എല്ലാംപിള്ളേരെ കൊണ്ടു നിറഞ്ഞിരിക്കുന്നു ... അച്ഛന്‍ വണ്ടി വിട്ടത് വേറെ എങ്ങോട്ടും അല്ല സക്ഷാല്‍് പ്രോഫെസര്‍ പിസി തോമസ് സാറിന്റെ അടുത്തേക്കാണ്‌.. പക്ഷെ അവിടുത്തെ കോച്ചിംഗ് വളരെ നേരത്തെ തുടങ്ങും .. ഞങ്ങള്‍എത്തിയപ്പോഴേക്കും അവിടെ കോച്ചിംഗ് ഒക്കെ ഒരു വഴി എത്തി.. ക്രാഷ് കോഴ്സിന് ചേരാനുള്ള അവസരം തന്നു..
പട്ടിയുടെ കൈല്‍ മുഴുവന്‍്തേങ്ങാ കിട്ടിയ അവസ്ഥയാണ്‌ കോളേജ് ജീവിതം തന്നെ.. ആ കൂടെ വെറുതെ എന്തിനാക്രാഷ് കോഴ്സ് എന്ന ഒരു തേങ്ങക്കുല കൂടി കാശു മുടക്കി വാങ്ങുന്നത് ..അച്ഛനോട് പറഞ്ഞു വേണ്ട ലോങ്ങ് ടെംകോച്ചിംഗ് അല്ലെങ്കില്‍ വേണ്ട നമുക്കു തിരികെ പോകാം എന്ന്... അങ്ങനെ ഞങ്ങള്‍ പാലക്കാടേക്കു തിരിച്ചു വണ്ടികേറി... പിന്നെ അങ്ങോട്ടേക്ക് രണ്ടു വര്‍ഷത്തേക്ക് എനിക്കു യാതൊന്നും ഓര്‍മയില്ല...

മനസ്സില്‍ കുറ്റബോധം തോന്നുമ്പോള്‍ ചെയ്യുന്നതെല്ലാം യാന്ത്രീകം ആയിരിക്കുമെന്ന് ആരോ പണ്ടു സിനിമയില്‍പറഞ്ഞിട്ടുണ്ട്... പക്ഷെ എന്റെ കാര്യത്തില്‍ കുറ്റബോധം പോയിട്ട് സ്ഥലകാല ബോധം പോലും രണ്ടു വര്‍ഷത്തേക്ക്ഉണ്ടായില്ല...
എങ്ങിനെ എങ്കിലും കോളേജിലെ പഠിപ്പ് ഒന്നു തീര്നാല്‍ മതി എന്ന ചിന്ത .... അപ്പോളെക്കും ചേച്ചിമാരും ചേട്ടനുംഎല്ലാം ജോല്യൊക്കെ ആയി ദൂരെ സ്ഥലങ്ങളില്‍ ആയി... പാറു അച്ഛന്റേം അമ്മേടേം കൂടെ വീട്ടിലും.. പാറുന്റെമുത്തശി പാറു നാലില്‍ പഠിക്കുമ്പോള്‍ മരിച്ചു പൊയീ.. അത് ആദ്യം പറയാന്‍ വിട്ടു പൊയീ...
ആ രണ്ടു വര്ഷം ഓടിയതിനു കൈയും കണക്കും ഇല്ല...'
ട്യൂഷന് ചേര്‍ന്നതോടെ സമയതിനെല്ലാം മാറ്റം വന്നു... രാവിലെ 7nu ട്യൂഷന്‍ ഉണ്ട് എല്ലാദിവസവും.. കോളേജ്കഴിഞ്ഞു പോകണം ട്യൂഷന്‍ ക്ലാസ്സിലേക്ക്.. രാവിലെ എട്ടരയുടെ ബസ്സു കോളേജ് ബസ്സാണ് .. അത് ബുസ്റൊപില്‍നിന്നു കയറിയാല്‍ കോളേജില്‍ കൊണ്ടു വന്നു വിടും.. വേറെ ഒന്നും അറിയനില്ല.. പക്ഷെ ട്യൂഷന് പോകുന്ന സമയത്തുകോളേജ് ബസ്സ് ഇല്ല ...അതുകൊണ്ട് പാലക്കാടു സ്റ്റാന്‍ഡില്‍ ഇറങ്ങി ബസ്സ് മാറി കേറണം... കേരള സര്ക്കാരിന്ടെവണ്ടിയില്‍ കന്സേഷന്‍് കാര്ഡ് ഉണ്ട്.. പക്ഷെ പ്രൈവറ്റ് ബുസുകര്‍ കന്സേഷന്‍് തരില്ല... അവരുടെ വായില്‍ ഉള്ളസര്‍വവിധ ഹരിതമലയാളവും പേറിയാണ് രാവിലുത്ത്തെ യാത്ര.. വീട്ടില്‍ നിന്നും 6nu ഇറങ്ങിയലെ 6.30 ആകുമ്പോള്‍ ബസ്ട്സ്ടൊപ്പില്‍് എത്തൂ ...ദൈവം അനുഗ്രഹിച്ചു 6.30nte ബസ്സ് 6.10 തൊട്ടു എപ്പോള്‍ വേണമെങ്കിലുംപ്രതീക്ഷിക്കാം.. ചിലപ്പോള്‍ 7nte ബസിനു കൂട്ട് ആയിയും വരും ...ചിലപ്പോള്‍ ഇല്ലാതായെന്നും വരം.. ഒന്നും നമ്മുടെകൈയില്‍ അല്ലല്ലോ.. എല്ലാം സര്ക്കരിന്ടെ കയ്യില്‍ ആണ്.. ഭരണം നാളെ കൈല്‍ ഉണ്ടോ എന്നറിയാത്തഅവസ്ഥായാണ് സര്ക്കാരിന്റെ.... പിന്നെ ആണ് ചടാക്കു സര്‍ക്കാര്‍ വണ്ടികളുടെ കാര്യം.......

അതുകൊണ്ട് നമ്മള്‍ പിള്ളേര് ക്ലാസ്സില്‍ എത്താന്‍ എന്തായാലും ഒരു 10 മിനിട്ട് വൈകും... ഒരിക്കലുംഅറിഞ്ഞുകൊണ്ട് വൈകുന്നതല്ല..
പക്ഷെ അവിടുത്തെ അധ്യാപകര്‍് നല്ലവര്‍ ആയതുകൊണ്ട് ഒരു അരമണിക്കൂര്‍ പുറത്തും കൂടി നിര്‍ത്തും.. പിന്നെപുറത്തു നിന്നു അകത്തു നടക്കുന്ന ക്ലാസിന്റെ നോട്ട് എഴുതിയിരിക്കണം അല്ലെങ്കില്‍.. അരമണികൂര്‍് കഴ്തിഞ്ഞുംക്ലാസ്സില്‍ കയറ്റില്ല... അടച്ചിട്ടിരിക്കുന്ന ക്ലാസ്സിന്ടെ പുറത്തുനിന്നു എന്ത് നോട്ട് എഴുതാന്‍...?....സര്‍ ബോര്‍ഡില്‍എഴുതി തന്നത് പോലും നേരെപാടിനു എഴുതാന്‍ അറിയാത്ത ഞാന്‍..നോട്ട് എഴുതി ക്ലാസ്സില്‍ കയറാന്‍.. നോ വേ.. ..സൊ അന്നേദിവസം നോ നോട്ട് നോ ക്ലാസ്സ്.. പുറത്തു തന്നെ ശരണം...

അന്ന് ക്ലാസ്സ് കഴിഞ്ഞു പോകുന്നതിനു മുന്പ് നോട്ട് കമ്പ്ലീറ്റ് ചെയ്തില്ലെങ്കില്‍ വൈകുന്നേരം നോട്ട് സാറിനെ കാട്ടി ഒപ്പിട്ടു വാങ്ങിയിട്ടേ വീട്ടില്‍ പോകാവൂ ... വൈകുന്നേരങ്ങളില്‍ കോളേജ് വിട്ടു നേരെ പോകേണ്ടത് മറ്റൊരു പാതാള ഭൈരവന്റെ അടുത്തേക്കാണ്‌ ... അപ്പൊ ചെയ്യാന്‍ പറ്റുന്ന ഒരേ ഒരു കാര്യം കോളേജിലെ ക്ലാസ്സ് ഹൌര്‍ ഇരുന്നു ഇതു അങ്ങട് എഴുതുക.. ഭാഗ്യം ഉണ്ടെങ്കില്‍ ക്ലാസ്സ് എടുക്കുന്ന ടീച്ചര്‍ ലൈബെററിയ്ല്‍് പോയിരുന്നു നോട്ട് കമ്പ്ലീറ്റ് ചെയ്യാന്‍ അവസരം തരും.. വേറെ ഒന്നും അല്ല ഗെറ്റ് ഔട്ട് അടിക്കും .. ക്ലാസ്സ് ഹൌറില്‍ വേറെ പണിക്കു പോയതിനു.. എന്താ പറയുക .. കടലിന്റെം ചെകുത്ത്താന്റെം നടുക്ക്.. .. ഇതിനിടായില്‍് ക്ലാസ്സില്‍ നിന്നുഗെറ്റ് ഔട്ട് അടിച്ച് ഇറങ്ങി പോകുന്നത് പ്രിന്സി കണ്ടാല്‍.. പിന്നെ ഒരു പ്രേമ ലേഖനം അങ്ങേര്‍ക്കു എഴുതി കൊടുക്കണം..ഇനി മുതല്‍ ക്ലാസ് ഹൌറില്‍ അതാതിന്റെ നോട്ട് മാത്രമെ എഴുതൂ എന്നും പറഞ്ഞു .. എന്ത് ചെയ്യാന്‍ വിധി .. ഇനി പ്രിന്‍സി
പിടിക്കാതെ ലൈബെററിയ്ല്‍് ചെന്നാല്‍ നിധിക്ക് കാവല്‍ നില്ക്കുന്ന പണ്ടാരക്കാലന്‍ ലൈബ്രേറിയന്‍് കോളേജിലെ തിരിച്ചറിയല്‍ കാര്ഡ് വാങ്ങി കീശയില്‍ വെയ്ക്കും എന്നിട്ട് ക്ലാസ്സ് ടീച്ചറിനു കൊടുക്കും.. മൊത്തം പുലിവാല്‍.. പടയെ പേടിച്ചു പന്തളതെത്ത്തിയപ്പോള്‍ അവിടെ ഗ്രനെഡ് ആക്രമണം എന്ന് പറഞ്ഞ അവസ്ഥ..
ഈ പറയുന്ന എല്ലാ ശിക്ഷാവിധികളിലൂടെയും കടന്നു പോകാനുള്ള അവസരം ഈശ്വരെന്‍മാര്‍ എനിക്ക് തന്നു എന്ന സന്തോഷ വാര്‍ത്ത ഈ തരുണത്തില്‍് നിങ്ങളെ അറിയ്ക്കുന്നു...

പിന്നെ നെക്സ്റ്റ് ശിക്ഷ.

ഇതു പക്ഷെ ഇത്തിരി കടന്ന കൈ ആയി പോയി എന്ന് വായിക്കുമ്പോള്‍ നിങ്ങള്‍ക്കും മനസിലാകും.

ഞാന്‍ ഒരിക്കല്‍ ലേറ്റ് ആയപ്പോള്‍ ക്ലാസ്സില്‍ പോകാതെ ട്യൂഷന്‍ കട്ട് ചെയ്തു നേരെ കോളേജില്‍ പോയി ... എന്തായാലും പുറത്ത് നില്‍ക്കുന്നതിലും ഭേദം ആണല്ലോ എവിടെ എങ്കിലും ഇരിക്കുന്നതെന്ന് ഓര്ത്തു....അത്രയേ ഓര്ത്ത്തോളൂ... പക്ഷേ ഫസ്റ്റ് ഹൗര്‍ ക്ലാസ്സ് കഴിഞ്ഞപ്പോള്‍ അച്ഛന്‍
ദാ കോളേജില്‍ വന്നിരിക്കന്നു ... ഞാന്‍ ഓര്‍ത്തു... "ആരെങ്കിലും തട്ടി പോയോ?"
അല്ലാതെ എന്നെ കാണാന്‍ ഇപ്പൊ കോളേജില്‍ വരണത് എന്തിനാണപ്പാ ? .. രാവിലെ അല്ലെ ഞാന്‍ അവിടെ നിന്നു പോന്നത്.. എന്നെ കാണാന്‍ അത്ര കൊതിയോന്നും വേണ്ടല്ലോ? വൈകുന്നേരം വീട്ടിലോട്ടു തന്നെ അല്ലെ ചെല്ലുന്നത് .. അത്രയും ആലോചിച്ചപ്പൊളേക്കും .എന്നെ പുറത്തേക്ക് വിളിപ്പിച്ചു.. നേരെ കാന്റീന്റെ അടുത്ത്‌ കൊണ്ടു പൊയ് നാലു ചീത്ത ....രാവിലെ ട്യൂഷന്‍ പോകാത്തതിന്. ആര് പറഞ്ഞു ഈ കൊലച്ചതിഅച്ഛനോട്ഞാന്‍ ചോദിച്ചു? നിന്റെ സര്‍ അല്ലാണ്ട് ആര്.. അങ്ങേരു വിളിച്ചു പറഞ്ഞു അബ്സെന്റ്റ് ആണ്.. കാരണംഎന്തെന്ന്.. ഹി ഹി ഹി ഞാന്‍ പെട്ടു പൊയ്..ദൈവം സഹായിച്ചു അതികം നുണ പറയാന്‍ അവസരം ഉണ്ടാക്കാതെ അച്ഛന്‍ കാര്യംപറഞ്ഞു..അല്ലെങ്കില്‍ നുണക്കും കൂടി കിട്ടിയേനെ... ഇനി ട്യൂഷന് പോകണമെങ്കില്‍ പേരന്റ്റുമായി ചെല്ലണം .. അന്ന് അടുത്ത രണ്ടു അവറും കട്ട് ചെയ്തു നേരെആ മാങ്ങതലയന്‍ സാറിന്റെ വീട്ടിലേക്ക് അച്ചനെകൊണ്ട് പൊയ്.. ദാ അവിടെ ചെന്നപ്പം കോളേജ് കട്ട്ചെയ്തുവന്നതിനു അച്ഛനും കിട്ടി ... ഹി ഹി ഹി .. അച്ഛന്‍ പറഞ്ഞു എന്റെ ബാക്കി മക്കടെ സാറുംമാരാരും ഇതുവരെഅച്ഛനെ ചീതവിളിച്ചിട്ടില്ല.. ഞാന്‍ ആയിട്ട് അങ്ങനെ ഒരു ഭാഗ്യം ഉണ്ടാക്കി കൊടുത്തു എന്ന്.. പക്ഷെ അച്ഛന്‍
വന്നപ്പോള്‍ ഉള്ള ദേഷ്യം സാറിന് കണ്ടു കഴിഞ്ഞപ്പോള്‍ കണ്ടില്ല..അച്ഛന്‍ പുറത്തിറങ്ങിയ സമയം എന്നോട് ചോദിച്ചു ഈ പുള്ളിടെ ക്ലാസ്സിലാണോ മോളെ ഞാന്‍ ട്യൂഷന് ചേര്‍ത്തതെന്ന്.. .. .

ഞാന്‍ മനസ്സില്‍ ചിരിച്ചു.. സാറിന്റെ വീട്ടില്‍ നിന്നു ഇറങ്ങി അച്ഛന്‍ നേരെ അവിടെ കണ്ട ബൂത്തിലേക്ക് പൊയ്.. എന്നിട്ട് അമ്മയെ വിളിച്ചു.. പാറു ക്ലാസ്സില്‍ ഉണ്ടായിരുന്നു വേറെ ഏതോ കുട്ടി ആണ് അബ്സേന്റ്റ് സാറ് നമ്പര്‍തെറ്റി വിളിച്ചതാണ് എന്നെല്ലാം പറഞ്ഞു.. എന്നിട്ട് ഇനിയെങ്കിലും നീ കിടന്ന കിടപ്പ് കിടക്കാതെ എഴുന്നേറ്റു പോയിവല്ലതും കഴിക്കാന്‍ പറഞ്ഞു,.. കാര്യങ്ങളുടെ അവസ്ഥ എനിക്കു നന്നായി മനസിലായി.. അച്ഛന്‍ പറഞ്ഞു പാറുനോട്നീ മിണ്ടിക്കോ എന്ന് പറഞ്ഞു എനിക്കു ഫോണ്‍ തന്നു .. ഞാന്‍ അമ്മേ എന്ന് വിളിച്ചപ്പം ഒരു കരച്ചില്‍ മാത്രമാണ്അങ്ങേത്തലക്കല്‍ നിന്നു കേട്ടത്.. എന്റെ മോളെ എന്ന് ഒരു ദീന സ്വരവും .. ഞാന്‍ പറഞ്ഞു ഞാന്‍ ക്ലാസ്സില്‍പോയിരുന്നെന്നും സാറിന് ആളുമാറി വീട്ടില്‍ വിളിച്ചതാണെന്നും എല്ലാം.. അമ്മകരഞ്ഞു വേഗം വീട്ടില്‍ വരാന്‍പറഞ്ഞു.. അച്ഛന്‍ എന്നെയും കൂട്ടീ നേരെ വീട്ടിലേക്കാണ് പോയത് പോകുന്നവഴി ക്ലാസ്സിലെ എല്ലാ അവസ്ഥയുംഞാന്‍ അച്ചന് വിശദം ആയി പറഞ്ഞു കൊടുത്തു. എല്ലാ കാര്യങ്ങളും അച്ചന് മനസിലായി.. എന്നെ കണ്ടതോടെഅമ്മയുടെ സങ്കടം ഒക്കെ മാറി.." ആ കാലമാടന്റെ തലയില്‍ ഇടിത്തീ വിഴട്ടെ".. "ആ ദുഷ്ടനെ പെരുംപാമ്പു വിഴുങ്ങട്ടെ" എന്ന് വേണ്ട വായില്‍ വന്ന എല്ലാ അനുഗ്രഹങ്ങളും അമ്മ ആ മാന്യ അദേഹത്തിന് ചൊരിഞ്ഞു കൊണ്ടേ ഇരുന്നു.. പിന്നീട് ഫോണ്‍ വിളികളുടെ ഒരു ഘോഷയാത്ര ആയിരുന്നു.. എല്ലാവര‌ും പേടിച്ചു.. കോളേജില്‍ പോയ കൊച്ചിനെകാണാനില്ല.. പേടിക്കാതിരിക്കുമോ? ദൈവം സഹായിച്ചു നാട്ടുകാര്‍ അറിഞ്ഞില്ല.. കേരളത്തിന് പുറത്തുള്ള ബന്ധുജനങ്ങള്‍ മാത്രമെ അറിഞ്ഞുള്ളു..... കാരണം അമ്മക്ക് ലോക്കല്‍ നമ്പര്‍ ഒന്നും അറിയില്ലാ.. എസ് ടി ഡി യും ഐഎസ് ഡി യും മാത്രമെ അറിയൂ എന്ന് അച്ഛന്‍ ഫോണ്‍ ബില്‍ വരുമ്പോള്‍ കളിയാക്കാറുള്ള കാര്യം വിത്ത് പ്രൂഫ് അമ്മതെളിയിച്ചു .. "അമ്മയെ സമ്മതിക്കണം" ..ആ മാസത്തെ ഫോണ്‍ ബില്ല് കണ്ടു അച്ഛന്‍ നെഞ്ചത്ത് കൈ വെച്ച്പറഞ്ഞു..
അടുത്ത ദിവസം രാവിലെ ട്യൂഷന്‍ ക്ലാസ്സില്‍ പോയി ബസ്സ് അന്നും കിട്ടിയില്ല.. പത്ത് മിനിറ്റു ലേറ്റ് ആയി ക്ലാസ്സില്‍എത്തി ... അന്നും എന്നെ ലേറ്റ് ആയ മട്ടുകുട്ടികല്‍ക്കൊപ്പം ക്ലാസിനു വെളിയില്‍ നിര്‍ത്തി ... പക്ഷെ അച്ഛനും എന്റെകൂടെ പോന്നിരുന്നു .. ഞാന്‍ പുറത്ത് നില്ക്കുന്നത് കണ്ടുകൊണ്ടു അച്ഛനും മാറി നിന്നു.. അര മണിക്കൂര്‍ കഴിഞ്ഞു ക്ലാസ്സില്‍കയറാന്‍ അനുവാദം തന്നു..
അച്ഛനെ സര്‍ കണ്ടില്ല .. എന്തോപറഞ്ഞു സാര്ഞങ്ങളെ കളിയാക്കി ... .. അച്ഛന്‍ സാറിന്റെ അടുത്ത് നിന്നും എന്നെതിരിച്ചു കൊണ്ടു വന്നു അതോടെ എന്റെ ട്യൂഷന്‍ അവസാനിച്ചു .....അതോടെ ഫിസിക്സ് ക്ലാസ്സിന്‌ ശുഭ പരിയവസാനം ................

A day away from the crowd

2009-03-07T22:46:00.000-08:00

A day away from the crowd

The sun rose slowly as we rode

Yes, we were early on the road

The morning breeze flowed gently

And the smog faded silently

The journey was easy and fast

And we reached that very spot

Some people were already waiting

While some kept us on looking

Then we climbed aboard the boat

And started our voyage to the root

Through the shallow water and swaying palms

To the lonely island far off the banks

Children played and adults enjoyed

In the small island life moved

The food was good and tasty

And so we were all very hasty

Some others moved to the banks

And hid themselves in their hanks

Bottles of toddy were soon emptied

And some of them were unsteadied

Hubby jumped into the river

His friend proved a great diver

The swimming race was a surprise

And with pride he won the prize

Games continued amidst the tea

And we waited eagerly to see

Who the ideal couple amongst us was

And what the lucky ones has

Tapioca, puttu and fish curry

Plates were emptied in a hurry

We were half an hour before schedule

But the people did keep their cool

As sun down went in the west

And all were thinking of rest

I thought of the ancient mariner

While the red glare shined on the river

“Water water everywhere!”

Every drop tasty and we drank

This was a day to enjoy

And we spent the times with joy

A day different from all days

Said the smile on my friend’s face

Lovely was this getaway journey

To the island beautiful and lovely

അമ്മേ! എനിക്കും ആ ചെമന്ന വണ്ടി കാണണം

2009-03-06T10:13:00.000-08:00

എന്നോട് എന്റെ അമ്മ എപ്പോളും പറയുന്ന ഒരു ഡയലോഗ് ഉണ്ട്, എനിക്ക് അഞ്ചു മക്കളുണ്ട് അതില്‍ നാല്എണ്ണത്തെ വളര്‍ത്തി വലുതാക്കിയത് അമ്മപോലും അറിഞ്ഞട്ടില്ലാ.. അതിന്റെ എല്ലാം കേടും തീര്‍ക്കാന്‍ ഈശ്വരന്‍അറിഞ്ഞു കൊടുത്തതാണ് എന്നെ എന്ന്.. അമ്മ അത് പറയുമ്പോള്‍ അച്ഛനോ അതോ അമ്മാവന്‍മാരോ ചേച്ചിമാരോആരെങ്കിലും ഇതു കേട്ടാല്‍ ചിരിക്കുന്ന ഒരു ചിരി ഉണ്ട് ഈശ്വരാ!!!!!!!!!!! എല്ലാവരും അനുഭവിച്ച അവസ്ഥ എനിക്ക്കൂടി ചിന്തിക്കാന്‍ പറ്റുന്നില്ലാ...

എന്റെ ഇത്രയും കാലത്തെ ജീവിതത്തിനു ഇടയ്ക്ക് എന്നെ കൊണ്ടു പോകാത്ത അമ്പലങ്ങളോ , പള്ളികളോ ഇല്ലാകേരളത്തില്‍ മാത്രം അല്ല ചിലപ്പോള്‍ ഇന്ത്യയില്‍ തന്നെ . പക്ഷെ എനിക്ക് വലിയ ഓര്മയൊന്നു ഇല്ല .എന്നെകൈകാര്യം ചെയ്യാന്‍ എല്ലാ ദൈവങ്ങളെയും അച്ഛനും അമ്മയും കൂട്ട് പിടിച്ചു.എങ്ങും ഒരു എത്തും പിടിയും കിട്ടാതെഅച്ഛനും അമ്മയും എന്നെ കൊണ്ടു അലഞ്ഞു,വലഞ്ഞു,തുലഞ്ഞു . കാരണം വേറെ ഒന്നും അല്ല ഞാന്‍ ഒരു മഹാസംഭവം ആയിട്ടാണ് എന്റെ ബാല്യം കഴിച്ചു കൂട്ടിയത് .

അതിന്റെ ഏകദേശം എല്ലാ രൂപങ്ങളും മനസിലാക്കാന്‍ എന്റെ തലയും നെറ്റിയും കയ്യും വായിലെ പല്ലുകളും ഇപ്പോളുംവളഞ്ഞിരിക്കുന്ന വലതുകയ്യിലെ തള്ള വിരലും എല്ലാം മാത്രം മതി. സോറി ഇതൊക്കെ കെട്ട് ഞാന്‍ ഒരു വികലാംഗആണെന്ന് തെറ്റിധരിക്കരുതു .ആയിരുന്നെന്കില്‍ ഇപ്പോള്‍ ഈ കഥയൊക്കെ ഞാന്‍ എഴുതുമായിരുന്നോ? ഇതെല്ലാം അച്ഛനും അമ്മയും അനുഭവിച്ച ടെന്ഷനുകളുടെ ഒരു ബാക്കി പത്രം മാത്രം ആണ്.. ഇപ്പോളും ഈ മുറിപാടുകള്‍ കാണുമ്പൊള്‍ എനിക്ക് ഊഹിക്കാം അവരനുഭവിച്ച അവസ്ഥകള്‍.

എന്റെ ഓര്‍മയില്‍ ഇല്ല എങ്കിലും ആറു വയസിനിടയില്‍ രണ്ടു തവണ മരണത്തിന്റെ കയ്യില്‍ നിന്നും എങ്ങനെയോഒക്കെ എന്നെ അച്ഛനും അമ്മയും കരഞ്ഞു വിളിക്കുന്നത് കേട്ടു ഈശ്വരന്മാര്‍ മടക്കി കൊടുത്തതാണ്. ഇപ്പോള്‍ഇതൊക്കെ ആലോചിക്കുമ്പോള്‍ ആരോ അഭിനയിച്ച കോമഡി സിനിമ കണ്ടപോലെ തോന്നണു..

പക്ഷെ ഇതിനിടയില്‍ ഞാന്‍ ഒപ്പിച്ച കുറെ വേറെ തല്ലുകൊള്ളിത്തരങ്ങളും ഉണ്ട് ..അതിലോന്നാകാം ഇന്നെത്തെപോസ്റ്റ്...

ഞാന്‍ എപ്പോളും അമ്മേടേം അച്ഛന്റേം കൂടെ മാത്രമെ നടക്കൂ.. അവരെ കാണാതെ ഒരു നിമിഷം പോലും ഇരിക്കാന്‍എനിക്ക് പറ്റില്ലായിരുന്നു.. അതുകൊണ്ട് അച്ഛനും അമ്മയും എവിടെ പോയാലും എന്നെ കൂട്ടാതെ പോകില്ലാ. അമ്മേടെ കൂടല്ലാതെ ഞാനും എങ്ങും നില്‍ക്കില്ല.. അമ്മേടെ വീട്ടിലൊന്നും ഞാന്‍ ഇത്രയും കാലത്തിനിടക്ക്നിന്നട്ടില്ലാ. ഒരിക്കല്‍ മാത്രം അമ്മേടെ വീട്ടില്‍ നിന്നു അത് ഞാന്‍ ഒരു പോസ്റ്റ് ആയി പിന്നെ എഴുതാം ..അമ്മേടെപല്ലു കാട്ടാന്‍ ഡോക്ടറുടെ അടുത്ത് പോകുമ്പോള്‍ ഞാന്‍ ദേഹത്ത് അള്ളി പിടിച്ചു കടക്കും .. താഴെ ഇറങ്ങുക കൂടി ഇല്ല .. .. ഡോക്ടര്‍ സൂചി ഒക്കെ കാട്ടി പേടിപ്പിച്ചാലും ഞാന്‍ അമ്മേടെ ദേഹത്ത് നിന്നു ഇറങ്ങില്ല.. എന്ത്ചെയ്യാനാ. അങ്ങനെ ഒരു ജന്മം ആയിപ്പോയി ഞാന്‍ .

എനിക്ക് നാല് വയസോക്കെ ഉള്ളപ്പോള്‍ ആണ് .. തറവാട്ടിലെ അമ്മാമക്ക് അസുഖം കൂടി മരിക്കാന്‍ കിടക്കുന്നു.. അപ്പോ അച്ഛനും അമ്മയും കാണാന്‍ പോയപ്പോള്‍ എന്നെ കൂടെ കൊണ്ടു പോയില്ല . അവിടെ അമ്മാമ അത്ര മോശംഅവസ്ഥയിലാണ് കിടക്കണത് . ഞാന്‍ അത് കണ്ടാല്‍ പേടിക്കും എന്ന് ഉറപ്പുള്ളത് കൊണ്ടു എന്നെ കൂട്ടാതെഅവര്ക്കു പോകേണ്ടി വന്നു.. എന്നെ നോക്കാന്‍ ചേച്ചിമാരെ ഏല്‍പ്പിച്ചിട്ടാണ്‌ അവര്‍ പോയത് . കരയിപ്പിച്ചാല്‍നല്ലത് കിട്ടും എന്ന ഭീഷണി മുഴക്കിയാണ് അച്ഛനും അമ്മയും ആദ്യമായി ആ സാഹസിത്തിനു മുതിര്‍ന്നത് .

അവര്‍ പോയി. എനിക്ക് അമ്മേം അച്ഛനും എന്നെ കൂട്ടാതെ പോയതിന്റെ ദു:ഖം വാക്കുകളില്‍ പറയാന്‍ പറ്റില്ലാ. (കാരണം അതിപ്പോളും അങ്ങനെ തന്നെയാ.. അത് കൊണ്ടു എന്റെ പഴയ ഫീലിങ്ങ്സും എനിക്ക് മനസിലാക്കാം).

അവര്‍ പോയപ്പോ മുതല്‍ ഞാന്‍ തുടങ്ങിയ മോങ്ങല്‍ ആണ്. ഉച്ച ആയപ്പോഴും കരഞ്ഞു കൊണ്ടു നടക്കുകയാണ് . അത് കണ്ടിട്ട് എന്റെ മൂത്ത സഹോദരങ്ങള്‍ക്ക്‌ ഹാപ്പി ജാമിന്റെ പരസ്യത്തില്‍ പറയുന്ന അവസ്ഥ ആണ് .. "സന്തോഷം കൊണ്ടു അവര്ക്കു( എനിക്ക്) ഇരിക്കാന്‍ വയ്യാ". എന്റെ പുറകെ നടന്നു അവര്‍ എന്നെ അച്ഛനുംഅമ്മയും കൂടെ കൂട്ടാത്തതിന്റെ ആഘോഷം നടത്തി കൊണ്ടിരുന്നു.. അച്ഛനും അമ്മയും ഇല്ലാത്തപ്പോള്‍ മാത്രമെഅവര്ക്കു എന്തെങ്കിലും എന്നോട് പറയാന്‍ അവസരം കിട്ടു. അവര് തിരിച്ചു വരുന്ന ഏകദേശ സമയം മുന്‍കൂട്ടി കണ്ടുഎന്തെങ്കിലും ഒരു മിഠായി തന്നു സോപ്പിടാം എന്ന പ്ലാനില്‍ എന്റെ സഹോദര ജന്മങ്ങള്‍ എന്നെ കളിയാക്കികൊന്നു... .

അവര്ക്കു കളിയാക്കിയാല്‍ മതിയല്ലോ. എന്റെ വിഷമം എനിക്കല്ലേ അറിയൂ . ഉച്ചക്ക് ഒരു റൌണ്ട് കരച്ചില്‍ ഒക്കെതോര്‍ന്നു കഴിഞ്ഞപ്പോള്‍ ചേച്ചി ചോറ് വിളമ്പി തന്നു. ഉണ്ണാന്‍ ചെന്നപ്പോള്‍ വീണ്ടും കളിയാക്കി എനിക്ക് സങ്കടംവന്നു. എല്ലാരും ചോറുണ്ടിട്ട് കിടന്നുറങ്ങി..അടുത്ത റൌണ്ട് കണ്ണീര്മഴ പെയ്യിച്ചിട്ടു ഞാനും തളര്‍ന്നുറങ്ങി...പക്ഷെഎന്തോ ഞാന്‍ പെട്ടന്ന് ഉണര്‍ന്നു. അമ്മ കൂടെ ഇല്ലാത്തത് കൊണ്ടായിരിക്കും. തലയിണക്ക് എത്രത്തോളം അമ്മആവാന്‍ കഴിയും? കുറച്ചു കഴിഞ്ഞു ഞാന്‍ എണീറ്റ്‌ തനിയെ പുറത്തേക്ക് പോയി.. അവരെല്ലാം അപ്പോഴും നല്ല ഉറക്കംആയിരുന്നു.

വീടിന്റെ അടുത്ത് ഒരു പൊട്ടക്കുളം ഉണ്ട് .. മൊത്തം പായല്‍ കൊണ്ടു മൂടി കിടക്കുന്ന ഒരു പൊട്ടകുളം. ഞാന്‍എങ്ങനെയോ നടന്നു അവിടെ എത്തി..അവിടെ നിന്നു എന്തോ കാണിക്കുന്നതിന് ഇടയില്‍ എന്റെ ചെരുപ്പ് ഒരെണ്ണംവെള്ളത്തില്‍ പോയി.. ഞാന്‍ ചെരുപ്പ് എടുക്കാന്‍ പഠിച്ച പണി പതിനെട്ടും നോക്കി ആ കുളത്തില്‍ കരയില്‍ നിന്നു.. എന്റെ തോര്‍ത്തും ഒരു ചെരുപ്പും അവിടെ കിടന്നു.

കുറെ കഴിഞ്ഞപ്പോള്‍ വീട്ടില്‍ കുറെ അധികം ആളുകള്‍ വരുന്നതും .. പോകുന്നതും എല്ലാം കണ്ടു. ചേച്ചിമാരെആരെല്ലാമോ വഴക്ക് പറയുന്നതും ഇടയ്ക്ക് അമ്മയുടെ കരച്ചിലും എല്ലാം കേള്ക്കം.. .എന്താണ് സംഭവം എന്ന്മനസിലായില്ല. ഞാന്‍ തൊഴുത്തിന്റെ മുകളില്‍ വയ്ക്കൊലില്‍ കിടക്കുമ്പോള്‍ ഇതെല്ലം കേള്‍ക്കുന്നുണ്ട്‌ ... ചെരുപ്പ്പോയ പേടിയും പിന്നെ എന്നെ കൂട്ടാതെ പോയ വാശിയും കാരണം ഞാന്‍ മുകളില്‍ തന്നെ ഇരുന്നു.. താഴെ അത്രയുംആളുകളുടെ ഇടയില്‍ ചെന്നു ചെരുപ്പ് പോയത് പറഞ്ഞാല്‍ അച്ഛന്‍ വഴക്ക് പറഞ്ഞാലോ എന്ന പേടിയും എനിക്കുണ്ട് . ഞാന്‍ എന്തായാലും അവിടെ തന്നെ ഇരുന്നു. അപ്പോള്‍ നോക്കിയപ്പോള്‍ ഒരു പോലീസ് ജീപ്പ് വന്നു. എനിക്ക്പോലീസുകാരെ ഭയകര പേടി ആയിരുന്നു അത് കൊണ്ടു ഇറങ്ങാന്‍ വേണ്ടി എടുത്തു വച്ച കാല്‍ പിന്നോട്ട് വച്ചു. കുറെകഴിഞ്ഞപ്പോള്‍ ഒരു വലിയ ചെമന്ന വണ്ടി ഭയങ്കര ഒച്ചയില്‍ വന്നു ..എല്ലാവരും വണ്ടി വന്നപ്പോള്‍ കുളത്തിലേക്ക്ഓടി..അപ്പോളാണ് എനിക്ക് മനസിലായത് അവിടെ എന്തോ വലിയ സംഭവം നടക്കുന്നുണ്ട് എന്ന്.. ഇനിയുംഇരുന്നാല്‍ എന്റെ ക്ഷമ നശിക്കും. ഞാന്‍ പതിയെ തൊഴുത്തിന്റെ മുകളില്‍ നിന്നു ഇറങ്ങി .

എല്ലാവരും അങ്ങോടു പോയി.. ഞാനും പുറകെ ചെന്നു . അപ്പൊ അമ്മയെ താങ്ങി കൊണ്ടു അമ്മാവന്‍ പതിയെപോകുന്നുണ്ട്.. ഞാന്‍ ഒറ്റ കരച്ചില്‍ "അമ്മേ എന്നേം കൊണ്ടുപോണം അമ്മേ! എനിക്കും ആ ചെമന്ന വണ്ടികാണണം . അമ്മ രാവിലേം എന്നെ കൊണ്ടു പോയില്ല.. ഇപ്പോളും കൊണ്ടു പോണില്ലാ. ഞാന്‍ മിണ്ടൂലാഅമ്മയോട്."
അമ്മ ഞെട്ടി തിരിഞ്ഞു നോക്കി . ദാ വെള്ളത്തില്‍ ചാടി ചത്തു പോയ കൊച്ചു നില്ക്കുന്നു . അമ്മ ഓടി വന്നു എന്നെഎടുത്തു കവിളത്ത് മാറി മാറി ഉമ്മ തന്നു.. അമ്മാവന്‍ എന്നെയും എടുത്തു കൊണ്ടു കുളത്തിന്റെ അവിടേക്ക് ഓടി . അവിടെ ചെന്നപ്പോള്‍ ഒരു വലിയ ആള്‍കൂട്ടം. ഞാന്‍ തല പൊക്കി അങ്ങോട്ട് തന്നെ ശ്രദ്ധിച്ചു അമ്മാവന്റെ തോളില്‍. നാശം ഈ ആളുകളുടെ ഇടയില്‍ കൂടെ ഒന്നും കാണാനും പറ്റുന്നില്ല . പോലീസുകാരും നാട്ടുകാരും എല്ലാം വട്ടം കൂടിനില്ക്കുന്നു. അച്ഛന്‍ അവിടെ ഒരു തെങ്ങില്‍ ചാരി നില്ക്കുന്നു. ഏട്ടന്മാര്‍ തറയില്‍ ഇരിക്കുന്നു. വെള്ളത്തില്‍ ആളുകള്‍മുങ്ങുന്നതിന്റെ ശബ്ദം കേള്ക്കാം. അതില്‍ ആരോ പറഞ്ഞു..ചെരുപ്പ് കിട്ടി പക്ഷെ ബോഡി ഇല്ല.
അമ്മാവന്‍ പതിയെ എന്നെ അച്ഛന്റെ അടുത്ത് കൊണ്ടു ചെന്നു. അച്ഛന്‍ എന്നെ കണ്ടിട്ട് മനസിലായില്ല . പിന്നെ ഒരുഞാട്ടലോടെ ഉറക്കെ വിളിച്ചൂ..
എന്റെ പാറൂ!!!!!!! എന്റെ കുഞ്ഞെന്ന്...
എല്ലാരും തിരിഞ്ഞു നോക്കി. പിന്നെ എന്താ അവിടെ സംഭവിച്ചതെന്ന് ഓര്‍മയില്ല.

കുറെ കഴിഞ്ഞപ്പോള്‍ മുങ്ങി കൊണ്ടിരുന്ന ആളുകള്‍ വന്നു അച്ഛനോട് കാശ് വാങ്ങി കൊണ്ടു പോകുന്നത് കണ്ടു. ചുവന്നവണ്ടിയില്‍ കയറി അവര്‍ പോയപ്പോള്‍ എനിക്ക് ടാറ്റാ തന്നു. എനിക്ക് ഒന്നും മനസിലായില്ല. ആ വണ്ടി എന്തിന്വന്നെന്നോ അവിടെ എന്തായിരുന്നു പ്രശ്നം എന്നോ. കാലം കടന്നു പോയപ്പോള്‍ മനസിലായി അന്നത്തെ ആസംഭവം ഒന്നു കൂടെ ഞങ്ങളുടെ ഗ്രാമത്തിന്റെ ചരിത്രത്തില്‍ എന്റെ സ്ഥാനം ഊട്ടിയുറപിച്ചു എന്ന്. ഗ്രാമത്തില്‍ആദ്യമായി ഫയര്‍ ഫോര്സും ഫയര്‍ എന്‍ജിനും വന്നത് ഞാന്‍ കാരണം ആണത്രേ!! പിന്നീട് ഇന്നു വരെ ശാന്തസുന്ദരമായ ഗ്രാമത്തിലൂടെ കടന്നു പോയതല്ലാതെ അവിടെക്കായിട്ടു ഒരു ഫയര്‍ എഞ്ചിന്‍ വന്നിട്ടില്ല...എന്റെ ഓരോകാര്യങ്ങളെ... ഗ്രാമത്തില്‍ അങ്ങനെ മറ്റൊരു വടക്കന്‍ പാട്ടുണ്ടായി അതിലെ നായിക ഞാന്‍ ആയിരുന്നു

ഏട്ടന്മാര്‍ക്കും ചേച്ചിമാര്ക്കും കിട്ടിയതിന്റെ കഥ ഞാന്‍ പറയണില്ല . നല്ലത് കിട്ടി.. എനിക്ക് എന്റെ വെള്ളത്തില്‍പോയ ചെരിപ്പും കിട്ടി.ഫയര്‍ ഫോര്സുകാര്‍ വരേണ്ടി വന്നു എന്ന് മാത്രം. പിന്നീട് ഒരിക്കലും അച്ഛനും അമ്മയുംഎന്നെ ആരെയും ഏല്‍പ്പിച്ചിട്ട് എങ്ങും പോയിട്ടില്ല .

മീന ചൂടിലെ ഉറവ

2009-02-23T23:22:00.000-08:00

ചെറുപ്പത്തില്‍ നന്നേ വികൃതിയും അത്യാവശ്യം തോന്നിവാസങ്ങളും പിന്നെ ചില്ലറ തല്ലുകൊള്ളി തരങ്ങളും ഒക്കെ എന്റെ കൈ മുതല്‍ ആയിരുന്നു. ഞങ്ങള്‍ അഞ്ചു മക്കള്‍ ആണ് . ഞാനാണ് അതിലെ അവസാന കണ്ണി . മൂത്തവരുംആയി അത്യാവശ്യം പ്രായവ്യത്യാസവും പിന്നെ പോരാത്തതിന് ഇളയസന്താനം എന്ന മേലങ്കിയും എന്റെ കുത്തകആയിരുന്നു . എന്റെ വീട്ടിലെ മാത്രം ഇളയ സന്താനം അല്ല ഞാന്‍ ..അച്ഛന്റെ ഒന്‍പതു സഹോദരങ്ങളുടെയും മക്കളില്‍ഞാന്‍ ആണ് ഇളയത്.. അതുകൊണ്ട് ആ സ്ഥാന മഹിമ ഇത്തിരി വില കൂടിയതാണ് . അന്നും ഇന്നും.. എന്തിനുംവീഴ്ത്തുന്ന കള്ള കണ്ണുനീര്‍ തുള്ളിയും (എന്റെ കണ്ണീരിനു പൂക്കണ്ണീര്‍ എന്നാണ് വീട്ടില്‍ പറയുന്നതു) കരച്ചിലിന്റെപാശ്ചാത്തല സംഗീതവും ആയി ഞാന്‍ എന്റെ ആവശ്യങ്ങള്‍ എല്ലാം നേടി എടുത്തു കൊണ്ടിരുന്നു. എവിടെയെങ്കിലും "നോ" എന്ന ആന്‍സര്‍ വന്നാല്‍ ഞാന്‍ എന്റെ കണ്ണീര്‍ കരി മരുന്ന് അങ്ങ് പ്രയോഗിക്കും .പിന്നെ തൊള്ള തൊറന്നുകൂവാനുള്ള ശക്തി എപ്പോളും എന്റെ ശബ്ദത്തിനും ഉണ്ടായിരുന്നു.അതുകൊണ്ട് എവിടെ നിന്നെന്കിലും എനിക്ക്ശുപാര്‍ശയും ആയി ഒട്ടനവധി പേര്‍ വരും.അല്ലെങ്കില്‍ ആരേലും വിളിച്ചു കൂവും പാറുനെ കരയിക്കല്ലേ .കൊച്ചുകുഞ്ഞല്ലേ അത് .പാറു കരയണത് മുത്തശി കേട്ടാല്‍ നിങ്ങള്‍ക്കൊക്കെ കിട്ടും.പിന്നെ മനസ്സില്‍ എന്നെ ചീത്ത വിളിച്ചുഅവര്‍ മനസില്ല മനസോടെ എന്റെ കാര്യം സാധിച്ചു തരും . ഇതായിരുന്നു എന്റെ ചെറുപ്പകാലം.മുത്തശി ഒരു നല്ലതണല്‍ മരം ആയിരുന്നു എനിക്ക് .
വീട്ടില്‍ അച്ഛനു കുറെ നിലവും കൃഷിയും ഉണ്ട് .എല്ലാ വിധ കൃഷികളും ഇറക്കാന്‍ പറ്റിയ ഭൂമി ആണ്ഉള്ളത്.അതുകൊണ്ട് വീട്ടില്‍ എന്നും ഒരു എട്ടു പത്ത് പേര്‍ പണിക്കാര് ആയി ഉണ്ടാകും. ചെറുപ്പം മുതല്‍ക്കേ ആ കാഴ്ചകണ്ടാണ്‌ വളര്‍ന്നത്‌.അച്ഛന്റെ ഫുള്‍ ശ്രദ്ധയും എപ്പോളും കൃഷിയില്‍ ആയിരുന്നു.പക്ഷെ വേനല്‍ക്കാലംആവുമ്പോഴേക്കും നല്ല പോലെ വരള്‍ച്ച വരും .നാട്ടില്‍ മൊത്തം വെള്ളം ഇല്ലാത്ത അവസ്ഥ. പത്തിരുപതു വര്ഷംമുന്നേ അവിടെ ഒരു കനാലോ അല്ലെങ്കില്‍ വെള്ളം എത്തിക്കുന്നതിനുള്ള മറ്റു മാര്‍ഗങ്ങളോ ഇല്ലായിരുന്നു. ഞങ്ങള്‍താമസിക്കുന്നത് തറവാട്ടില്‍ ആണ്.തറവാട് എന്ന് പറയുമ്പോള്‍ ഒരു വലിയ വീടും പിന്നെ കുറെ ഏറെ സ്ഥലവും .
വേനല്‍ക്കാലം ആയാല്‍ പിന്നെ വീട്ടില്‍ അച്ഛനും അമ്മയും ഒരു തുള്ളി വെള്ളം പോലും കളയാന്‍ സമ്മതിക്കില്ല.ടാപ്പ്ഒക്കെ തുറന്നു വെള്ളം കളഞ്ഞാല്‍ അച്ഛന്റെ കൈയ്യില്‍് നിന്നു പുളിവാറിനടിയും പിന്നെ അമ്മയുടെ കയ്യില്‍ നിന്നുംനല്ല ശകാരവും കിട്ടും. അതിനുള്ള കാരണം എന്താച്ചാല്‍ വീട്ടിലെ കിണറിനെ ആണ് ഒരു പത്ത് അമ്പതു വീട്ടുകാര്‍ഈ വേനല്‍ക്കാലത്ത് വെള്ളത്തിനുള്ള ഏക ആശ്രയം ആയി കാണണത് .എല്ലാവരും കുടിക്കാനും പാചകത്തിനുംഎല്ലാം ഈ കിണറ്റിലെ വെള്ളം മാത്രമെ ഉപയോഗിക്കു. വേറെ ഒരു കിണറ്റിലും കുംഭ മാസം മുതല്‍ വെള്ളംകാണില്ല. ഉള്ള വെള്ളം മിക്കപ്പോളും കലങ്ങി പോകുകയും ചെയ്യും.

ആ കിണറിനു നല്ല പ്രായം ഉണ്ട് . എന്റെ മുതു മുത്തച്ഛന്റെ അച്ഛന്‍ പണിത കിണറാണ്.അതില്‍ ഉറവ മൂന്നെണ്ണംഉണ്ട്.നല്ല വേനല്‍ക്കാലത്ത് ഈ മൂന്നുറവകളില്‍്നിന്നും വെള്ളം പനിച്ച് ഇറങ്ങുന്നത് കാണാം . കിണറിനും അത്രആഴം ഇല്ല.പാറ ഇടുക്കില്‍ നിന്നും എപ്പോളും വെള്ളം വീഴും .നല്ല തണുത്ത വെള്ളം . അതില്‍് നിന്നും ചുമ്മാ കോരികുടിക്കും ഞങ്ങള്‍ .അത്ര തണുപ്പും സ്വാദും ആണ് ആ വെള്ളത്തിനു .(ഇപ്പോള്‍ സ്ഥിരം ആയി കാശു മുടക്കി വെള്ളംവാങ്ങുമ്പോള്‍ മനസില്‍ തോന്നും ആ വെള്ളം ഇത്തിരി കുടിക്കാന്‍ കിട്ടിയിരുനെങ്കില്‍ എന്ന്).ചിലദിവസങ്ങളില്‍കിണറിന്റെ ചുറ്റും ഉള്ള ആളുകളുടെ നിര അത്രക്കുണ്ട് .ഏതാണ്ട് മാവേലി സ്റ്റോറിന്റ്റെ മുന്നില്‍ മണ്ണെണ്ണ വാങ്ങാന്‍ ഉള്ള ക്യു . വേനല്‍ക്കാലം തുടങ്ങിയാല്‍ വീട്ടില്‍ വെള്ളത്തിന്റെ ഉപയോഗം ഭയങ്കര ചിട്ടയില്‍ ആണ് . പാതിരാത്രിക്ക്‌എപ്പോളെങ്കിലും അച്ഛന്‍ എണീറ്റ്‌ ഒരു പത്ത് മിനിറ്റു വെള്ളം അടിച്ചിടും.പിന്നെ പകല്‍ ഒന്നും വെള്ളം ടാന്കിലേക്ക് അടിക്കില്ല .പിറ്റേ ദിവസവും ഈ സമയത്തു തന്നെ ആണ് വെള്ളം ടാന്കിലേക്ക് അടിച്ചിടുക. പകല്‍ സമയത്ത് ഉണ്ടാകുന്ന വെള്ളം മുഴുവന്‍ കോരുകര്‍ക്ക് ഉള്ളതാണ്. രാവിലെ ഒരു അഞ്ചു മണി തൊട്ടു വയ്കിട്ടു ഒരു പത്ത് മണി വരെ കിണറ്റിലെ കപ്പി കറങ്ങുന്ന ഒച്ച കേള്ക്കാം ആ സമയത്ത് രണ്ടു കിലോ മീറ്റര്‍ ദൂരെ ഉള്ള പാടത്ത് മാത്രമെ കൃഷി എന്തെങ്കിലും ഉണ്ടാകു. അവിടെ വെള്ളം കിട്ടാന്‍ വലിയ ഒരു കുളം ഉണ്ട് .ആ വെള്ളം പാടത്തെ കൃഷിക്ക് ഉപയോഗിക്കും .

ആയിടക്കു ഒരു മീനച്ചൂടില്‍ വീട്ടിലെകിണറിന്റെ സ്ഥാനം കണ്ട പഴയ സ്ഥാനക്കാരന്റെ പുതു തലമുറക്കാരന്‍(കൈമള്‍ മാഷ്) വീട്ടില്‍ വന്നു. വളരെനാളുകള്‍ക്കു ശേഷം അദ്ദേഹം വീട്ടില്‍ വന്നത് തന്റെ മുന്പേ ഉണ്ടായ തലമുറക്കാര്‍ പണിത കിണറു കാണാന്‍ വേണ്ടിഒന്നും അല്ല്ല . ആ കുടുംബവും ആയി മായാത്ത ഒരു ബന്ധം മുതുമുത്തച്ചന്‍ മുതല്‍ നിലനിന്നു പോരുന്നതാണ്. എന്തായാലും അദ്ദേഹം സകുടുംബം ആണ് എത്തിയത് . ഓണത്തിനും വിഷുവിനും കൊയ്ത്തിന്റെ സമയത്തും ഒക്കെ ഒരുക്കാറുള്ള സദ്ദ്യ തന്നെ അവര്‍ക്കുവേണ്ടി അമ്മ ഒരുക്കി .അച്ഛന്റെ കൂടെ മുറ്റത്തിറങ്ങി കൊച്ചു വര്‍ത്തമാനങ്ങള്‍ പറഞ്ഞു നടന്നപ്പോള്‍ വെള്ളത്തിനു നേരിടുന്ന ബുദ്ധിമുട്ടുകള്‍ പറഞ്ഞു .അപ്പൊ അച്ഛനോട് അദ്ദേഹം ചോദിച്ചു ഒരെണ്ണം കൂടി സ്ഥാനം നോക്കി കുത്തിയാലോ എന്ന് . അച്ഛന്റെ മനസിലും ഈ ചിന്ത ഉണ്ടായിരുന്നു കാരണം കൃഷിക്ക് വെള്ളം തികയുന്നില്ല .

അപ്പൊ പുതിയതൊന്നു കുത്തിയാല്‍ വെള്ളം തികയും എന്ന ചിന്തയില്‍ കൈമള്‍മാഷിനോട് സ്ഥാനം നോക്കാന്‍ സമയം കുറിപ്പിച്ചു . പക്ഷെ ഒരു പുരയിടത്തില്‍ രണ്ടു കിണര്‍ പറ്റില്ല.ഇപ്പോള്‍ ഉള്ള കിണര്‍ മൂടണം അല്ലെങ്കില്‍ വേറെ പുരയിടം വേണം . ഈ കിണര്‍ മൂടിയിട്ട് ഒരു സാഹസം അച്ഛനും മാഷിനുംആലോചിക്കാന്‍ പറ്റില്ല. അന്ന് വൈകുന്നേരം തന്നെ നല്ല സമയം ഉണ്ടെന്നും പറഞ്ഞു വൈകുന്നേരം തന്നെ പറമ്പ് മുഴുവന്‍ ചുറ്റി .അവസാനം സ്ഥാനം കണ്ടു..അച്ഛന്‍ ആയിടക്കു വാങ്ങിയ ഒരു പറമ്പില്‍ കിണറു കുത്തുന്നതിനു കുഴപ്പം ഇല്ല എന്ന് മനസിലാക്കി . എന്നിട്ട് അവിടെ കല്ലും വെച്ചു സ്ഥലം തെളിച്ചു വെച്ചു. മഴ പെയ്തു ഭൂമി തണുത്തിട്ടൂ കുഴി എടുത്താല്‍ മതി എന്ന് പറഞ്ഞു കൈമള്‍ മാഷ് പൊയി.

അങ്ങനെ എന്റെ മനസ്സില്‍ ഉറവയും കിണറു കുഴിക്കുന്നത് എല്ലാം പതിഞ്ഞു. കൂടുതല്‍ വിവരങ്ങള്‍ പല ഇടങ്ങളില്‍ നിന്നായി ശേഖരിച്ചു .പണ്ടേ പൊതു വിജ്ഞാനം ഉണ്ടാക്കാന്‍ എനിക്ക് ഭയങ്കര ഇന്റെറെസ്റ്റ് ആയിരുന്നു.. വലിയ കുഴി കുഴിച്ചു താഴെ എത്തുമ്പോള്‍ വെള്ളം ചീറ്റി വരും . ഒത്തിരി ദിവസം കൊണ്ടേകുത്തി തീരു എന്നെല്ലാം എനിക്ക് മനസിലായി.. അറിവെല്ലാം കിട്ടി ഞാന്‍ ദിവസങ്ങള്‍ നോക്കി ഇരുന്നു.പണിതുടങ്ങണത് കാണാന്‍ വേണ്ടി.കാരണം പണി ഉള്ള ദിവസങ്ങള്‍ വീട്ടില്‍ ഉത്സവം പോലെ ആണ്. പണിയാന്‍ വരുന്നവരുടെ പിള്ളേര്‍ എല്ലാം വരും . എനിക്ക് കളിക്കാന്‍ കൂട്ടും കിട്ടും.

അങ്ങനെ ഒരു ദിവസം എന്റെ മൂത്ത സഹോദരങ്ങള്‍ എല്ലാം കൂടി തൊങ്കി കളിച്ചു കൊണ്ടിരിക്കുമ്പോള്‍ ഞാനും ചെന്നു എന്നെ കൂട്ടിയില്ല (കാരണം എന്നെ കൂട്ടിയാല്‍ എപ്പോ കളി അലമ്പാക്കി എന്ന് ചോദിച്ചാല്‍ മതി.പിന്നെ ഞാന്‍ വലിയ ഒരു ന്യൂസ് എജെന്ട് കൂടി ആണ് .എന്തെങ്കിലും ഒരു തുമ്പ് കിട്ടിയാല്‍ അമ്മക്ക് കൊണ്ടു പൊയ്കൊടുക്കും . അത് കൊണ്ടു ഒരിക്കലും അവരെന്നെ കൂട്ടത്തില്‍ കൂട്ടില്ല . )ഞാന്‍ കരഞ്ഞു കൊണ്ടു അമ്മേടെഅടുത്തുചെന്നു. വൈകുന്നേരം മുത്തശിനേം അച്ഛനേം കൂട്ടി അമ്മേം ഞാനും ഒക്കെ ആയി കളിക്കാം എന്ന് അമ്മ സമാധാനിപ്പിച്ചു . ഇതു വെറും സമാധാനം ആണ് അല്ലാതെ അച്ഛനും അമ്മേം മുത്തശിയും ഒന്നും ഇന്നേ വരെ എന്റെകൂടെ കളിയ്ക്കാന്‍ വന്നിട്ടും ഇല്ല..

അമ്മ പറഞ്ഞാല്‍ എനിക്ക് ഒരിത്തിരി അനുസരണ ഉണ്ട്. ഞാന്‍ പുറത്തേക്ക് പോയി തനിയെ ഇരുന്നു കഞ്ഞിയും കറിയും കളിച്ചു .അവിടെ ഉള്ള എല്ലാ തോര്ത്തുകളും കൂട്ടി കെട്ടി സാരി ഒക്കെ ചുറ്റിയാണ്‌ കളിക്കണതു. പിന്നെ തന്നെത്താന്‍ ഓരോന്നും മനസ്സില്‍ സങ്കല്‍പ്പിച്ചു ഉറക്കെ വര്‍ത്തമാനങ്ങള്‍ ഒക്കെ പറയുംചിലപ്പോ ചേട്ടനും മറ്റും മാറിയിരുന്നു ഇതെല്ലാം കേട്ടു കളിയാക്കും .അങ്ങനെ വല്ലതും സംഭവിച്ചാല്‍ പിന്നെ അന്ന്‍ വീട്ടില്‍ മാമാങ്കം ആയിരിക്കും . കഞ്ഞിയും കറിയും കളിച്ചു മടുക്കുമ്പോള്‍ അമ്മയും കുഞ്ഞും കളിക്കും. അങ്ങനെ പലതും.

അന്ന് തനിയെ ഇരുന്നു എല്ലാം കളിച്ചു മടുത്തപ്പോള്‍ വെറുതെ കുറെ നടന്നു .അങ്ങനെ വീട്ടിലെ പണി ആയുധങ്ങള്‍എല്ലാം ഇരിക്കുന്ന ആ ഭാഗത്ത് ചെന്നു.പണിപ്പുര എന്നാണ് ഞങ്ങള്‍ പറയാറ്‌ . അത് എപ്പോളും പൂട്ടി ഇടാറണ് പതിവു. പക്ഷെ പതിവിനു വിപരീതം ആയി അത് തുറന്നു കിടക്കുന്നു .ഞാന്‍ അകത്തു കയറി .ചുറ്റും നോക്കി . പലതും കണ്ണില്‍ പെട്ടു. പക്ഷെ ഒന്നും എനിക്ക് പറ്റിയതില്ല. അപ്പോളാണ് പെട്ടന്ന് അവിടെ ഇരിക്കണ കുഞ്ഞി തൂമ്പ എന്റെ കണ്ണില്‍ പെട്ടത്. ചേട്ടന്‍ കുഞ്ഞായിരുന്നപ്പോള്‍ ചേട്ടന് വാസുചേട്ടന്‍ പ്രത്യേകം പണിതു കൊടുത്താണ് . തൂമ്പ എന്നെ പതിയെ മാടിവിളിച്ചു ഞാന്‍ ചെന്നു എടുത്തു നോക്കി അധികം ഭാരം ഒന്നും ഇല്ല . അത് കാച്ചിച്ചു വെച്ചിട്ടുണ്ട്..അച്ഛന്‍ ഇടക്ക് എല്ലാആയുധങ്ങളും കാച്ച്ചിക്കാന്‍ കൊടുക്കുമ്പോള്‍ ഈ തൂമ്പയും കൊടുക്കും. ഞാന്‍ പണി ആയുധവും ആയി നേരെ പറമ്പിലേക്ക് ഇറങ്ങി. എന്തായാലും കിട്ടിയ ആയുധം ഒന്നു പരീക്ഷിക്കാന്‍ തീരുമാനിച്ചു. നേരെ കൈമള്‍ മാഷ്‌ കിണറിനു സ്ഥാനം കണ്ട ദിശയിലേക്ക് വണ്ടി വിട്ടു .

ഇവിടുത്തെ പണിക്കാരെല്ലാം തോളില്‍ തൂമ്പ വെച്ചു തലയില്‍ തോര്‍ത്ത് കെട്ടിയാണ് പണിയാന്‍ പോകാറ് .അതെ രീതിയില്‍ ഞാനും സാരി മാറ്റി തോര്‍ത്ത്‌ തലയില്‍ കെട്ടി തൂമ്പ തോളത്തു വെച്ചു കിണറിനു സ്ഥാനം കണ്ട സ്ഥലത്തെത്തി. മാഷ്‌ വെച്ച കല്ലൊന്നും ഞാന്‍ കണ്ടില്ല . പക്ഷെ ഞാന്‍ ഒരു ഊഹം വെച്ചു കുഴി കുത്താന്‍തുടങ്ങി..ഒന്നു രണ്ടു മൂന്നു അങ്ങനെ ഒരു അഞ്ചാറു കുത്ത് കുത്തിയപൊളേക്കും മണ്ണിനു ചെറിയ നനവ് തോന്നി.. ഓഹോ അപ്പൊ മാഷ്‌ പറഞ്ഞ സ്ഥലം ഇതു തന്നെ മനസ്സില്‍ പറഞ്ഞു രണ്ടു കുത്തും കൂടി കുത്തി...ദാ നോക്ക് വെള്ളംമുകളിലേക്ക് ചീറ്റുന്നു. എനിക്ക് കണ്ണുകളെ വിശ്വസിക്കാന്‍ ആയില്ല.. ഞാന്‍ തൂമ്പ എറിഞ്ഞിട്ടു ഓടി.. ഉറവ കണ്ടേ ഉറവ എന്ന് കൂവി കൊണ്ടു പാഞ്ഞു .. ഞാന്‍ പാഞ്ഞു വരണത് കണ്ടു അമ്മ അകത്തു നിന്നും ഇറങ്ങി വന്നു എന്നാപറ്റിയെ വല്ലോ പാമ്പിനെയോ മറ്റോ കണ്ടു പെടിച്ചതാണോ എന്ന് ചോദിച്ചു.. അപ്പോ ഉറവ്കണ്ട വിവരം പറഞ്ഞു എന്നത് ഉറവയോ? അമ്മ ഞെട്ടി . അമ്മ ഏട്ടനെ വിളിച്ചു അച്ഛന്റെ അടുത്തേക്ക് ഓടിച്ചു വിട്ടു .. . . . ചേട്ടന്‍ അച്ഛനോട് കാര്യം പറഞ്ഞു..

എവിടെ നിന്നോ അച്ഛന്‍ പോത്ത് കുത്തിയ രീതിയില്‍ പാഞ്ഞു വന്നു .ആ പെണ്‍കൊച്ച് പൈപ്പ് പൊട്ടിച്ചിട്ടാണ് വന്നിരിക്കുന്നത്. വേഗം ടാന്കില്‍ നിന്നുള്ള മെയിന്‍ പൈപ്പ് പൂട്ട് എന്ന് പറഞ്ഞു അച്ഛന്‍ ഞാന്‍ ഉറവ കണ്ടസ്ഥലത്തേക്ക് എന്തെല്ലാമോ എടുത്തു കൊണ്ടു ഓടി .ചേട്ടനും പുറകെ ചെന്നു ....( NB: ഇന്നത്തെ കാലത്ത് ഒരു ഉപകാരം ആര്ക്കും ചെയ്യരുത്).. അപ്പോളേക്കും ടാന്കിലെ വെള്ളം മൊത്തം തീര്‍ന്നിരുന്നു..അമ്മ പറഞ്ഞു അച്ഛന്‍തിരിച്ചു വരുമ്പോ കിട്ടും. .ഞാന്‍ അവിടെ ഇരുന്ന പുളിവാറില്‍ നോക്കി.. അത് എന്നെ നോക്കി ചിരിക്കുന്നത് പോലെതോന്നി..അമ്മ എന്നെ മുത്തശിയുടെ കൂടെ ഇരുത്തി . അച്ഛന്‍ ഒരു വിധത്തില്‍ വേറെ പൈപ്പോക്കെ ഇട്ടു എല്ലാംശെരിയാക്കി വന്നു.

അച്ഛന്‍ എന്നെ അന്വേഷിച്ചു .അമ്മ പറഞ്ഞു ഞാന്‍ ഉറങ്ങി എന്ന്. പക്ഷെ അച്ഛന്‍ നേരെ മുത്തശിയുടെ മുറിയില്‍ വന്നുഎന്നെ തൂക്കി എടുത്തുകൊണ്ടു പൊയ്. പതിയെ പുളിവാര്‍ എടുത്തു എന്നിട്ട് അച്ഛന്‍ എന്തോ കോമഡി സിനിമകണ്ടമാതിരി ചിരിച്ചു.ഞാന്‍ വിചാരിച്ചു തോട പൊട്ടും എന്ന് .അച്ഛന്‍ അമ്മയോട് ചോദിച്ചു ഇതിനെ എന്നാചെയ്യണ്ടത്?? ആരും ഒന്നും പറഞ്ഞില്ല ..എല്ലാവരും ചിരിച്ചു. അപ്പൊ മുത്തശി വന്നിട്ട് അച്ഛനോട് പറഞ്ഞു. നിന്റെകൈയ്യില്‍ ആണ് തെറ്റ് .പണിപ്പുര അടക്കാതെ പൊയട്ടല്ലേ കുട്ടി അതില്‍ കേറിയത്. അവിടെ ഇരുന്ന വെല്ലതുംഅതിന്ടെ തലയില്‍ വീണായിരുന്നെങ്കിലോ?ആ തൂമ്പ കാലിലെങ്ങാനും കൊണ്ടിരുന്നെങ്കിലോ?മുത്തശി ദേഷ്യപെട്ടുകേറി പൊയി.അച്ഛന്‍ പുളിവാര്‍ അമ്മേടെ കയ്യില്‍ കൊടുത്തു.എന്നിട്ട് എന്നെ എടുത്തു മടിയില്‍ ഇരുത്തി ..എന്നിട്ട് വീണ്ടും ചിരിച്ചു .എന്നാലും എന്റെ കൊച്ചു മീന മാസത്തില്‍ തന്നെ ഉറവ കണ്ടല്ലോ എന്ന് പറഞ്ഞു വീട്ടില്‍ കൂട്ട ചിരി.മാഷിനെ എന്തായാലും വിവരം അറിയിക്കണം . എനിക്ക് മനസിലായി ഞാന്‍ ചെയ്തത് വലിയ കാര്യം ആണെന്ന്. അന്നുവെള്ളം കിണറ്റില്‍ ഉണ്ടായതു വീണ്ടുംവീട്ടിലേക്ക് എടുത്തു. വെള്ളം കോരുകാര്‍ വന്നപ്പോ വെള്ളം ഇല്ല. അമ്മ കാര്യം പറഞ്ഞു. എല്ലാവരും എന്നെ നോക്കിഎന്നാലും എന്റെ പാറൂട്ടിയെ എന്നും പറഞ്ഞു ചിരിച്ചു കൊണ്ടു കലവും കുടവും എല്ലാം കിണ്റ്റിന്‍് കരയില്‍ വെച്ചു അവര്‍ പോയി ..അങ്ങനെ ഞാന്‍ നാട്ടിലും ഭയങ്കര ഹിറ്റ് ആയി.. പിന്നെ ഒരു രണ്ടുമണിക്കൂര്‍ കഴിഞ്ഞപ്പോളെക്കും കിണറ്റില്‍ പഴയ പോലെ വെള്ളം ആയി . അവര്‍ വന്നു വെള്ളം കോരിക്കൊണ്ട്പൊയി..

പിറ്റേന്ന് അച്ഛന്‍ ഒരു മേസ്തിര്യെ വിളിച്ചു ഞാന്‍ കുഴിച്ച ഭാഗം മുഴുവന്‍ സിമെന്റും ഇഷ്ടികയും കല്ലും എല്ലാം വെച്ചു പണിയിച്ചു .താഴെ ഉള്ള പറമ്പിലേക്ക് വെള്ളം പമ്പ് ചെയ്യാന്‍ ഇട്ട വലിയ പൈപ്പ് ആണ് ഞാന്‍ കുത്തി പൊട്ടിച്ചത്. ഇനി ആരും അവിടെ ഉറവകാണരുത് എന്ന ഉദ്ദേശ്യത്തോടെ അച്ഛന്‍ അവിടെ എല്ലാം നല്ല രീതിയില്‍ പൊക്കിപണിയിപ്പിച്ചു .

ഈ കഥ ഞാന്‍ മറന്നിരുന്നു .പണ്ടു ഇടയ്ക്ക് ആരെങ്കിലും പറയും ആയിരുന്നു..പിന്നെ എല്ലാരും മറന്നു..പക്ഷെ എന്റെകല്യാണം കഴിഞ്ഞു ഞങ്ങള്‍ വീട്ടില്‍ വന്നപ്പോള്‍ അച്ഛനും ഏട്ടനും കൂടി എന്റെ ഭര്ത്താവിനോട് എന്റെ വീരകഥകള്‍പറയുന്ന കൂട്ടത്തില്‍ മീന മാസത്തില്‍ ഞാന്‍ കണ്ട ഉറവയെ കുറിച്ചും പറഞ്ഞു . ഉറവ കണ്ട സ്ഥലം എല്ലാം കൊണ്ടുപൊയി കാട്ടി.അവസാനം ഭര്‍ത്താവും പൊട്ടി ചിരിച്ചു . ഞാന്‍ വീണ്ടു ചമ്മി .

പിഴച്ച കണക്കു കൂട്ടലുകളിലേക്ക് വീണ്ടും ഒരു എത്തി നോട്ടം

2009-02-11T03:17:00.000-08:00

എന്റെ കഴിഞ്ഞ കുറെ കഥകളില്‍ പ്രീ ഡിഗ്രി ഓര്‍മ്മകള്‍ പങ്കുവെച്ച് , പരീക്ഷയും റിസള്‍ട്ട് എല്ലാം പ്രഖ്യാപിച്ചു.പക്ഷെ എഴുതിയ ബ്ലോഗുകള്‍ വായിച്ചപ്പോള്‍ രസകരമായ പലതും മറന്നിരിക്കുന്നു ."ഈശ്വരന്‍ മാരെ!!!! എന്താ കഥ .അതുകൊണ്ട് മറന്ന കഥകളിലേക്ക് ഒരു എത്തിനോട്ടം .എനിക്ക് അവിടെ കിട്ടിയ സൌഹൃദങ്ങളും അല്ലറചില്ലറ പാരകളും പിന്നെ ഇടയിലുള്ള ഇത്തിരി പോന്ന കുശുംബുകളും ഇമ്മിണി വലിപ്പം കൂടിയ തമാശകളും ഒക്കെഅടുത്ത ചില പോസ്ടുകളില്‍ എഴുതാം .

പ്രീ ഡിഗ്രിക്ക് ആ കോളേജില്‍ ചേരുമ്പോള്‍ സ്കൂളില്‍ ഉണ്ടായിരുന്ന പല സൌഹൃദങ്ങളും മാറ്റെണ്ടാതായും മറക്കേണ്ടാതയും വന്നു.എടുത്തു പറയേണ്ടത് എന്റെ "സു‌ര്യാച്ചിയെ" .അവള്‍ കുടുംബ സമേതം വേറെ എങ്ങോപോയി . അച്ചന് സ്ഥലം മാറ്റം കിട്ടി . പിന്നെ കത്തുകളിലൂടെ വിവരങ്ങള്‍ കൈ മാറിക്കൊണ്ടിരുന്നു .സ്കൂളില്‍ കൂടെഉണ്ടായിരുന്ന പലരും ഈ കോളേജില്‍ തന്നെ ഉണ്ട് പക്ഷെ ഞാന്‍ ഒഴികെ ബാക്കി എല്ലാവരും സെക്കന്റ് ഗ്രൂപ്പില്‍ആണ് ചേര്‍ന്നത്‌ . അവര്ക്കു ലാബ്‌ ഹൌര്സ് ഞങ്ങളെക്കാള്‍ കൂടുതല്‍ ഉള്ളതുകൊണ്ടും ഞങ്ങളുടെ ക്ലാസ്സുകള്‍മാത്ത്സ് ഡിപാര്ട്മെന്റിന്ടെ അടുത്ത് പി ജി ബ്ലോക്കില്‍ ആയിരുന്നതുകൊണ്ടും(ആണ്‍കുട്ടികള്‍ അധികം ഉള്ളത്കൊണ്ടു ടീചെര്സിന്റെ ഫുള്‍ കെയറും വേണമല്ലോ?) സെക്കന്റ് ഗ്രൂപ്പ് സൌഹൃദം സാധ്യം ആയിരുന്നില്ല . ഒരിക്കലുംഞങ്ങളുടെ ബ്ലോക്കില്‍ അവരെ പ്രതീക്ഷിക്കാനെ പറ്റില്ല .പത്ത് നൂറു ആണ്‍കുട്ടികള്‍ പഠിക്കണ ക്ലാസ്സിലേക്ക് വരാന്‍ഉള്ള ധൈര്യം അവര്‍ക്കില്ല .അവരെ വെല്ലപ്പോളും കണ്ടെങ്കില്‍ ആയി ഇല്ലെങ്കില്‍ ആയി. കാണുമ്പൊള്‍ ഒന്നുംപറഞ്ഞില്ലെങ്കിലും പഴയ സ്കൂള്‍ കഥ ഒറ്റവാക്കില്‍ പറയും "നമ്മള്‍ അവിടെ ആയിരുന്നെന്കില്‍ എന്തൊക്കെചെയ്യാമായിരുന്നു?എന്ത് രസം ആയിരുന്നു അവിടെ ?ഹൊ ഇവിടെ വന്നതില്‍ പിന്നെ ഒരു സ്വാതന്ത്ര്യവും ഇല്ല " കൂടെ ഒരു നെടുവീര്‍പ്പും " ഗേള്‍സ് ഒണ്‍ലി സ്കൂളില്‍ നിന്നു വന്നതിന്റെ ബുദ്ധിമുട്ടാണ് " "ഹും" എന്നാപറയാനാ......ഇപ്പോളും ആ നെടുവീര്‍പ്പ് ബാക്കിയാകുന്നു ഓര്‍ക്കുമ്പോള്‍ ...!!!!!..
പക്ഷെ ക്ലാസ്സില്‍ എനിക്കൊരു നല്ല കൂട്ടുകാരിയെ കിട്ടി .ക്ലാസ്സില്‍ പോകുന്നത് തന്നെ അവളുടെ കൂടെ വെടിഅടിച്ചിരിക്കാം എന്നോര്‍ത്ത് തന്നെ ആണ് . എന്റെ ബെഞ്ച്‌മേറ്റ്‌ പേരു അഞ്ജന. അവള്ക്ക് ക്ലാസ്സില്‍എല്ലാവരെയും അപേഷിച്ചു മാര്‍ക്ക് കുറവാണു . ഒത്തിരി കുറവൊന്നും ഇല്ല എണ്‍പതു ശതമാനത്തിനു ഒരു അഞ്ചുമാര്‍ക്ക് കുറവ് . ആരുടെയോ നല്ല ശുപാര്‍ശ വഴി കിട്ടിയ സീറ്റ് . ക്ലാസ്സില്‍ എത്തുമ്പോള്‍ എനിക്കു സീറ്റ് പിടിച്ചുനോക്കിയിരിക്കും അവള്‍. (ഇപ്പോളും ഈ കൂട്ടുകാരി എന്റെ പ്രിയ സുഹൃത്ത് തന്നെ ആയി തുടരുന്നു).എങ്ങനെ ഞങ്ങള്‍ കൂട്ടായി എന്ന് അറിയില്ലാ.രണ്ടാള്‍ക്കും വായടച്ചിട്ടു സമയം ഇല്ല. ഞങ്ങള്‍ രണ്ടാളും ദുഖങ്ങളുംസന്തോഷങ്ങളും പരസ്പരം പങ്കു വെയ്ക്കും . അവള്‍ വേറെ ഏതോ സ്ഥലത്താണ് ട്യുഷന് പോണത് അത് കൊണ്ടുഅവള്‍ നേരത്തെ ക്ലാസ്സില്‍ എത്തും .ഞാന്‍ വരുന്നതു കാത്തു അവള്‍ നോക്കിയിരിക്കും .ഞാന്‍ എത്തുമ്പോള്‍പറയാന്‍ കൈ നിറയെ വിശേഷങ്ങളും ഉണ്ടാകും .ഞങ്ങള്‍ രണ്ടാളും നല്ല വായാടികള്‍ ആണ്. അതായിരിക്കും ഒരുപക്ഷെ ഞങ്ങളെ പരസ്പരം അടുപ്പിച്ചത് . ഒത്തിരി വിശേഷങ്ങള്‍ പറയാന്‍ ഉള്ളതുകൊണ്ട് , ക്ലാസ്സില്‍ സാറ്പ്ലാറ്റ്ഫോമില്‍ കേറി നാടകം തുടങ്ങുമ്പോലെക്കും
ഞങ്ങള്‍ കുശു കുശു എന്ന് ഓരോന്നു തുടങ്ങും . കുറെ ഒക്കെ അവര്‍ കണ്ടില്ലാപെട്ടു നടിക്കും.ഇടക്കൊക്കെ തിരിഞ്ഞുനോക്കും. ചിലപ്പോള്‍ ഇറക്കി വിടും ,ചിലപ്പോള്‍ ചീത്ത പറയും, എണീപ്പിച്ചു നിര്‍ത്തും .എന്തായാലും രണ്ടുപേര്‍ക്കും ഒരു പോലെ ശിക്ഷ കിട്ടിയത് കൊണ്ടു ഞങ്ങള്‍ അത് ആവോളം ആസ്വദിച്ചു. അങ്ങനെ ദിവസങ്ങള്‍തള്ളി നീക്കി. അങ്ങനെ ഒരു സെപ്ടംബര്‍ അഞ്ചു വന്നു (" അന്ന് എന്റെ ഹാപ്പി ബെര്‍ത്ത് ഡേ ആണ് .ഹാപ്പിബെര്‍ത്ത് ഡേ ടു മി "). അന്ന് ഞങ്ങള്ക്ക് ഫസ്റ്റ് ഹൌര്‍ ഊര്‍ജതന്ത്രം ആണ്.രാവിലെ ട്യുഷന്‍ ക്ലാസ്സില്‍ നിന്നു നല്ല ഡോസ് കിട്ടിയിട്ടുണ്ട് . പിറന്നാള്‍ എന്റെ ആണല്ലോ അതുകൊണ്ട് സാറിന് എന്ത് വേണമെങ്കിലും പറയാന്‍ മടിവിചാരിക്കണ്ടല്ലോ?. ഒരു ഷര്‍ട്ടും ഒരു പാന്റും(ഞാന്‍ ആ കോളേജില്‍ ഉണ്ടായിരുന്ന രണ്ടു വര്ഷവും ആ വേഷത്തില്‍അല്ലാതെ സാറിനെ കണ്ടിട്ടില്ലാ .ഞങ്ങളുടെ പൂര്‍വിക സുഹൃത്തുക്കളും പറയുന്നു അവരും ഈ വേഷത്തില്‍ മാത്രമെസാറിനെ കണ്ടിട്ട് ഉള്ളു എന്ന് എന്തിന് എന്നേക്കാള്‍ പത്ത് വര്ഷം മുന്നേ പഠിച്ച എന്റെ ചേച്ചി ഉം പറഞ്ഞതു വെച്ചുനോക്കുമ്പോള്‍ ആ സാറിന് അന്നും ഇന്നും ഒരു പക്ഷെ എന്നും ഈ വേഷം മാത്രമെ ഉണ്ടാകൂ ..തുണിയുടെ ക്വാളിറ്റിഅപാരം ) പിന്നെ രണ്ടു മൂന്നു ഡോക്ട്രെറ്റും മാത്രം കൈ മുതലായുള്ള Dr.ചന്ദ്രപ്പന്‍ സര്‍ പാസ്കലിനെ പറ്റി പറയുന്നു . ഞങ്ങള്‍ രണ്ടാളും പിറന്നാള്‍ പ്രമാണിച്ചു ക്യാന്റീനില്‍ എന്തുണ്ട് എന്ന് ചര്‍ച്ചചെയ്യുന്നു .
സാര്‍ ഇങ്ങനെ എന്തെല്ലാമോ ബോര്‍ഡില്‍ എഴുതി കൂട്ടുന്നുണ്ട്
pressures Px in the x direction, Py in the y direction, and Ps normal to any plane inclined at any angle q to the horizontal at this point

Force due to Px = Px x Area ABEF = Pxdydസ
Horizontal component of force due to Ps = - (Ps x Area ABCD) sin(q) = - Psdsdz dy/ds = -Psdydz
As Py has no component in the x direction, the element will be in equilibrium, if
Pxdydz + (-Psdydz) = 0
i.e. Px = Ps ഇങ്ങനെ സാറ് എഴുതി കൊണ്ടേ ഇരുന്നു .സത്യം പറഞ്ഞാല്‍ ഞങ്ങള്‍ രണ്ടാളും ഒന്നും കേട്ടില്ലഒന്നും കണ്ടും ഇല്ല .

പക്ഷെ ഞങ്ങളുടെ കളിയും തമാശകളും സാറ് കാണുന്നുണ്ടായിരുന്നു . അവസാനം സഹികെട്ട് സാറ് അന്ജനയെപൊക്കി .എന്നിട്ട് സാറ് ചോദിച്ചു . വാട്ട് ഇസ് പാസ്കല്സ് ലോ ഓഫ് പ്രെഷര്‍ ? ആ ചോദ്യത്തിന് അവള്‍മനസ്സില്‍ എന്ത് പറഞ്ഞു എന്ന് അറിയില്ല . പക്ഷെ സാറിനെ ഒന്നു ചിരിച്ചു കാണിച്ചു. ഒന്നും ഉരിയാടാതെ . ആസമയം കൊണ്ടു ഞാന്‍ ബ്ലാക്ക് ബോര്‍ഡും ടെക്സ്റ്റും ബുക്കും എല്ലാം നോക്കി പാസ്കലിന്റെ ലോ കണ്ടു ജീവിതത്തില്‍ആദ്യമായ് . എന്നെ പൊക്കി . എന്നോടും അതെ ചോദ്യം

വാട്ട് ഇസ് പാസ്കല്സ് ലോ ഓഫ് പ്രഷര്‍ ?
ഞാന്‍ എനിക്ക് നിമിഷ നേരം കൊണ്ടു കിട്ടിയ അറിവ് വെച്ചു പാസ്കല്സ് ലോ പറഞ്ഞു .സര്‍ പറഞ്ഞു വെരി ഗുഡ് .

അപ്പൊ ശെരി.എല്ലാവരും കേള്‍ക്കട്ടെ ഒന്നു കൂടി ഉറക്കെ പറയു പാര്‍വതി കുറുപ്പ് . എല്ലാവരും അത് നോട്ട് ബുക്കില്‍എഴുത്. ഇങ്ങനെ വേണം കുട്ടികള്‍ ആയാല്‍ .ക്ലാസ്സില്‍ ശ്രദ്ധിച്ചില്ലെങ്കിലുംഎല്ലാം അറിയുന്നുണ്ട്. ( എനിക്ക് തന്നെ വളരെ മതിപ്പു തോന്നി) എന്നിട്ട് സാര്‍ ഒരു ചോക്കും എടുത്തു ഞാന്‍ പറഞ്ഞ പാസ്കല്സ് ലോ ബോര്‍ഡില്‍ പകര്‍ത്തി അതിന്റെ പൂര്‍ണ രൂപം മനസ്സില്‍ ഇല്ലെങ്കിലും ഏകദേശ രൂപം ഞാന്‍ എഴുതാം.
"Paskals law states that ,pressure change equally , in a confined ,other point , if apply you, will transmit,
Then all direction, pressure the, same pressure, when increase, pressure all pont".പറഞ്ഞപ്പോള്‍ . എനിക്കൊന്നും തോന്നിയില്ല . പക്ഷെ സാറ് ബോര്‍ഡില്‍ എഴുതിയത് കണ്ടപ്പോള്‍ ഞെട്ടി . ഞാന്‍ തന്നെ ഇത്രയും പറഞ്ഞതു എന്ന് മനസ്സില്‍ വിചാരിച്ചു നില്‍ക്കുമ്പോള്‍ സാറ് പറഞ്ഞു . ഈ വാക്കുകള്‍ എല്ലാം ഒന്നു ക്രമപ്പെടുത്താന്‍
എന്തൊരു അക്രമങ്ങള്‍ ആണ് ? .ഞാന്‍ ഒന്നും മിണ്ടിയില്ല ക്ലാസ്സില്‍ കൂട്ടച്ചിരി .
എന്നിട്ട് സാറ് എന്തെല്ലാമോ പറഞ്ഞു കളിയാക്കി. ഈ സെന്ടന്സുകള്‍ ഇംഗ്ലീഷ് ഗ്രാമര്‍ സാറിന് കൊടുക്കാം സെന്റെന്‍സ് മേക്കിങ്ങിനു പറ്റിയ ഉദ്ദാഹരണം .അദ്ദേഹത്തിനു ഈ വെല്ലു വിളി ഏറ്റെടുക്കാന്‍ പറ്റുമോ . എന്ന്നോക്കാം . ഞാന്‍ മനസ്സില്‍ പറഞ്ഞു" വെറുതെ അല്ല ഭാര്യ ഇങ്ങേര്‍ക്ക് ഒരു ഷര്‍ട്ട്‌ മാത്രം വാങ്ങികൊടുത്ത്‌ ഇങ്ങേരെഇട്ടേച്ചു അമേരിക്കക്ക് പോയത്".അവസാനം സാറ് പാസ്കല്സ് ലോ ബോര്‍ഡില്‍ എഴുതി ഒരു പ്രാവശ്യം .
ഞങ്ങള്‍ അത് പേപ്പറില്‍ എഴുതി ഒരു അഞ്ഞൂറ് പ്രാവശ്യം ചെറിയ ഒരു ശിക്ഷ അത്രയേ ഉള്ളു .

ഇതാണ് ഒര്‍ജിനല്‍ പാസ്ക്ല്സ് ലോ

Pascal's Law states that if you apply pressure to fluids that are confined (or can't flow to anywhere), the fluids will then transmit (or send out) that same pressure in all directions at the same rate.
അപ്പൊ മനസിലായി പാസ്കല്സ് ലോ ഇത്രയുമേ ഉള്ളു എന്ന് .ഞാന്‍ പറഞ്ഞതു മറ്റൊരു വെര്‍ഷന്‍.
ഓര്‍മയില്‍ ഒരിക്കലും പാസ്കല്സ് ലോ ഞാന്‍ മറക്കില്ല ഒരു പക്ഷെ പാസ്കല്‍ മറന്നാലും സാറ് മറന്നാലും...........

പിഴച്ച കണക്കു കൂട്ടലുകള്‍ തുടര്‍ച്ച(5)

2009-02-04T03:24:00.000-08:00

അങ്ങനെ എന്റെ രണ്ടുവര്‍ഷം എങ്ങനെഒക്കെയോ തീര്ന്നു . പ്രീ ഡിഗ്രി തീരാര്‍ ആയപ്പോളേക്കും എന്റെ ഭാവിഏകദേശം നല്ല ഒരു രൂപത്തില്‍ ഞാന്‍ വാര്‍ത്തെടുത്ത് വെച്ചു..അല്ല എല്ലാവരുംകൂടി വാര്‍ത്തു എടുപ്പിച്ചു ..അതിന് വേണ്ടി എല്ലാവരും എല്ലാവിധ സഹായ വാഗ്ദാനങ്ങളും നടത്തി.. ഏറ്റവും എടുത്തു പറയേണ്ടത് എന്റെസഹോദരങ്ങളുടെ തന്നെ സഹായ വാഗ്ദാനങ്ങള്‍ ആയിരുന്നു.. എല്ലാവരും പ്രീഡിഗ്രി കഴിഞ്ഞു എനിക്ക് പോകാന്‍ പറ്റിയ ഒരു ഭാവി പദ്ധതിയുടെ രൂപ രേഖ തയ്യാര്‍ ആക്കി... വേറെ ഒന്നും അല്ല ഈ പോക്ക് പോയാല്‍ പാറുനെ തയ്യല്‍ പഠിപ്പിച്ചു ,ഒരു സൈക്കിളില്‍ മീന്‍ കച്ചവടം നടത്തുന്ന ഏതെങ്കിലും ഒരുത്തനെ കൊണ്ടു കെട്ടിക്കുക.. (ദുഷ്ടന്‍മാര്‍ ഒരു ലൂണാക്കാരന്‍് മീന്കാരനെ പോലും എനിക്ക് വേണ്ടി കണ്ടു പിടിക്കാം എന്ന് പറഞ്ഞില്ലാ..)..
ചേച്ചിമാര്‍ പറഞ്ഞു അവരുടെ പഴയ തുണിയെല്ലാം തൈയ്യല്‍ പഠനത്തിനായി സംഭാവന ചെയ്യാം എന്ന് .. ചേട്ടന്‍ പറഞ്ഞു തൈയ്യല്‍ മെഷീന്‍ വാങ്ങിത്തരാം എന്ന്.." ഹൊ! എന്റെ ഈശ്വരാ !" എല്ലാവര്ക്കും എന്താ സ്നേഹം!! ഹും ഹും നടക്കട്ടെ ! .. അങ്ങനെ ഞാന്‍ മനസ്സില്‍ തയ്യല്‍ മെഷീനും ഹൃദയത്തില്‍ സൈക്കിളില്‍ വരുന്ന മീന്കാരനെയും സ്വപ്നം കണ്ടു തുടങ്ങി.. അതിനിടയില്‍ പ്രീ ഡിഗ്രി പരീക്ഷയും എന്ട്രന്‍സ് പരീക്ഷയും വന്നു.. ഞാന്‍ എഴുതി, എന്തെല്ലാമോ...
പ്രീ ഡിഗ്രി കണക്കു പരീക്ഷയുടെ അന്ന് പരീക്ഷ ഹാളില്‍ എങ്ങനെയോ ഞാന്‍ തല ചുറ്റി വീണു.. ഒരു അരമണിക്കൂര്‍ പരീഷാ എഴുതിയതിനു ശേഷം.. പിന്നെ എനിക്കൊന്നും ഓര്‍മയില്ല..കോളേജില്‍ നിന്നു ആരോ വണ്ടി വിളിച്ചു വീട്ടില്‍ കൊണ്ടു വന്നു വിട്ടു..പക്ഷെ ഇപ്പോളും ചില കിംവതന്തികള്‍ ഈ വിഷയത്തില്‍ നില നില്‍ക്കുന്നുണ്ട്‌.. ഞാന്‍ പരീക്ഷയുടെ ചോദ്യപേപ്പര്‍ കണ്ടു തലകറങ്ങി പോയതാണെന്ന്.. എന്ത് പറയാനാ ശത്രുക്കള്‍ക്ക് എന്തും പറയാലോ? സത്യത്തില്‍ ഞാന്‍ ചോദ്യപേപ്പര്‍ കണ്ടു തല കറങ്ങിയതാണോ? അതോ കറക്കിയതാണോ? ഞാനും മനസ്സില്‍ ചോദിച്ചു എന്നോട് തന്നെ.. അത് എന്തായാലും അങ്ങനെ തീര്ന്നു ... എന്നെ കണക്കു പഠിപ്പിച്ച സാര്‍ എനിക്ക് ശേഷം അവിടെ ട്യുഷന് വന്ന എല്ലാ കുട്ടികളോടും പറയും..."ഇങ്ങനെത്തെ പല ചോദ്യങ്ങളും പരീക്ഷക്ക്‌ ചോദിക്കും..നിങ്ങളുടെ സീനിയര്‍ സുഹൃത്ത് ചമ്മിയത് പോലെ ചോദ്യങ്ങള്‍ കണ്ടു ചമ്മരുത് .. ബോധം കെടരുത്‌ . മര്യാദക്ക് പഠിച്ചാല്‍ ബോധം പോകാതെ പരീക്ഷ ഹാളില്‍ നിന്നും ഇറങ്ങാം .. ബോധം കെടാന്‍ ഉള്ളവര്‍ ആരും ഇങ്ങോട് ട്യുഷന് വരണ്ടാ .. വെറുതെ ചമ്മരുത് എന്റെ കുട്ടികള്‍ .. സാര്‍ കൂട്ടി ചേര്‍ത്തു " .. ഞാന്‍ ചാരന്‍വഴി ഇതെല്ലം അറിഞ്ഞു കൊണ്ടിരുന്നു.. അപ്പോള്‍ മനസ്സില്‍ വിചാരിച്ചു എനിക്ക് മുന്പേ പഠിച്ച ആരെങ്കിലും ഒന്നു ബോധം കെട്ടിരുന്നെങ്കില്‍ എനിക്ക് ഇവിടെ ട്യുഷന് ചേരേണ്ടി വരില്ലാര്നല്ലോ എന്ന്...
എന്തായാലും പ്രവേശന പരീക്ഷക്ക്‌ തല ഒന്നും ചുറ്റിക്കാതെ പരീക്ഷ എഴുതി.. ഒരു പരിധി വരെ കറക്കി കുത്തലുകളും ഒഴിവാക്കി.. അങ്ങനെ അത് ഒരു വഴി ആക്കി .. എല്ലാ ഒട്ടങ്ങള്‍ക്കും അവിധി കൊടുത്തു ഒരു വേനല്‍ അവിധി കിട്ടി..
സൈക്കിളില്‍ "കൂയ് കൂയ് ... ചാള 10 അയല 10 ഏതെടുത്താലും 10" വിളികളും ആയി വരുന്ന മീന്കാരനും പുതിയ ഡിസൈനില്‍ ഞാന്‍ തുന്നിയ ഉടുപ്പുകളും സ്വപനം കണ്ടു ഒരു അവധി ... കൊള്ളാം..നല്ല രസം ഉണ്ട് ഇങ്ങനെ സ്വപനം കാണാന്‍ ...
അങ്ങനെ സ്വപനം കാണുന്നതിനിടയില്‍ എന്റെ എന്ട്രന്സിന്റെയും പ്രീ ഡിഗ്രിയുടെയും ഫലം പ്രഖ്യാപിച്ചു ... പ്രീ ഡിഗ്രിക്ക് 75% മാര്‍ക്ക് .. (ഈശ്വരാ അത് എന്റെ തന്നെ റിസള്‍ട്ട് ആണോ? അതെ എന്റെ തന്നെ എല്ലാവരും വിളിച്ചു പറഞ്ഞു അത് എന്റെ മാര്‍ക്ക് തന്നെയാണെന്നു..) കൂടെ ഞെട്ടിക്കുന്ന ഒരു വാര്‍ത്ത കൂടി കണക്കിന് പാറുവിനു വെറും 39% . അതുകൊണ്ട് മൊത്തം പെര്സേന്റാജ് 80% നഷ്ടപെട്ടു ..ഒരു 65 മാര്‍ക്ക് കണക്കിന് കട്ടി ഇരുന്നെങ്കില്‍ 80% പെര്സേന്റാജ് ആയേനെ .. ഇല്ല കിട്ടിയില്ല 39 മാര്‍ക്കാണ് കിട്ടിയിരിക്കുന്നത് ..തല ചുറ്റുമ്പോള്‍ ആലോചിക്കണം ? (ആരെങ്കിലും ഒക്കെ മനസ്സില്‍ മന്ത്രിച്ചു കാണുമോ ആവോ?) .. 50% മാര്‍ക്ക് ഇല്ല കണക്കിന് .. നടുക്കുന്ന മറ്റൊരു സത്യം ... എന്ട്രന്സിനു തരക്കേടില്ലാത്ത റാങ്ക്.. ബി-ആര്കിനും വേണമെന്കില്‍ കിട്ടും.. പക്ഷെ കണക്കിന് മിനിമമം മാര്‍ക്ക് ഇല്ല.. എല്ലാവര്ക്കും സങ്കടം .ഉര്‍ജതന്ത്രം രസതന്ത്രം ഗണിതശാസ്ത്രം എല്ലാ വിഷയങ്ങള്‍ക്കും തനിയെ തനിയെ 50% മാര്‍ക്കുവേണം ... "നോ ചാന്‍സ് നോ വേ റണ്‍ പാറു റണ്‍ " .കളി പറഞ്ഞവരുടെ ഒക്കെ ഉള്ളില്‍ വിഷമം.. പക്ഷെ എനിക്ക് മാത്രം ഒരു വിഷമവും ഇല്ല.. ഞാന്‍ ഇത്ര കൂടുതല്‍ മാര്‍ക്കൊന്നും സ്വപ്നം കണ്ടില്ല.. എന്റെ സാറ് വിളിച്ചു പറഞ്ഞു മോളെ പുനര്‍ മൂല്യനിര്‍ണയത്ത്തിനു അയക്കണം .എന്ട്രന്സിന്റെ റാങ്ക് വെച്ചു അയച്ചാല്‍ ശീഖ്രം റിസള്‍ട്ട് കിട്ടും എന്നൊക്കെ.... കൊടുത്തു പക്ഷെ മാര്‍ക്കില്‍ മാറ്റം ഒന്നും ഇല്ലാ..അങ്ങനെ രണ്ടു വര്‍ഷത്തെ ഓട്ടം പടിക്കല്‍ കൊണ്ടുപോയി കലം ഒടച്ചത് പോലെ ശുഭ പര്യവസാനിച്ചു ....
ഇന്നും അച്ചനും അമ്മയ്ക്കും ഒരു ദുഖം ആയി ആ കണക്കു പരീക്ഷ നില്ക്കുന്നു... ഞാന്‍ മറന്നാലും ഒരു പക്ഷെ അവര്‍ അത് മറക്കില്ല്ലാ..
എന്റെയും എന്റെ അച്ഛന്‍ അമ്മ എല്ലാവരുടെയും കണക്കു കൂട്ടലുകള്‍ അങ്ങനെ പിഴച്ചു പൊയ് ................ ഇനി പിഴക്കാത്ത ഓര്‍മകളും ആയി വീണ്ടും കാണാം ....

പിഴച്ച കണക്കുകൂട്ടലുകള്‍.....തുടര്‍ച്ച(4)

2009-01-08T22:20:00.000-08:00

വീണ്ടും പഴയ അങ്ങോട്ടേക്ക് തന്നെ തിരിച്ചു വരാം..... എന്ട്രന്‍സ് കോച്ചിങ് ക്ലാസ്സുകള്‍ അമ്മാതിരി മുന്നോട്ടു പോയികൊണ്ടിരുന്നു ... ഒരു രക്ഷയും ഇല്ല... അങ്ങോട്ടും ഇല്ല..ഇങ്ങോട്ടും ഇല്ല... നായ നടുക്കടലില്‍ എത്തിയ അവസ്ഥ..... പലരും പറഞ്ഞു കേട്ടിട്ടുള്ള ഒരു വര്‍ണന.. പക്ഷെ നക്കികുടിക്കാനും പറ്റുന്നില്ല.... ഉപ്പ് വെള്ളം കുടിച്ചുള്ള ശീലവും ഇല്ല.. ഇതാണ് എന്റെ അവസ്ഥ.. വെള്ളം കുടിക്കാന്‍ ഉണ്ട് പക്ഷെ ഉപ്പുവെള്ളം ആണ്..ഉപ്പ് തിന്നുന്നവന് വെള്ളം കുടിക്കാം ...പക്ഷെ കുടിക്കാന്‍ കിട്ടണത് ഉപ്പ് വെള്ളം ആണെങ്കിലോ? ...

ഒന്നും വേണ്ടാ നെല്ലിക്ക ആയിരുന്നു തിന്നതെങ്കില്‍ വെള്ളം കുടിച്ചു മധുരിക്കാന്‍് ഒരു അവസരംകൊടുക്കാമായിരുന്നു..ഒ എന്‍ വി പറഞ്ഞതുപോലെ നെല്ലിക്ക അങ്ങ് തിന്നു വെള്ളം കുടിച്ചു മധുരിപ്പിക്കാമായിരുന്നു...പക്ഷെ അറിയാതെ പാഷാണം വായില്‍ ഇട്ടവനെ വെള്ളം കുടിപ്പിക്കുന്ന അവസ്ഥയായി എന്റേത്..
എന്ന് വെച്ചാല്‍ പാഷാണം ഉള്ളിലോട്ടു ഇറക്കാന്‍ താത്പര്യം ഇല്ലാതെ തുപ്പാന്‍ വേണ്ടി അവസരം നോക്കുമ്പോള്‍..എന്തായാലും കഴിച്ചില്ലേ ഇത്തിരിവെള്ളം കൂടി കൂട്ടി വേഗം അതങ്ങ് ഉള്ളിലോട്ടു ഇറക്കിക്കോ എന്ന് പറഞ്ഞു വെള്ളം കൊണ്ടു തന്നപ്പോള്‍ നാണക്കേട് കാരണം കുടിക്കേണ്ടി വന്നു ആത്മഹത്യ ചെയ്തവന്റെ അവസ്ഥ..

പറഞ്ഞിട്ടെന്താ കാര്യം ?....എല്ലാ ഗോഷ്ടികള്‍ക്കും കൊണ്ടു പൊയ് തല ഇട്ടു... ഇനി ഊരണം എന്ന് വിചാരിച്ചാല്‍ കടമ്പകള്‍ ഒത്തിരിയാണ്‌ മക്കളേ... ഹുമ്മ്മ് ...അച്ഛന്‍ മുടക്കിയ കാശ് ഒന്നാമത്തെ ചോദ്യചിഹ്നം .. ലോകത്തുള്ള എല്ലാവരും എന്ട്രന്‍സ് കിട്ടി എന്നെ അങ്ങ് കെട്ടി എടുക്കുന്നത് കാണാന്‍ വേണ്ടി നോക്കി നില്ക്കുന്നു അത് രണ്ടാമത്തെ പ്രശ്നം
.. പിന്നെ പോയിക്കൊണ്ടിരുന്ന ക്ലാസ് ഇടക്ക് വെച്ചു നിര്‍ത്തിയാല്‍ വരാന്‍ പോകുന്ന ഭവിഷത്തുകള്‍.. അമേരിക്കന്‍ പ്രസിഡെന്റ്റ് മുതല്‍ ഇങ്ങോട്ട് പോന്നാല്‍ പാലക്കാടു ജില്ലെയിലെ സകല പിച്ചക്കാരോട് വരെ ഞാന്‍ കാര്യകാരണങ്ങള്‍ സഹിതം വിശദീകരിക്കേണ്ടി വരും ..അതുകൊണ്ട് മനസ്സില്‍ ഉണ്ടായിരുന്ന ഏറ്റവും നല്ല ആശയം എന്താച്ചാല്‍ അഖില കേരള പ്രവേശന പരീഷയുടെ വിധി പ്രഖ്യാപനത്തിന്ടെ അന്ന് കേരള സംസ്ഥാന ചലത്ചിത്ര അവാര്‍ഡു പ്രഖ്യാപനത്തിന്റെ അന്ന് നമ്മുടെ ചാലക്കുടികാരന്‍ കലാഭവന്‍ മണി ബോധം കേട്ടതുപോലെ. അതായത്.."വാഴത്തടി വെട്ടി ഇട്ടമാതിരി" അങ്ങ് ബോധം കെടുക.. എന്നിട്ട് ഒന്നാം റാങ്ക് പ്രതീക്ഷിച്ചിരുന്നു എന്ന് ഇടക്കിടെ ബോധം വരുത്തി പറഞ്ഞു വീണ്ടും ബോധം കെടുക...ഒരു ഇരുപത്തിനാല് മണിക്കൂര്‍ ഈ പ്രതിഭാസം അങ്ങ് തുടരുക .. പിന്നെ അങ്ങ് ബോധം പോകാതെ കണ്ണ് മിഴിച്ചിരിക്കുക.. . ഇത്രയും ഒക്കെ ആകുമ്പൊളേക്കം ആശ്വസിപ്പിക്കാനുള്ളവരുടെ ഗ്യാങ് എത്തും..ഒരു വണ്ടി പിടിച്ചോ അല്ലെങ്കില്‍ ഒരു ജാഥയായോ... പിന്നെ ബാക്കി കഥകള്‍ അവര്‍ ഉണ്ടാക്കികൊള്ളും... പിന്നീടങ്ങോട്ട് ഞാന്‍ ഒന്നും അറിയണ്ടല്ലോ?

ഇങ്ങനെ എല്ലാ വിധ പ്ലാനുകളും മനസ്സില്‍ കണ്ടുകൊണ്ടു ഞാന്‍ എന്ട്രന്‍സ് ക്ലാസ്സില്‍ പോയിക്കൊണ്ടിരുന്നു.. അവിടുത്തെ പരീക്ഷകള്‍ എല്ലാം വെള്ളത്തില്‍ വരച്ച ചിത്രം മാത്രം ആയി..പക്ഷെ മാര്‍ക്കുകള്‍ എപ്പോളും പാമ്പന്‍ പാലം പോലെ ഉറപ്പുള്ളതായിരുന്നു... പക്ഷെ അവിടം കൊണ്ടൊന്നും പ്രശ്നം തീരുന്നില്ലാ.. ക്ലാസ്സില്‍ പഠിക്കാന്‍ അല്ലെങ്കിലും
വെറുതെ ഞായറാഴ്ചകളില്‍ പോകുന്നത് പോലും വലിയൊരു പ്രശ്നം ആണ്.. എങ്ങാനും ഇടക്കൊന്നു കണ്ണടഞ്ഞു പോയാല്‍ , അല്ലെങ്കില്‍ അപ്പുറത്ത് ഇരിക്കുന്ന കുട്ടിയോട് ഒരു പേന കടം ചോദിച്ചാല്‍ , അല്ലെങ്കില്‍ ഒന്നും വേണ്ട വെറുതെ ഒന്നു തല ചൊറിഞ്ഞാല്‍ പോലും അത് ക്യാമറ കണ്ണുകളില്‍ പതിയും ... പിന്നെ അപ്പൊ തന്നെ ഏതോ മുറിയില്‍ ഇരിക്കുന്ന ഒരു വലിയരു‌പം എന്താ പറയുക മഹാഭാരതത്തിലും രാമായണത്തിലും ഒക്കെ പറയുന്ന രക്തരഷസുകള്ക്ക് തുല്യനായ ഒരു നീരാളി വന്നു അപ്പന്‍ അപ്പൂപ്പന്‍മാരുടെ എല്ലാം ഓര്മ പുതുക്കി തിരിച്ചു പോകും.. പാവങ്ങള്‍ എന്നെ കണ്ടിട്ടില്ലെങ്കിലും ആ കുടുംബത്തില്‍ ഞാന്‍ ജനിച്ചതിന്റെ പേരില്‍ എല്ലാ ഞായറാഴ്ചകളിലും അവര്ക്കു വേണ്ടുവോളം കിട്ടി കൊണ്ടേ ഇരുന്നു........അങ്ങാടിയില്‍ തോറ്റതിന് അമ്മയോട് ....അതുകൊണ്ട് എന്നോടുള്ളത് അപ്പൂപ്പന്മാരോട് തീര്‍ത്തു.. എന്തായാലും ഞാന്‍ ഉണ്ടാകുന്നതിനു വര്‍ഷങ്ങള്‍ മുന്പേ കണ്ണടഞ്ഞ അവര്‍ എനിക്ക് പത്ത് പതിനെട്ടു വയസായതില്‍് പിന്നെ ഇങ്ങനെ ഒരാള്‍ കുടുംബത്തെതിയത് അറിഞ്ഞു.. എന്റെ മിടുക്ക്...ഒരു പക്ഷെ എന്നെ അവരും വെറുത്തു പോയി കാണും..കാരണം ഭൂമിയില്‍ നിന്നു ആദ്യം വിളിവന്നപ്പോള്‍ അവര്‍ പ്രതീക്ഷിച്ചിരിക്കും കൊച്ചുമക്കള്‍ എന്നും വിളിക്കണേ എന്ന്.. പക്ഷെ വിളിയുടെ പുറകെ ഉള്ള എക്സ്ട്രാ ബഹുമാനങ്ങള്‍ കേള്‍ക്കുമ്പോള്‍ ഒരു പക്ഷെ അവര്‍ വിചാരിച്ചു കാണും ചത്തിട്ടും ബാധ ഒഴിയുന്നില്ലല്ലോ എന്ന്... കൊച്ചുമക്കള്‍ അല്ലല്ലോ വിളിക്കുന്നത് അവര്ക്കു വേണ്ടി വേറെ പലരും അല്ലെ വിളിച്ചുകൊണ്ടിരിക്കുന്നത്..
അതുകൊണ്ട് എന്ട്രന്‍സ് ക്ലാസ്സുകള്‍ അങ്ങനെ പൊയ് കൊണ്ടിരുന്നു.. ഓള്‍ കേരള പ്രവേശന പരീക്ഷ തീരുന്നത് വരെ .. അതിന്റെ രസങ്ങള്‍ ഇനിയുള്ള എപിസോടുകളില്‍ പകര്‍ത്താം..

പാറുവിന്റെ രണ്ടാം പാഠം വീണ്ടും ഒന്നില്‍ തന്നെ

2009-01-04T09:44:00.000-08:00

പാറുവിന്റെ ഒന്നാം ക്ലാസ്സ് വീടിന്റെ അടുത്തുള്ള ഒരു സ്കൂളില്‍ തീര്‍്ന്നു...
പക്ഷെ പ്രായകുറവ്കാരണം ആ ഒന്നാം ക്ലാസ്സ് പഠനം വെറുതെയായി ... പുതിയ സ്കൂളില്‍ ചെന്നപ്പോള്‍ അതൊരു കോണ്‍വെന്റ് സ്കൂള്‍ ആര്‍‌ന്നു .. അവിടുത്തെ കന്യാസ്ത്രീകള്‍ പറഞ്ഞു .. ഒന്നോടെ ഒന്നില്‍ ഇരിക്കണം എന്ന്.. ഈശ്വരന്‍ മാരെ മൊത്തം വിളിച്ചു .. പക്ഷെ അവര്‍ എല്ലാരും എവിടെയോ ഇരുന്നു കൈ കഴുകി ... പാവം പാറു .. ഒന്നാം ക്ലാസ്സില്‍ രണ്ടു കൊല്ലം ..എല്ലാരും പറഞ്ഞു പാറൂ തോറ്റതുകൊണ്ടാണ് വീണ്ടും ഒന്നാം ക്ലാസ്സില്‍ ഇരിക്കുന്നത് എന്ന്.. ഗതികേട് അല്ലാതെ എന്ത് പറയന്‍് അതും ഒന്നാം ക്ലാസ്സില്‍ രണ്ട് വര്‍ഷം ഛെ ... ആരോട് പറയാന്‍,,, പാറു വീണ്ടും തറയുടെം പറയുടെയും ലോകത്ത് ... ഇന്നായിരുന്നെങ്കില്‍ അച്ഛനും അമ്മക്കും എതിരെ ബാലപീഡനം വഞ്ചന ചതി ഗൂഢാലോചന തുടങ്ങിയ പല കാര്യങ്ങള്‍ക്കും കേസ് കൊടുക്കാമായിരുന്നു .. അന്ന് ഇതൊന്നും അറിയില്ലായിരുന്നു ... എന്ത് പറയാന്‍ പൊതു വിജ്ഞാനകുറവ് ...ലോക പരിചയക്കുറവു .... അങ്ങനെ ഒന്നാം ക്ലാസ്സില്‍ രണ്ടു തവണ.. ... പിന്നെ പത്താം തരം വരെ അതെസ്കൂളില്‍ തന്നെ പഠിച്ചു.. വലിയ പ്രശ്നങ്ങള്‍ ഒന്നും ഉണ്ടാക്കാതെ .. കോണ്‍വെന്റ് സ്കൂള്‍ പിന്നെ പെണ്‍കുട്ടികള്‍ മാത്രം ഉള്ള സ്കൂളും .. നല്ല കുട്ട്യായി ഗ്രൂപ്പ് സോങ്ങും നാടകവും മാത്രമായി അവിടെ കൂടി.... വേറെ ഒന്നിനും ഒരു റിസ്ക് എടുക്കാന്‍ പോയില്ല.... ഒന്നാം തരത്തില്‍ രണ്ടു വര്ഷം പഠിച്ചെങ്കിലും .... പത്ത് വര്ഷം പോയതറിഞ്ഞില്ല... അതിനിടയില്‍ കോണ്‍വെന്റിലെ സിസ്ടെര്സ് എല്ലാവരും ആയി നല്ല ആത്മ ബന്ധവും ഉണ്ടാക്കി എടുത്തു.. പത്താം തരം കഴിഞ്ഞു അവിടെനിന്നു പടി ഇറങ്ങിയത്‌ കണ്ണീരും ആയി ആണ് ... പക്ഷെ എന്നും മധുരിക്കുന്ന ഓര്‍മയായി ആ സ്കൂള്‍ ജീവിതം പച്ചപ്പോടെ എന്നില്‍ ഉണ്ട്.. തരക്കേടില്ലാത്ത മാര്‍ക്ക് ഉണ്ടായതുകൊണ്ട് ഏറ്റവും അടുത്ത കോളേജില്‍ അഡ്മിഷന്‍ കിട്ടി.. പക്ഷെ അത് ഒരു നരകത്തിന്റെ പടിവാതില്‍ ആയിരുന്നു.. ടൌണിലെ കോളേജ് ... കണക്കില്ലുള്ള താത്പര്യം കാരണം കണക്കു പ്രധാന വിഷയം ആയി തിരഞ്ഞെടുത്തു .. അത് ഒരു തെറ്റായി ഇന്നും ഞാന്‍ കണക്കാക്കുന്നില്ല. പക്ഷെ എന്റെ എല്ലാ കണക്കു കൂട്ടലുകളും പിഴച്ചത് അവിടെ വെച്ചാണ്‌... നാട്ടിലെ സ്കൂള്‍ കോണ്‍വെന്റ് വക ആയിരുന്നതുകൊണ്ട് എല്ലാരും പറഞ്ഞു അവര്‍ മതം മാറ്റും എന്നൊക്കെ..ഹിന്ദു കുട്ടികള്‍ക്ക് ചേരാന്‍ പറ്റിയ ഒന്നല്ല എന്നെല്ലാം എല്ലാവരും പറഞ്ഞു.. പക്ഷെ ആ ഭാഗത്തുള്ള ഏറ്റവും നല്ല സ്കൂള്‍ അത് മാത്രമായത് കൊണ്ടു എന്നെ അവിടെ തന്നെ ചേര്ത്തു .. പക്ഷെ അവിടുനിന്നാണ് നന്മയുടെ ആദ്യ പാഠങ്ങള്‍് പഠിച്ചത് .. സ്നേഹം കരുണ ദയ എല്ലാം എന്തെന്ന് അതും കുഞ്ഞും നാളില്‍ തന്നെ പഠിക്കാന്‍ സാധിച്ചു...

ഇനി എന്റെ കോളേജ് ജീവിതത്തിലേക്ക് തന്നെ കടന്നു വരാം.......

വീട്ടില്‍ നിന്നും ആവശ്യത്തിനു അകലെ ആണ് കോളേജ് .. വീട്ടില്‍നിന്നു രണ്ടര കിലോമീറ്റര്‍ ദൂരം ബസ്സ്സ്ടൊപിലെക്കു നടക്കണം ... അരമണിക്കൂര്‍ ഇടവിട്ടാണ് ബസ് ഉള്ളു.. എട്ടരക്ക് ആണ് ബസിന്റെ സമയം എട്ടുമണിആകുമ്പോള്‍ ഓടിതുടങ്ങിയാല്‍ ബസിന്റെ സമയത്തു ബസ്സ് സ്റ്റോപ്പില്‍ എത്താം.. അതികൂടുതല്‍ ദൂരം സ്കൂളിലക്ക്നിത്യേന നടന്നിരുന്നത് കൊണ്ടു. പുതിയദൂരം ഒരു പ്രശ്നം ആയിരുന്നില്ല... അതുകൊണ്ട് യാത്രയുടെ ദുഖങ്ങള്‍്പങ്കുവെയ്ക്കുവാന്‍ ഇല്ല..
പക്ഷെ പുതിയ കോളേജ് ജീവിതം നല്ല രീതിയില്‍ പങ്കുവെയ്ക്കുവാന്‍ ഉണ്ട്.. ഓര്‍മകളെ അലക്കി തേച്ചു മടക്കി അടുത്തബ്ലോഗില്‍ പോസ്ടാം.....